今次這篇 BLOG 文是講故仔
講好多年前的事.....
話說 N 年前
我女兒由BB女到漸漸長大
好多親戚朋友都話我女兒樣子好似我
不過更多朋友話我要多D管住個女
現今社會風氣唔好,
小心女兒學壞,
又小心亂食嘢唔健康 !
吓......?
管.........?
點管呀.....??
唔准女兒和同學去街玩 ?
唔准女兒看電視 ?
唔准女兒食零食, 飲可樂 ?
咁就有好多嘢唔准 ?
![]()
管教...
似是用於 "懲教署" 岩多D.
署內管理的是已犯錯的人,
故要管住佢, 要再教導佢地,
免得再犯錯
但我女兒, 出世後什麼都唔識,
冇做錯過什麼喎...
點解要管住佢呢...??
所以我唔用管教這方法 !!
咁用什麼方法來令女兒成長...??
![]()
教是要教, 但是用 "教導"
用引導的方法來教....
即是....可用令一名詞 "培養"
父母想子女學什麼, 做什麼, 食什麼
咁父母就先做什麼, 食什麼
子女年幼時就會跟住父母做什麼,
同父母一齊食什麼 !
例如
我想女兒多看書,
咁我就問女兒陪唔陪我去圖書館....
我想女兒多運動,
咁我會帶女兒去公園跑吓步, 去泳池游吓水
我唔想女兒飲咁多汽水, 亂食零食,
咁我都無食零習慣, 也少飲汽水多飲茶囉..!
女兒的小學階段就是這樣成長.
![]()
至於女兒的中學時期,
大學生涯
就留在下篇再講.
============================================
感謝 大海冬日 提供以上資料
大海冬日的網誌: http://winterkwan.blogspot.hk/
============================================
