第二日的主打就是坐破冰船~~ 自己都是第一次坐而已, 不知如何呢?~~
出發時, 太陽仍未露面~~
![]( "north 2a")
到達啦~~ 見到破冰船的真面目~~ 這架就是三寶號 (Sampo)~~ 是一架已退役、現在為觀光用的破冰船~~ 外表看來好似好新, 其實它已經有四、五十年歷史~~~
![]( "north 2b")
同時間, 太陽都出來了~~ 也是很幸運~~~
![]( "north 2c")
遠處有風車哩~~~
![]( "north 2d")
好像浮在冰雪上~~
![]( "north 2e")
上船時, 見到室外溫度計是-10度~~ 但之後應該再凍d, 因為出去影相影一陣, 就要返入室內休息~~
![]( "north 2f")
上船不久就是船內的導賞, 了解船的歷史, 以及參觀船內不同設施~~ 這裡就是船長室, 幾乎是船中最高的地方~~
![]( "north 2g")
船入面有不同的休息室, 因為間船滿哂人有150人, 需要地方讓大家坐坐哩~~
![]( "north 2h")
船入面的通道~~ 和那些貨船沒有分別~~~
![]( "north 2i")
我們連機房都有參觀, 不過真係好嘈呀
![]( "(big grin)")
~~
![]( "north 2j")
餐廳都幾大~~ 而且食物都算不錯~~ 雖然份量不算很多~
![]( "north 2k")
最深刻就是這個雪糕批~~ 很美味~~ 北歐人真係鍾意在冰天雪地外......的室內食雪糕~~~
室外又如何呢?~~
![]( "north 2l")
通道滿是冰, 一不小心就會滑倒, 所以大家都行得好小心, 仲要扶住欄杆~~
![]( "north 2m")
向著太陽前進~~ 陽光很耀眼, 但天氣太凍, 一點都不暖~~ 不過難得見到藍天襯冰雪~~~
![]( "north 2n")
被破冰船整碎的冰塊~~ 第一次看到這個風景, 很有趣又壯觀~~~
![]( "north 2o")
船後面就看到一條冰水路~~ 啲冰俾架船整碎哂~~~
![]( "north 2p")
近看的冰真像雪糕批~~~
![]( "north 2q")
藍白交錯, 很優美的景致~~~ 所以就不停影影影~~~
![]( "north 2r")
架船終於停低~~ 我們踩在波斯尼亞灣上, 回望破冰船~~ 可能因為這裡的冰雪太厚, 所以我們在這裡走來走去都冇問題~~ 能夠在冰海上行真是很特別~~
![]( "north 2r")
可能冰海好凍, 突然就起了冰霧(?)~~ 太陽變得好濛哩~~~
![]( "north 2s")
人們走來走去, 都變得好細小~~
![]( "north 2t")
不知為什麼, 冰海竟然有棵樹~~ 如果下次有機會再來, 不知會唔會再見到?~~
在出面行完一輪, 即刻趕番去玩浮在冰海的活動~~
![]( "north 2u")
就是穿這種衫~~ 好大件又重, 所以著的時候要工作人員幫手, 而且場面其實好混亂 (這張相是玩之前影的), 因為我們2人都玩, 所以就唔可以互影, 不過著到成隻龍蝦咁, 可能唔影好過影~~~
![]( "north 2v")
唯有影低其他人一齊玩嘅情況~~ 其實就係在破冰船開一個"洞", 大家就在這個洞的冰水中浮吓浮吓, 大約浮幾分鐘就完成~~ 其實因為保暖衣, 所以身體感覺不到冰水, 不過塊面俾件衫整住有啲呼吸困難, 同埋著住呢件衫嘅行動好慢, 因為幾重, 而且怕滑倒, 不過都係一個不錯的體驗~~~ 仲可以在冰水中同老公手拖手~~
![]( "north 2v")
玩哂, 架船就回程了~~ 回航比去程快好多, 可能因為已經開咗條冰水路, 同埋回程可做的不多, 可以在休息室/餐廳休息, 或者行行很小的紀念品店~~ 太陽下山之餘又愈來愈遠~~ 要和冰海說再見~~~
去到凱米 (Kemi) 的冰雪堡壘 (snow castle) 的時候, 天開始黑~~ 不過仲影到一望無際的冰湖~~ 這個湖其實可以玩冰上電單車, 不過我們唔夠人, 所以就冇玩啦~
![]( "north 2w")
唔知點解跟住行到去入口, 個天已經幾黑~~
![]( "north x")
入口原來是一個"大口", 和想像中幾不同~~ 因為之前見日本北海道或者中國哈爾濱的雪祭, 都不是這個樣子~~
![]( "north y")
入去好似俾隻怪獸食咗咁~~~
![]( "north 2z")
不過入面的展覽都好得意~~ 除咗冰酒店之外, 竟然有angry bird
![]( "(big grin)")
~~~ 整得好似架~~
![]( "north 22a")
仲有隻冰恐龍~~ 整得好神似~~
![]( "north 22b")
還有"愛麗斯夢遊仙境"的兔仔~~ 張冰櫈可以坐的~~ 原來今年的主題是"Fantasy", 所以有好多神話/卡通人物~~
![]( "north 22c")
入面另一個景點係冰教堂~~ 暗暗的燈光下, 氣氛都幾神聖, 不過在這裡行禮應該要著好多衫~~
![]( "north 22d")
出面就有冰滑梯, 另一邊仲可以用水泡玩滑梯, 老公玩咗, 唔錯~~ 不過天黑啲人幾乎走哂或者在室內, 所以冇咩人~~
![]( "north 22e")
其實這裡地方不是很大, 而且如果單看外表, 真的不太似"堡壘", 似冰屋多啲, 不過都是很有特色~~
![]( "north 22f")
之後我們就在冰餐廳食晚飯~~ 枱櫈都是用冰做的, 不過應該有特別處理過, 所以用手摸都唔會溶, 櫈就有鹿皮包住~~ 坐喺度其實幾凍, 幸好有得食飯, 唔係愈來愈凍架~~
![]( "north 22f")
雖然有三文魚, 湯也很美味, 最喜歡還是這個甜品~~
吃完飯, 係時候要回酒店休息了~~ 第2日活動不多, 但都是很精彩~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
