第二天早上, 當然是吃早餐的時候, 於是就由酒店向牛車水 (Chinatown) 進發~~
牛車水部份的建築幾有特色, 都影了不少, 篇幅所限, 都是放一兩張相~~~
上一次來已經係十幾年前的事, 當時牛車水剛剛完成翻新, 不太相信是一個歷史悠久的地方......這次來到, 建築物當然舊了, 彷彿就有那種歷史味道~~ 不過周圍都是遊客舖頭, 又將我們拉回來現實~~
行了一會, 經過牛車水大廈, 如果大家有看著名博客KC所出的"新加坡美食天書", 這裡都有幾間推薦食店, 不過這次我們就沒有去, 希望下次有機會再來~~
它的斜對面有間遊客中心 (也是在佛牙寺的後面), 入面的職員很有禮貌, 而且又識講廣東話, 解答到不少有關牛車水的問題, 就是他們教我們去食早餐的地方: Maxwell Food Centre (麥士威路熟食中心)
這間熟食中心在佛牙寺的斜對面, 見到佛牙寺正門再過馬路就到~~
入到去已經見到有2、3間店有條人龍~~ 這條人龍就排在出名的"真真粥品"前面, 不過個人對粥喜好不大, 加上咁多人, 所以冇幫襯~~ 呢間係這裡唯一的粥店, 加上旅遊書介紹, 自然多人啦~
見到這間"瑞娥魚園麵"好像不錯, 於是每人買了一小碗魚蛋粉~~
魚蛋都幾彈牙, 麵都可以, 湯就淡了一點, $2.5SD有一小碗都OK~ 可以留肚食另一樣~~
就是這間"天天海南雞飯"~ 本本旅遊書都話呢間係另一間長龍店, 依家竟然冇咩人排隊, 一場來到就試試它的海南雞飯~~
$3SD一碟 (細), 份量都算可以~~ 雞肉味道不錯, 滑滑嫩嫩, 配上相配的醬汁, 再點埋橙色醬汁又是另一種獨特味道, 果然實至名歸~ 至於飯的味道就淡了一點, 個人鍾意雞油多一點的飯, 而且可以再熱一點就更好~~ 不過有個魚蛋麵打底都可以食哂, 合格有餘了~~
買多杯菠蘿水都係$1 SD, 入面真係有大粒菠蘿~~ 這間熟食中心難怪好多遊客幫襯~~
食飽飽之後就周圍行多陣~~ 這間就是佛牙寺, 不過我們不好拜神, 所以只係影一影相~~
雖然係聖誕時節, 周圍已經有不少慶祝馬年的裝飾~~
旅遊書介紹的其中一間肉乾店 - 胡振隆, 試過味道都OK, 有少少甜味的, 而且香港冇得賣, 適合做手信~~ 仲有不少其他類型的手信, 例如榴槤餅、榴槤糖、魚尾獅餅等等, 唔鍾意肉乾都有不少選擇, 我們都買了一點~~
它的隔離就是馮滿記, 賣藥油的, 例如白樹油、追風油、紅花油等等, 買手信給長輩最合適~~
林志源就是另一間出名肉乾店 (又係香港冇的)~~ 不過比較長龍, 價錢都貴少少, 所以冇買~~
仲見到榴槤專店旺德福的分店, 不過這裡就冇新鮮榴槤, 只有已切的榴槤及榴槤製品/甜品, 如果唔去榴槤街的話, 可能可以考慮這裡~~ 不過其實周圍的水果店都有榴槤賣 (無論切咗未切都好), 價錢都好實惠, 唔介意味道如何, 隨街都有便宜貨可吃~~
估唔到仲有這間Tintin專門店~~ 我細個好鍾意睇呢套片同漫畫, 唔係趕行程的話, 一定會入去行到夠~~
係時候要去另一景點啦~~
如果大家有興趣了解牛車水、熟食中心同其他有關景點, 當然可以看看其他blog友的介紹:
http://changfong.pixnet.net/blog/post/576174
http://venuslin0113.pixnet.net/blog/post/35110043
http://blog.yam.com/winniea/article/64775322
http://chloelee2299.pixnet.net/blog/post/296115101
http://nicknote1017.pixnet.net/blog/post/294497717
http://jay7134.pixnet.net/blog/post/171465306
如果大家想下載KC的"新加坡美食天書", 可以去新加坡旅遊局的網站~~ 他的書不但有介紹新加坡各種不同的美食, 更有詳細地址及地圖教大家去, 仲有一些新加坡旅行貼士, 最重要係免費下載架:
http://www.yoursingapore.com/content/dam/_yourSingapore/ZH/Traveller/Browse/PDF/Singapore%20Food%20Guide%20PDF.pdf
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
