孩子的觀察力!

嘩, 睇返d日子係舊年10月o既事, 果時小齊2.5歲,

距離而家又成9個月前!

呢個發現都幾震撼, 原來佢記性由果時已經開始, 到而家都仲記得?!

我成日以為佢好快唔記得d o野

"唔識字"o既佢又記得呢本"書", 基本上連我都唔知佢睇過,

果下真有o的鼓舞~~

雖然而家我同小齊睇過d 書(多數係圖書館借) 我自己會做記錄,

但都係比自己睇,

為測試佢記性我比返d 封面佢睇, 原來佢真係可以講返晒d 書名出o黎!

有d 我地睇左一次就還左, 佢都可以講得出,

不枉我個個星期同佢去圖書館借書o既努力呀!

小朋友o既觀察力同記性都唔可以睇小!

真係要同小齊睇多D 書先得!



另:  尋晚返屋企我同小齊講: "唉, 媽媽有d肚餓tim, 屋企唔知有冇o野食?"

小齊: "你食麵囉"

我: "麵? 咩麵 ? 屋企都冇買麵~"

小齊: "果日拎o野去咪換左包出前一丁o既, 你唔記得喇?"

ding! 係噃! 傳說中o既"以物易物" 就係幾袋o野換左一包"出前一丁"咁大把!! 哈哈