Day 1
今次都係買package, 5日4夜,包機票+住宿+租車,大約W700,000.
早上乘8:05分Eastar航空,吃過早餐,入閘等上機,1小時便到達了.
先到山房山,那邊很大霧,很大風,夏天都要穿件薄薄既外套.
想去埋龍─海岸睇洞穴, 但因為太大浪,為安全起見不俾入,可惜~
然後去 오설록 Tea Museum.
不好正餐既我,哄掂老公陪我食呢個 green tea shake, green/black tea cake,好開心呢個係我既午餐,個shake好好味,好足既綠茶味,不過個cake 就略甜.但係個shake就貴囉,成W7,000杯;個cake 就W4,500件.唔好睇咁少野仲要兩份分,原來好飽肚,到晚飯時間仲未覺餓呀.
食完去睇circus,搵資料時總係唔明點解韓國人咁鐘意睇,仲話好感動,不過老公想睇就陪佢睇啦~ 場show 1個小時,原來又真係幾感動,唔似以前係大陸睇既咁求其..
睇完4點,去住宿度check-in先,今次揀濟州市梨湖海水浴場附近,行5~10分鐘左右就可以去海灘游水喇.
check-in完去換車,因為架車好多螞蟻,仲係黑色大大隻,好核突. 原先既車款無哂,就換左高一檔既俾我地,好野~
然後去食等左好耐既黑豚肉,其實首爾都有,但總係覺得好食D,仲平D添~
叫左 목살 和 한정살各一份 ,搭兩塊豬皮,豬皮要一開始就燒,最後先食,咁就會脆卜卜喇~我鐘意食한정살多D, 夠爽.
食完嘆杯coffee,然後去Emart 買charger, 因為個老婆懶醒記得帶cable 無帶charger, 重要唔提老公,唸住佢要時可以好得戚咁遞俾佢,點知...
買埋1/4個西瓜,食完早D瞓,明天要一整天行山,要儲夠電.
