阿灰落話槍殺港人嗰個係門多殺,唔關佢事, 亦唔關菲律賓人民事。根據菲律賓文化，佢唔會道歉,亦唔會代表菲律賓人民向受害者道歉！凸首跟住舉咗往年十月一日南Y島沉船事件,話意外雖由兩方船長犯錯所致,但政府都有向市民道歉!凸首講得又唔啱喇！人哋都話咗大家文化唔同，有差異囉，你重舉香港嘅例子出嚟做乜？係咪玩野先！阿灰落應該套用中國呢番說話：冤有頭，債有主，一人做事一人當！你哋咪去告門多殺囉，關我义事？睇吓凸首重有無野好講喇！
關於香港記者被印尼保安強行帶走一事，如果我係阿灰落，我唔單只話做得啱，重會話做得唔足夠，應該作出刑事檢控，因為記者將咁敏感嘅問題，喺呢啲國際場合提出，會令到佢好尷尬！始終過門都係客，佢到印尼開會，東道主有責任保護佢嘅權益，同埋香港記者問嘅提問，同嗰次會議毫無關係！
至於話抵制菲傭，我係阿灰落就一啲都唔驚，因為我睇死中國人唔會齊心，大部份在唔損害自己利益嘅大前提下，會充滿正義感，又話要制裁，又話要杯葛，一旦觸及自己利益，就會側側膊，唔多覺！
雖然阿灰落長得蛇頭鼠眼，成個白痴仔咁，但我哋唔可以以貌取人，畢竟樣衰唔關佢事，係關佢老豆老母事！我喺呢度力排眾議，獨撐阿灰落！
============================================
感謝 過氣年青人 提供以上資料
過氣年青人的網誌: http://philipchutingkai.blogspot.hk/
============================================
