Date: 22 Mar 2014 (Sat)
呢日去左龍仁既韓國民俗村, 唉~ 而家去親邊度都人多車多, 人老左真係好怕去多人既地方, 所以每逢周末要唸去邊樹, 真係唸到抓爆頭~![]()
一入場隻佬就嗌肚餓, 忍多陣都唔得, 拿拿林同佢去食泡菜煎餅, 唔係佢就會不停喺我耳邊唸咒 "好肚餓, 好肚餓, 去食野, 去食野...we wun wun...we wun wun.."
食完就去睇騎馬表演, 好彩唔駛錢啫, 唔係就係呃飯食...
睇完後就周圍逛喇, 好得意既 donkey~
行到咁上下就去睇傳統婚禮, 一個字....悶
結婚都苦瓜乾咁, 做戲做全套嘛...仲係...悶....
悶到....呀...唔係死機, 而係影下個天啫....嘩~ 一舊雲都無呀~
睇完又周圍貢喇~
衙門
行到咁上下, 隻佬就嗌攰...咁我就自己貢左去睇博物館喇~ 又幾多野睇喎~
春天食既菜
夏天食既飯菜
冬天食既飯菜
整大醬
中秋節食既松餅, 用松葉墊底, 然後蒸.
整緊泡菜
동치미 (蘿蔔水泡菜), 食辣野或者油膩野, 飲啖泡菜水解一解都幾正架~
南大門
濟州屋
![]()
上面搭左d 木板, 就係....以前濟州人踎喺上面辦大事, 然後d黑豬就喺下面等![]()
食喇
睇完濟州屋, 貪玩過條石路先...
雖然好淺水, 好穩陣, 好矮, 但係原來都好驚架~
睇完差唔多日落, 係時候返首爾, 唔係又唔知塞車塞到幾時...
============================================
感謝 ahQ 提供以上資料
ahQ的網誌: http://ahqinkorea.blogspot.kr/
============================================
