澳門銀河娛樂國際馬拉松2009 完成時間: 2:04:52
總參賽人數約莫三千人。澳門本土嘅參加人數得幾百，反而由香港或其他方去參賽嘅跑手佔大部份。由於喺十二月初舉行，加上晨早六點鐘開步，溫度十零度，十分適宜跑步。起點以及終點都係喺番澳門運動場。沿途除咗有啦啦隊打氣之外，重加插一啲表演，包括跳中國舞，笛子演奏以及森巴舞等等，幾得意架。美中不足嘅係要自已卜酒店同埋船飛，最好主辦單位可以提供協助，例如推出優惠套票就夠晒完美。依家去一次跑步大約花費1500元，當然唔包括大飲大食同埋進貢俾燊哥喇。整個賽程比較辛苦嘅係上大橋嗰段。總括嚟講，艱苦程度排喺渣打同埋美津濃之後。 呢次參賽，令我最難忘嘅就係.................第一次去澳門比賽.?
唔係!..................嬴咗錢?..........都唔係!............................................而喺................................跌咗部相機
依家提供比賽路線俾各位參考：
半程馬拉松比賽路線 : (21.0975公里)
（起點） 澳門運動場 → 體育路 → （左轉） 運動場道 → 奧林匹克游泳館圓形地 → 蓮花海濱大馬路 → 海濱圓形地 → （左轉）蓮花路 → 蓮花圓形地 → （折返）→ 蓮花路 →（左轉）蓮花海濱大馬路 →（折返） → 蓮花海濱大馬路 → 海濱圓形地 → 蓮花海濱大馬路 → 奧林匹克游泳館圓形地 → 東亞運大馬路 → 西灣大橋 → 西灣湖景大馬路 → 隧道 → 孫逸仙大馬路 → （左轉） 倫斯泰特大馬路 → （左轉） 仙德麗街 → 星際酒店 → 仙德麗街→ 入隧道 → 蘇亞利斯博士大馬路 → （左轉）南灣湖景大馬路 → 立法會前地 → 湖畔西街 → 何鴻燊博士大馬路 → 南灣圓形地 → 西灣湖景大馬路 → 西灣大橋 → 東亞運大馬路 → 奧林匹克游泳館圓形地 → (左轉) 運動場道 → (右轉) 體育路 →澳門運動場（終點）。
完
============================================
感謝 過氣年青人 提供以上資料
過氣年青人的網誌: http://philipchutingkai.blogspot.hk/
============================================
