先讓大家看看水族館的魚魚~~
來這個SEA Aquarium都用了一點時間哩~~
吃完早餐, 就坐地鐵由Chinatown去到Harbourfront站, 那裡有個叫Vivo City的商場, 大部人都會即刻衝上去3樓搭Sentosa Express單軌列車, $4SD一程(包入島費), 用EZ-link卡可以搭, 不過用Singapore Tourist Pass就唔得 (即係要另外俾錢......), 所以我們就用另一個方法, 就係行~
不過在此之前, 先參觀一下Vivo City頂樓的花園, 景色都不錯, 有個大水池, 不少人不怕濕滑, 行入去水池玩~~ 聖誕節就有棵大聖誕樹喺度~~
居高臨下, 可以望到我們將要行的Sentosa Broadwalk, 其實係一條約500多米的步道, 如果去水族館或者環球影城, 其實由Vivo City行入去都係15至20分鐘, 不過如果一家大細, 都係建議大家搭單軌車或者的士等交通工具, 始終天氣都比較熱~
當然都望到Sentosa (聖淘沙島)~~ 這天是第一次入島, 都有諗過將水族館同環球影城的行程放埋一齊, 就可以省下$1 SD的入島費~~ 不過環球影城其實真係要玩一日, 冇可能1日玩哂, 所以一家大小的blog友可以考慮一日去水族館+其他聖淘沙的樂園 (入面其實仲有好多樂園, 例如海豚世界、水上世界等等, 詳細參考官網), 另一日去環球影城~
行到去步道的入口, 又有彩色迎賓聖誕樹~~
步道其實唔駛完全用腳行, 段段都有扶手電梯~ 不過以香港人心急的性格 (包括我), 有電梯都係照行~~
行到中段, 又有聖誕樹睇~~ 用什麼材料整的都有, 例如木、玻璃、鐵、水樽等等~ 個人覺得最特別就是這張簽滿名字的聖誕樹聖誕咭~~ 這些聖誕樹好似都是有慈善用途, 不過趕路中就沒有細看了~~
去到島口, 如果冇散銀, 記住買入島票, 即係$1 SD~ 如果有EZlink一嘟就扣錢入得, 一係就用1蚊硬幣入閘~
再行多一陣, 終於到了水族館門口~~ 幸好一早在網上預先買票, 不用排隊就可以入場~~
入到去就有關於航海的展覽 (The Maritime Experimental Museum), 有好多關於新加坡同周邊地區的航海歷史介紹, 不過老公不愛看這種展覽, 唯有快快行過...最吸引他的就是這架大帆船~~ 如果有興趣的朋友就可以另外俾錢睇3D效果的颱風劇場 (Typhoon Theatre), 體驗沉船的故事......咁"大吉利是"仲要另外俾$30 SD, 當然冇興趣~~
行到去水族館的部份, 因為人好多, 要逐批排隊入場~~ 都排了差不多半小時先入到去~~ 先行過大魚缸, 仲有這條海底玻璃隧道~~ 魚好多, 當然人又多~~
作為亞洲區 (甚至係世界) 最新最大的水族館, 可看的不少, 相片太多, 都是介紹一些算是影得唔錯又特別的魚類或者景點~~
個個水族館都有可以摸海星的體驗區, 呢度都有, 不過實在太多人, 起碼要排半小時先可以摸一下, 都係偷影一下就算~~ 記得以前去沖繩的水族館係唔駛排隊都摸到~~
要趁冇人的時候影相, 真係少些耐性都唔得~~
黏住玻璃的海星~~
奇怪的草海馬~~
"活化石": 鸚鵡螺~~~
大大隻長腳蟹~~
優雅的水母~~~
被燈光"染色"的水母~~ 入面仲有紅、黃、藍、綠等顏色, 不過都係紫色最美~~
螢光珊瑚~~~
行到去最大的水缸~~ 設計好像沖繩那個水族館, 不過人家有條明星鯨鯊和大蘇眉, 這裡暫時就未有什麼明星魚~~ 不過都好多魚~~
其實都有大魚、魔鬼魚之類, 不過印象不夠在沖繩看的那麼深刻~~
或者最深刻的, 就是這個在特大魚缸游過的"聖誕老人"~~ 大家見到他在水底出現都很興奮, 不過可惜他不是真正的魚哩~~~ 在這麼多人的聖誕假期來這裡參觀, 可能這就是最大的收獲, 因為平時沒可能見到"他"嘛~~~
特地來看這個水族館, 除了自己喜歡看魚之外, 亦想比較一下它和香港等地的水族館有冇分別, 係咪真係好睇好多~ 看完之後就覺得它比香港海洋公園的水族館更大 (亦可能更多人), 魚種更多, 不過特別程度同香港的差不多, 而且海豚要另外買票去Dolphin World先真正睇到 (入面得一個魚缸見到牠們游過), 不算化算......個人覺得最深刻的都是沖繩的水族館, 可能係因為自己真係好鍾意當地那條鯨鯊, 而且去的時候人不算多, 看得很舒服, 而且又看到海豚、海牛等~~ 可能等橫琴的長隆海洋世界開埋, 入去參觀過又比較一下先~~
參觀完已是下午, 是時候趕去另一些景點~~ 這日係好忙碌架...
有興趣可以看看官網或者blog友的介紹:
http://www.rwsentosa.com/language/en-US/Homepage/Attractions/MarineLifePark/SEAAquarium
http://www.yoursingapore.com/content/traveller/en/browse/see-and-do/nature-and-wildlife/wildlife-parks-and-attractions/sea-aquarium.html
http://blog.yam.com/ting0520/article/59317404
http://chamisso0804.pixnet.net/blog/post/153768506
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
