0

貓眼看人生

Peter_Yau 於 2014-05-12 00:00:00 發表  |  累積瀏覽 1460

分類:





blog寫到冇題材寫乜好呢不如寫篇<貓眼看人生>頂住檔先。

溫柔、狡黠、神秘、傲慢、爭寵、妒忌、排他、冷漠、兇悍、高貴、驕矜、慵懶、愛潔、佻皮、好奇、侵略、孤癖..., 除了人類我相信貓是唯一擁有以上特性於一身的動物了。
  






上位要夠兇唔做一條虫今日踩狗上明日登頂峰。
  






今日我企出嚟講嘢無非係要勸大家做人要識得包容唔好下下鬧同胞影響佢地"濕平"嘅心情。同胞周街疴屎都係迫不得已嘅最好眼開眼閉俾行李箱撞損腳就講聲"梳厘", 我隻腳阻住你行路。咁就兩地河蟹架喇。
  






B仔話包容還包容周街疴屎始終有礙觀瞻。家教好緊要學嘢啦。
  







BB講得啱我地兩個齊齊響應。
  






邊個蝦我細佬呀錫晒你!








飛到攰晒借條尾隻坐陣抖抖得卦?
  






貓哥同B仔夾定計話: "B等大嬸行開我地爬入咗屋。我睇水你去雪櫃偷隻雞翼出嚟分享。醒定啲呀。"
  






貓落平陽被鼠欺無法啦。忍吓囉退一步海闊天空。
  






黑仔見白仔爭出頭佢話爭乜鬼吖鄧伯伯話識捉老鼠就係好貓。你幾白都假唔識捉老鼠就係廢柴 







瘦田冇人耕耕開有人爭。
  







大嬸新牌仔揸車亂咁舞。貓仔頂佢唔順叫大嬸坐後座等佢揸好過。
  







愁到爆。三圍爆棚件件名牌衫都著唔落點去ball?
  







大叔唔該一包醇薄荷萬寶路另加一包香口膠。一千蚊收唔收呀?
  







我個樣唔輸蝕得過金秀賢, <來自星星的貓>新片集等住我開拍。
  







相遇也是緣份不如大家做個friend好嘛?
  







呢隻貓唔係"指鹿為貓"就係"認鹿作父"。
  







死長毛立法會搞搞震又拉布又掟雞蛋又灑溪錢。扯下你啲頭髮睇過係咪戴假髮
  







練定把靚聲去紅館開100show,塵亦瞬」都要企埋一邊。
  







吼咗你三日三夜今次你仲唔死?
  







BB仔東施效顰都係自己cute啲。
  







都叫咗你唔好去北韓架啦抵你死無啦啦俾金正恩攞嚟試驗洲際核彈。
  







嗱嗱嗱先小人後君子咪話唔警告你利嘴無情啄盲隻眼最多係regret, 唔會apologize架。菲律賓阿基諾三世都咁講架。
  








There's always light at the end of the tunnel。我證明係真嘅!
  







話知你成村惡狗實行當你地隱形。
<聖經詩篇23:4>教落:我雖然行過死蔭的幽谷,也不怕遭害,因為你與我同在,你的杖、你的竿都安慰我。 在我敵人面前,你為我擺設筵席,你用油膏了我的頭,使我的福杯滿溢。
  







沖完喇快啲同我抹身啦縮晒水鬼咁肉酸。
  







隻瓷貓著到鬼火咁靚自己咁寒酸mood都無晒。
  







咁鬼熱開冷氣啦。隻remote點用架?
  







鴛鴦戲水共沐愛河真係不知人間何世!
  







浸咗半日差啲甩晒毛點解姜太公釣魚呢招唔聽駛架?
  







個飛髮佬真係冇鬼用叫佢同我剷個青頭裝竟然剷咗青身裝。點見人呀?
  







今朝有酒今朝醉明日愁來明日當。Yeah!

  





一招白鶴展翅甄子丹都耍唔到呢個招式。







大家齊心啲唔好爭。捉到隻雀分甘同味我食肉你食毛好唔好?
  








咪牛咁眼睇住人啦我係黃花閨女唔著得三點式架。
  







唔洗點都唔洗呢次打死都唔洗架嘞。
  







孫子兵法教落居高臨下置之死地而後生。
  







咪誤會我咋死我同老細霸住個車位等佢泊位咋。
  







依家邊仲有人咁笨出錢去買劇集安番隻高清小米機頂盒任睇唔嬲。
  







呢身皮草一出場實靚爆全場。
  







部單反咁複雜好鬼煩用手機方便好多。
  







唔怕你將軍抽車最緊要識得士急馬行田。
  







睇你個貓樣吖扮晒嘢以為好上鏡。我呸!
  







