0

新加坡自由行(6): 樟宜機場蝴蝶園 (Butterfly Garden)

helenhlblog 於 2014-05-29 00:00:00 發表  |  累積瀏覽 1003

分類:主題公園 長線旅遊 ;地區:新加坡
終於登出尾二的一篇遊記~~~

旅程最後一天, 上午10時上機回港 (又是因為遲訂機票...), 為了爭取時間看最後一個景點, 7時出門, 乘巴士再轉MRT, 幸好一切大致順利, 約7時50分去到樟宜機場~

第一件事就是在下車的地方, 即係Terminal 2的MRT站票務處, 將2張Singapore Tourist Pass退回...因為那間office要8時才開門, 排隊時有點不愉快, 明明人家貼了告示叫人在票務處門口排隊, 前面那堆遊客就亂排隊, 排了在另一邊嘅欄杆......見到呢個定時定刻先開嘅office已經唔好氣, d人仲要亂排隊, 咪同佢哋講叫佢哋排番好......個人真係好唔滿意新加坡旅遊局咁樣對遊客......

當個office一開, 已經有條人龍, 好彩嚟得早, 唔駛等好耐退票成功, 攞番$20 SD就可以在機場買手信~~ 不過買手信之前, 就是要去辦理check-in同寄行李......又一個令人氣結的地方......我哋排得早都排了45分鐘......如果喺香港, 唔駛半個鐘一定ok......呢度?? 2條長龍都係開4個櫃位, 仲要有2個counter都是服務商務/頭等旅客......即係得2個counter服務幾十人, 而且個個都n件行李, 地勤又慢條斯理......新加坡的CX同香港的服務真係差咁遠? 定係星航會好D?......總之香港的服務一定好過新加坡多多聲......大家在旺季自由行, 就可能會遇到呢D障礙, 真係要小心小心......

搞完一大輪已經就嚟9點...9點40分上機, 突然又好趕添, 不過點都要去蝴蝶園~~ 即刻行去坐skytrain去terminal 3~~ 好彩去到T3, 搵了一輪, 終於搵到啦~~ 剛好9點~


這個就是入口~ 它"躲"在一堆商店後面, 不太容易找, 幸好都來到~~


地方不算大, 但環境優美~~~


菠蘿片上面有好多蝴蝶呀~~~ 牠們乖乖地享受食物, 我們就乘機欣賞牠們~~





菠蘿汁一定好好味, 牠們黏喺度久久不走~~



周圍的花上都有蝴蝶~~~ 白色那種又大又靚, 很喜歡~~~ 不過牠們飛來飛去, 要影到不容易呢~~~



園中有一個培養玻璃櫃, 大家可以望到不同階段的蝴蝶, 由毛蟲、蛹至到成蝶, 很有趣~~


這個小花園有2層, 沿住樓梯就可以行上去~~ 一路行一路望望下層的景色~~


"2樓" (其實是在T3的4樓)的設計相對簡單得多, 只有一排花草和一條通道~~



不過周圍都有好多蝴蝶~~~ 靚靚呀~~~




花園入面仲有幾個蝴蝶形的花壇, 蝴蝶都很喜歡架~~~ 又影到幾隻~~~

影到唔捨得走, 不過仲要買手信, 又要準時登機, 於是匆匆搭skytrain回T1, 又匆匆去了"美XX"用了那20多元SD買手信 (其實真係唔想買呢間, 不過趕唔切搵另一間...), 再匆匆跑去登機......好彩剛剛好可以順利上機......都係嗰句, 早D訂機票, 選下午或者傍晚機就唔駛咁趕......

這次自由行有點"蝦碌", 又有點"驚險", 幸好都算是順利完成, 又感恩有好的天氣, 而且可以同老公一齊周圍去都好開心~~ 不過玩完又是儲錢時......希望快點儲夠錢, 又揀到好地方, 可以再去旅行 ^^~~

如果大家因為轉機或其他原因要在機場消磨時間, 蝴蝶園真係其中一個值得參觀的景點~ 如果大家想了解樟宜機場蝴蝶園和其他資料, 可以看看以下網站:

http://www.changiairport.com/at-changi/leisure-indulgences/nature-trail

http://www.tripadvisor.com/Attraction_Review-g294265-d309386-Reviews-Butterfly_Garden-Singapore.html

http://www.utravel.com.hk/DetailSpot.php?id=ADwRYBEqA3M

http://www.uknow.com.hk/item-3483.html

http://yanfood365.blogspot.hk/2013/02/butterfly-garden.html


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:新加坡
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337567

全部攻略 333

全部回應 39