經歷了第4日的身心俱疲, 這天就想好好悠閒一下, 不過結果都係行行行...睇埋就知點解~~~
這間熟食中心已經行過了兩三次, 加上旅遊書同KC的"新加坡美食天書"都有介紹, 點都要找時間來幫襯~ 又試吓來食早餐~
其實, 本來係想試以下呢間先再來"芳林"的, 點知唔記得查清楚時間, 定係因為星期六/假日時段, 竟然10點都未開門...網頁明明話好早就開門, 定係好生意到咩都買哂?......
就是這間"早安南洋" (Good Morning Nanyang Cafe), 有KC推介的咖央多士及咖啡, 好想試, 可以同"阿坤"比較嘛, 但冇開門都冇辦法......去旅行總是有些美中不足的事...
它的位置就在芳林公園 (Hong Lim Park), New Bridge Rd同Upper Pickering Street的交界~ 這個公園環境幽靜, 本來很有氣氛哩...後面那座建築物係酒店, 設計很有特色, 叫做"PARKROYAL on Pickering", 下次來新加坡真係積極考慮住這間酒店, 外形真係好型, 而且它的對面就是Clarke Quay地鐵站, 行多幾步就到牛車水, 位置好方便~~
芳林公園的附近就是芳林大廈 (Hong Lim Complex), 其實就即係牛車水附近~ 入面就係芳林巴剎與熟食中心~
格局很平民化的美食廣場, 同麥士威熟食中心幾相似, 不過食物價錢就貴少少~~
終於幫襯到其中一間KC介紹的食店: 亞王咖哩雞米粉麵~~ 因為係早上, 排隊的人不多, 不過前面3個都係外國人, 估唔到呢間連外國人都特地來試食~
精華所在的咖哩湯底~~ 唔知會唔會好辣? (我唔係好食得辣的...)
好似係$5 SD一碗 (唔記得實際價錢...), 雖然咖哩湯對我來說真係幾辣, 要不停飲水, 不過味道好好, 豆卜"索"哂啲惹味湯汁, 不錯~~ 雞肉冇咩味, 不過都算滑~~
食完有點飽, 不過老公話點都想飲肉骨茶, 於是隨意選了這間"福建街肉骨茶"~~
因為已經食了一碗雞米粉, 少少哋一碗兩人分 ($4 SD)~~ 材料不多, 可能係因為細碗, 不過都有兩舊肉食, 味道不算好有藥材味, 但個人覺得唔錯, 幾獨特, 大家有興趣可以試吓呢間~~
食飽飽, 諗咗一陣, 決定去行公園~~ 待續 ^^~
大家有興趣可以看看KC有關"早安南洋"及芳林熟食中心的介紹:
http://gourmetkc.blogspot.hk/2013/12/ii_9.html
http://gourmetkc.blogspot.hk/2013/02/blog-post_21.html
當然其他blog友/網頁的介紹都值得看看~~
http://genlaitn.mysinablog.com/index.php?op=ViewArticle&articleId=4076900 (PARKROYAL on Pickering的介紹~ 似乎真係幾值得住的酒店)
http://www2.mingpaoweekly.com/contents/?id=27381 (有介紹我們試的肉骨茶)
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