俾主人鬧咗幾句啫使唔使借酒消愁咁嚴重呀?
  







大花食塊紅燒老鼠肉啦。
細花對唔住初一十五我食齋你自便啦。
  







醇酒一杯美人在抱係貓生快事。唉可惜伊人不知在何方!
  







板間房就係咁嘅格局。
  






心思思有件事唔話得俾人知。
  







懶得戚小心俾人剪嚟造件披肩。
  







俾你檢查下十隻指甲都剪到貼肉套水牛皮梳化爛咗咪入我數。
  







仲好意思同人講羞家咯。
  





俾條骨攝住牙罅撩撩先。









拍完King Kong大鬧中環跟住拍超人、然後蜘蛛俠...恐龍...變形俠醫...。片酬好似豬籠入水,下半世打跛腳都唔怕。
  







真係蝦到出晒面!
  







神龍見首不見尾。
  







窮到劏房都住唔起唯有住籠屋囉。
  







騎牆派高手。
  







一日到黑凈係識食老鼠捉唔到半隻。食啦...食啦食飽佢啦真係講起一肚火。
  







成個老襯從此被困。
  







尾嚟架咪諗衰嘢呀。
  







邊個話獨食難肥我越獨食越肥。
  







前路茫茫生無可戀。
  







鬼咩日日打機打足廿四小時手腕肌腱損傷小事。唔癲癇發作算你好彩囉。
  







隻狗仔真係幼稚條尾到玩餐死。我學佢咁大果陣開始捉老鼠啦。
  







貓媽咪話班衰仔貓狗不分通識教育好失敗。

  







乜咁大整蠱呀?
  







我否認指控不過為我對老鼠界造成嘅傷害深表遺憾。
  







咪誤會我發緊嬲個樣生得衰啫。
  







搞政治最緊要識得四圍錫BB呢招親民功夫唔少得。
  







邊個咁無良偷食鬼咗我啲貓糧?
  







萬聖節又到係時候扮南瓜怪嚇下人lu
  







雀仔雀仔你好cute人見人愛車見車載。打開度窗門等我入嚟同你friend下啦。
  







呢隻牙尖爪利哽唔落。咪搞。
  








幫老細買外賣好買唔買買薄餅唔嬲就假!
  







扮芒果呃唔到人扮榴槤起碼陣味都似啲。
  







B仔玩完玩具亂咁掟唔幫手收拾下間屋太唔似樣。
  







玩到癲唔小心打爛隻乾隆青花瓷瓶罸面壁思過算小事囉。
  







唔係好新鮮啫煲呔曾都係咁款。
  







飲嘢唔好係咁灌用飲筒慢慢啜至係淑女形象架。
  







死啦諗住養住啲魚日日有鮮魚食點解反晒肚架?
  







貓大佬俾條路行下得唔得?
  







點呀唔順超咩係咁架喇。唔發惡咪當我係病貓。
  







隻老柴有樣學樣冇啲創意。睇見眼火都爆。
  









君子不立危牆之下有九條命都唔使咁博吖。








呢個死佬希特拉殘殺幾百萬猶太人我有撇咁嘅鬚都引以為恥咯!
  







人有失足馬有失蹄。我洗廁所唔小心跣親啫冇事冇事
  







人仔細細學偷嘢坐下花廳等你知錯。
  







今天且雙親那知他朝不相分?
地老天荒轉眼恩義泯。 不必怕多變幻,
風雨同路見真心月缺一樣星星襯。
  







邊位大頭蝦大嬸走失個仔呀小心拐子佬呀!
  







咁樣思考點創到新呀?  Thinks out of the box啦。
  







睇落三妻四妾兒女成群其實就假風流。
  







好心開門啦下次唔敢去bar去成晚唔番屋企喇!
  







支持環保運動一於關冷氣熄燈。
  







我地老一輩始終習慣實體印刷品電子書同"飛屎卜"留番俾後生仔玩。
  







耍套太極雲手招式俾你睇下練熟佢天空雀仔都手到擒來。

  








戴番副玳瑁眼鏡係咪成個學者咁哩型卦?!
  







阿嬌一齊睇清楚有冇狗仔隊匿埋一二角偷影無謂下屆參選特首俾人拎嚟製造醜聞
  







日夜望郎歸再咁望落去遲早變望夫石。
  







亞爸亞媽掉低我一個去環遊世界今餐又唔知食乜!
  







