看完北極光, 當然要好好睡一覺~~ 醒來天還未光, 又在影相了~~
![]( "north 4a")
天仍是深藍色, 開始見到玻璃雪屋的真面目~~
![]( "north 4b")
晨光慢慢到來了~~
![]( "north 4c")
很快就變了光亮一點~~ 又係時候要去celebration house食早餐~~ 早上仍然是好凍呀~~~
![]( "north 4f")
終於見到玻璃酒店周圍, 雪地的真面目~~
![]( "north 4g")
食完早餐, 團友話celebration house附近有很多設計特別的木屋, 所以我們又冒住嚴寒出去逛逛~~ 行過一條橋再上小山丘, 原來有間外表有趣的小屋~~
![]( "north 4h")
這間就是"聖誕老人屋"~~ 外表好漂亮, 不過唔夠時間, 而且應該未入得去~~
行完一個圈, 返去接待小屋, 又係時候要出發啦~~ 不知何時何日可以有機會再來呢?~~
幸好路上有看不完的美景~~
![]( "north 4i")
全白色的樹, 像裝飾品哩~~ 另外, 我們曾經有幸2次在車上見到彩虹, 可能因為2次都是下了小雪之後出太陽, 太陽光反射就出現了彩虹~~
![]( "north 4j")
用肉眼看靚得多, 在車上用相機影, 都係勉強影到 (紅圈入面就是了~~)
今日的主打就是坐馴鹿雪橇 (扮聖誕老人~)~~ 去到已是中午, 當然要吃午餐~~ 知不知下圖是什麼呢?...
![]( "north 4k")
就是馴鹿肉~~ 整成好似肉碎咁, 味道亦幾似牛肉乾, 不過d團友話好"羶", 撈埋紅莓果醬同薯蓉一齊食, 我就覺得好好味, 因為本身唔怕"羶"的~~
另外最好味都係...
![north 4l]( "north 4l")
甜品~~ 好味的莓味雪糕~~~
![]( "north 4m")
之後就去同馴鹿見面~~ 這次一隻馴鹿拉2個人, 速度都唔慢, 不過當然比狗狗慢, 所以反而覺得真係坐緊雪橇, 而唔係一坐就到~~
![]( "north 4m")
之後去了餵馴鹿, 牠們原來鍾意食乾草, 不過好為食, 一食就食了一大把~~ 這些馴鹿的樣子和拉雪橇的不同~~~
![]( "north 4o")
最後見到的馴鹿就是它們了~~ 因為我們又再次去到機場, 預備坐內陸機去赫爾辛基 (Helsinki)~~
![]( "north 4p")
羅凡尼米的夜景~~ 很希望第時有機會可以再來這裡~~
去到赫爾辛基已經是晚上~~
![]( "north 4q")
重新來到市區真有點不習慣哩~~ 不過天氣開始暖好多了, 雖然其實都係0度~~
![]( "north 4r")
去到酒店時, 又下起雪了~~ 這次旅行真的看了好多自然現象, 驚嘆大自然的美麗及獨特~~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
