![]( "20130609_183909")
關於小齊o既升學路, 自己從無諗過比小齊讀國際學校,
因為我熱愛中文, 要求阿女識聽講讀寫中文,
特別係寫, 我要求阿女寫得一手好字體, 我好憎人寫字核突
(寫字唔靚唔緊要, 至少要整齊, 只要有心機寫, 整齊應該係基本能夠做到呱)
亦冇諗過要小齊用"鬼妹腔英文"同媽媽談心,
我地談心一向只用母語 -- 廣東話, 最多夾雜兩句 "I LOVE YOU~~
![]( "(love struck)")
~"
所以IS 呢D又貴又唔合媽媽目標o既我冇諗過
![]( "DSC05328")
暫時只會考慮走"本地土炮" 路線
但本地學校都分幾種, 又DSS, 又私校, 又津校, 官校...
有D要計分, 有D要十項全能, 特異功能...
(特異功能MEANS 你做到同年齡o既人做唔到o既o野!! 但點解教育要教出呢d人??!!!)
一年級教二年級, 二年級教三年級...往下類推到大學....
如果我想搵識三年級o既o野o既同學, 我去三年級搵咪得囉 ?? 點解要去一年級搵??!!
而搵到就代表咩?? 代表呢個(批)小朋友好叻 ?! 定係好慘 ?!
好叻可能佢真係einstein? 無師自通 ?!
好慘可能係因為佢o既童年就係咁drill 呢d高年級o既書本 ? 試卷?
![]( "DSC05344")
而家小齊仲未返學, 我真係唔知佢讀書o既情況會係點 ?
我而家仲未想像到兩年幾之後要搵小學時, 小齊要識幾多o野 ??
所以考邊類學校未有定案, 暫時只係觀察階段
![]( "20130607_233153")
我有d怕我會讓我o既小朋友o係補習社不停drill 不停做好多exercise o既生活中渡過,
所以趁我而家記得我想寫低佢先!
等我第時如果怪獸上身我可以睇返,
除非你年紀大到了解到自己o既不足之處而要求補習, 否則媽媽唔會送你去補習社!
媽媽會自己跟你d 功課, 同你背書, 默書, 出卷比你做... 唔會假手於人,
你要補習 ? 要問過我先!
媽媽心中覺得有可能需要補習o既時間起碼係中學! (因為媽媽可能都唔識教你了, esp 數學我見到就頭暈)
![]( "20130525_112826")
o係呢個時間之前, 我希望培養小齊一種靠自己尋求知識o既能力,
讀書係你讀, 冇理由要我讀多次小學中學!
方向就係廣泛閱讀, 只要肯多閱讀, 媽媽深信呢種能力會慢慢培養到~
三歲起我地睇多左中文書,
中文書同英文書o既比例係 1 : 1 (呢個都係睇左汪培珽老師o既得著)
敗家媽媽自己細個時冇乜機會睇書,
希望o係小齊身上做得好o的
![]( "20130518_150919")
啱啱五月去台灣時媽媽不辭勞苦買左成20本書, 呢度係其中中文繪本o既部份
真係恨不得有多對手多個o急, 可以搬多d 書返香港,
須知道o係香港買到咁多種類o既繪本機會唔高(仲要平!), o的書店"兒童書部份" 最多o既係"補充練習"!
而家寄望7月書展再買
齊 ~ 閱讀樂