食指浩繁打十份工都養唔掂呢班化骨龍。
  







假嘢作大真係啋你都傻啦。
  







一個原則三個堅持。做到咁國家想唔興旺都幾難。
  







俗話說女為悅己者容。唔知我呢個貓樣吸唔吸引到悅己者哩?
  







噯姑乖、噯姑大,噯大姑仔嫁後街,後街有鮮魚鮮肉賣,又有鮮花戴,戴唔晒,擠落牀頭畀老鼠拉。
  







無啦啦收埋張水牛皮梳化唔俾人瞓呢張木櫈硬崩崩瞓到周身骨痛收買貓命咩!
  







好扮唔扮扮烏龜真係有失貓尊嚴咯。
  







冇膽匪類電動老鼠都嚇你到彈起真老鼠點算呀?
  







你兩隻嘢咪周圍郁望住鏡頭打個V-手勢跟住say cheese啦。
  







呢本貓書話貓只有一命講嘅嘢都幾不盡不實喎。
  







部部遙控我都要用唔該咪掂郁親唔客氣架。
  







聖誕老人退休今後我負責派禮物老鼠嗰份禮大啲敬請留意。
  







哈哈主人出發去環遊世界今次有得我地癩lu!
  






家有二千每日二錢全無生計用得幾年。所以今年唔派糖。嗱咪以為我講笑講真架。睇我嘅樣咁嚴肅就知啦。 






做主婦真係好嘥神。左邊百佳右邊惠康。唔知邊間啲紙尿片平啲呢?
  







架錢七整好未呀行幾步就跪低阻鬼住人地"濕平", 掉咗佢買部勞屎攞屎啦。
  







出街想撇甩我仲有空位唔爭在攝埋我落去啦。
  







家有家規長幼有序呢個規矩唔可以放鬆。
  








菲傭放假冇人斟茶遞水馬死落地行自己嚟囉。要幾多啦糖呀?
  







校啱水溫齊齊沖個鴛鴦泡泡浴。
  







今晚去Ball一於著呢對鞋等陣去裇髪順便油紅啲腳甲襯色。
  







食下食下剩番四條魚毛都係忍下口等佢地生番一竇先食咯。
  







隔篱婆仔飯焦香一啲都冇講錯。
  







望乜呀未見過痾屎咩。幫手遞啲廁紙過嚟啦望。
  







做齊人啫出街使乜咁怕醜遮遮掩掩唔敢亮相好多麻甩佬恨都恨唔到啦。
  







貪心之過。買鞋貪着數驚死執輸有咁大買咁大依家十隻腳都攝得落點算?
  







著成咁扮聖誕樹咩?
  







開鏡拍包青天同我化一半妝就話唔夠墨汁。焗住改劇本拍鍾無艷。乜你班友咁鬼兒戲架!
  







成個謝賢咁款。後面曾江都唔執輸染埋美源髪采上陣。

  







「濫竽充數」就係咁解。
  







"卡娃兒"都唔錫啖抱抱啦。
  







春花秋月何時了,往事知多少?小樓昨夜又東風,故國不堪回首月明中。雕欄玉砌應猶在,只是朱顏改。問君能有幾多愁,恰似一江春水向東流。
  







攞綜援印印腳隊啤酒食薯片揸住remote煲韓劇追完<大長今>追<星星>快活過神仙。
  







大叔個肚腩痕痕地借隻手幫我抓下得唔得?

  







沖完涼出死力係咁扭 你估我係毛巾咩輕輕索下就算啦。
  







俗語話「狗瘦主人羞」貓瘦主人更加冇面。嗱我呢隻十斤重。
  







好叻咩我呢隻十一斤。
  







哈哈我呢隻十一斤零一兩多你一兩吹咩!
  







你話你隻十二斤靠多毛之嘛。夠唔夠膽剃晒啲毛磅下吖?
  







你地班師奶爭乜鬼吖。搵我隻貓公同你地嘅貓小姐共宿一宵十月懷胎嗰陣包重多十斤。要就快手蘇州過後冇艇搭。
  







哎呀班師奶真係無聊肥都鬥餐死真係笑我到典地笑到牙都差啲甩埋。
我就怕三高留番你地肥到夠啦。
  







呢篇blog認真長淨係上載圖片都做到手輭開咗成晚夜車都未搞掂。暫時係咁多先啦。



============================================

感謝 Peter Yau 提供以上資料

Peter Yau的網誌: http://ckyyau.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 80787

全部攻略 147

全部回應 11