Date: 14 Jul 2011
Day 5
今日係行程最後一日,做下文化人去一下博物館.
入面有個伯伯講解,係朝鮮時期,有外敵入侵韓國,而個皇帝就話唔夠兵派去濟州,個200年間唔准濟州人離開濟州,要自己攪掂,保護自己;又話每個月要進貢40,000隻鮑魚 (嘩,每月,唔係每年喎,點俾你呀!蜆都俾唔到啦~),皇帝無體恤佢地,濟州人覺得被遺棄,所以形成今日既濟州人脾氣唔係咁好~
因為先兩日食既고등어조림好食,所以特登開一個鐘車再食過,好彩~1點前去到,我地係最後一檯客.
食完去金寧海水浴場,途中見到牧牛場,落車影相,隻牛突然瞪住我,有D'協'.
喜歡呢個海灘係因為人唔多,海面平靜,出到好遠都咁淺水,不過D水好涷呀~
真係水清沙幼~
plan 既時間剛剛好,去食晚餐,去左間유리네 향토음식, 揀佢因為近機場, 把鬼,連個飯都未煮得好,真好意思開鋪做生意.
