其實之前都寫好了新加坡的遊記, 不過復活節同佛誕假期又去了唔同地方, 所以未upload完成~~ 短期內完成埋啦~~~
上回講到我們遊覽了新加坡植物園之後, 行了去烏節路~~ 點解這篇不加上烏節路作為其一? 因為其實我們最後都只是由公園行過烏節路 (Orchard Road), 再去搭地鐵~~ 如果去新加坡冇去過烏節路, 好多人可能都問, 究竟你係咪真係去過新加坡, 所以由公園行出嚟行過去, 都有些期望, 看看有什麼特別~~
到了烏節路的入口~~
再行, 去到中心地帶, 就見到這間出名的酒店~~
還有這個旅遊書介紹的新商場~~ 不過總之周圍都係人同商場, 可算是新加坡最熱鬧的地方之一~ 不過物價就同香港有得比, 甚至更貴, 絕對冇購物的必要......其實旅遊書都話去武吉士 (Bugis)購物就好d, 不過都係嗰句, 冇時間, 因為老公想去的真正景點是小印度 (Little India)~ 結果不用半小時就由烏節路坐地鐵去了小印度~~
小印度可能就係另一個去新加坡必去的景點之一, 因為來旅行之前, 幾個親友都不約而同話來呢度參觀, 因為這裡很有印度風情, 於是下午就過來看看~~ 從地鐵站出來不久就見到這些彩色排屋, 不過店舖就不是間間都係南亞店, 好多都係中國人開的~~
其實有點似牛車水, 不過牛車水的建築物顏色種類不多, 這裡明顯用色較大膽~
原本見到旅遊地圖介紹一間印度神廟, 不過去到時見到圍哂板, 原來維修中, 冇得參觀~ 少了一點印度特色......不過就算參觀到, 老公都唔鍾意我影低或post任何神廟/神像的相片, 所以都係冇相睇~~
行了一個上午、中午、下午又在行, 又熱又口乾, 見到街邊有個攤販賣椰青, 又有好多人幫襯, 即刻"如魚得水"~~ 買番個飲吓先~ 細細個, $2 SD, 價錢OK~~
好味又解渴, GOOD~~~ 再問老闆攞隻膠羹, 可以挖埋入面啲椰子肉來食, 味道不錯~~
行到咁上下, 又是開餐時間~ 老公話之前聽同事講, 小印度有便宜嘢食, 不過找來找去, 好幾間南亞食店定價都不便宜, 無理由又食中國餐......結果決定入去試吓這間南亞快餐店 (A.B. Mohamed Restaurant), 望落呢間最公道, 明碼實價~~ (後來再找資料, 原來係有平食的地方, 叫竹腳中心)
有哂圖片同價錢, 唔怕揀錯~~ 不過呢度大部份都是南亞侍應, 幫襯的大多都是南亞人, 見到我們中國人幫襯, 看來有點不友善......不過都係嚟食嘢, 唔理得咁多...
選了這個烤餅 (英文名不記得添...), 有3種咖哩可以點~~ 烤餅入面記得好似有洋蔥或薯仔之類的, 同咖哩的味道都很相配, 不錯~~
這份就是另一種烤餅, 上面有蔥花的~~ 這次就配了一個"沙律", 味道都可以, 咖哩就是上面其中一種味道~~ 算是體驗了地道風味的一餐~~
食飽後又周圍行~~~ 不停在影不同顏色的房屋~~
真係咩顏色的房屋都有, 篇幅所限, 都只是擺一兩張~~ 終於明白點解人人都話要來看, 係幾有特色, 而且唔駛錢就可以參觀到夠、影到夠~~
途中經過新加坡人的公屋, 總算見識了他們的公共房屋~~
附近又有一間教堂~~ 看介紹都有幾十年歷史, 算是古蹟來了~~
行到去這個叫"Little India Arcade", 我們算是結束了小印度的行程, 行回去搭地鐵~~~ 這裡就是小印度最早的發源地點~~
再去了牛車水, 為的就是買手信~~ 不過盤川不多, 都係在"胡振隆"買了幾包~~ 推介榴槤餅同榴槤糖~~~
既然冇咩錢又食了下午茶, 唯有省去晚餐, 同埋好好休息一下, 預備明天回港啦~~ 明天坐飛機之前還多去了一個景點~~~
如果想了解小印度, 可以看看不同的網站:
http://www.yoursingapore.com/content/traveller/en/browse/see-and-do/culture-and-heritage/cultural-precincts/little-india.html
http://en.wikipedia.org/wiki/Little_India,_Singapore
http://www.7headlines.com/article/show/406304258
http://buffon.pixnet.net/blog/post/29262335
http://seasia.go2c.info/view.php?doc=sgLittleIndia
http://sarszb.pixnet.net/blog/post/37405266
https://foursquare.com/v/ab-mohamed-restaurant/
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
