Date: 11 Jul 2011
Day 2
今次既住宿和租既車
行上山頂看火山口,海拔180米,上下山只需1個小時. 唔算辛苦,只係幾曬,但又唔覺太熱喎,濟州既夏天都幾舒服.
好,開車去距離10分鐘車程的食店맛나식당,呢間食店search時D人話好好食,唔去會後悔咁話,仲好平添.到左後,老公看一看門口,嫌人地外觀'up dum',唔想去,我就同佢講: 橫掂都來了,點解唔試下,人地bloggers咁極力推薦. 你要搵第二間,亦唔知好唔好食,就算呢間唔好食,都係嘥100蚊,未無下次囉;如果真係好好味既話,你未走寶?
又俾我氹掂,叫左갈치조림 同 고등어조림(牙帶魚和鮪魚). 一試,老公對眼發光咁滯,我又話:好食呢,係未要報答我呀~ 佢仲食左兩碗飯,汁都撈埋. 間鋪由兩個婆婆打理,一個主外,一個主內. 主外既婆婆...好有性格..哈哈.
食完去城山碼頭搭船去牛島,唔係呢隻,呢隻去 장흥(長興),好似好舒服,下次試下搭先~
入到去碼頭先填表,再買來回程共W11,000 2人,搭大約15~20分鐘就到喇.
牛島沿岸
租了呢架ATV 環島游,W25,000 2小時.
上去牛島峰, 好似城山好行D,行呢個峰索哂氣,背脊都伸唔直,落山個下對腳仲一路震一路落.
返去城山, 繼續行程: 涉地岬地 (섭지코지)
All in 既 church
6時多,要返市區食조개탕, 今次無第一次咁好食,有D腥,最後叫左個 조개죽 就好好食,鮮味一流.
食完行下超市消化下, 早D休息,今日真係行足成日,仲曬燶左,對上一次曬燶已經係讀小學去海灘玩既時候. 成晚瞓唔到,因為一轉身膊頭就好痛,最衰掛住出去玩,唔記得塗防曬.
