之前見過blog友Florence製作的朱古力半圓球蛋糕, 覺得好吸引, 一宜都希望找機會去學整, 終於8月找了機會上堂~ 原本選的是"紅桑子開心果仁半圓球蛋糕"課程, 可惜當日竟然打風, 結果要轉時間......最後還是選了一樣的"朱古力薄脆半圓球蛋糕"~~
又讓大家看看成品先~~
今次整蛋糕的步驟好多, 又要整海綿蛋糕, 又要整朱古力mousse, 仲有不少工序, 所以影相都冇時間, 可以影相的時候已經是後期了~
這個已經幾乎是最後的工序, 就是淋上朱古力漿~~ 一淋朱古力上去, 每個小蛋糕就好像會反光一樣~~
這些就是由導師整的朱古力漿, 其實仲有一盤, 份量大好多, 第一次見朱古力漿可以好似鏡面反光~~ 去上課程整蛋糕的其中一個好處, 就是可以有導師或助手, 製作一些平時家中做不到的工序~~
淋完朱古力漿之後, 就要將整好的朱古力蛋糕由架上搬到底紙~~ 這個工序一定要小心, 唔係就會跌咗個蛋糕~
擺好哂就要用白朱古力同金粉做裝飾~~ 自己畫線的技巧麻麻, 有些畫得不太好, 有機會真係要練習多啲~~
這些就是導師的作品, 真係整得靚好多~~ 他還示範了幾種整金粉/金漆的方法, 整出來各有特色~
整好哂, 終於可以入好佢~~
再入埋個環保袋入面, 整齊哂~~ 可以拎番屋企~~
拎到返屋企, 好快已經俾老公食咗一個~~ 佢都話好好味~~
入面係咁樣架~~ 可以見到有2層海綿蛋糕、朱古力mousse, 仲有朱古力脆脆, 啱哂我這個朱古力迷~~
之後再請了同事和親友食, 佢哋都覺得賣相好好, 味道都不錯, 不過都是適合愛甜的朋友~~
第一次慕名去Coup Kitchen學整蛋糕, 果然沒有失望, 無論是材料、配套等都好充足, 而且朱古力等都是用了高級材料, 所以食落去真係似喺餅店買咁~~ 當然導師好有經驗, 三兩下已經整好, 助手們也是很出色, 所以他的要求都好高, 自己手腳慢, 加上時間得2.5小時, 分秒必爭之下時有錯失, 幸好都可以完成, 不過太緊迫的上課方式原來真係不太適合自己, 不過應該適合各位整蛋糕好叻的blog友, 去學的話一定有所得著~~
提醒大家, 如果去學整蛋糕, 仲可以去埋同一座大廈的11樓, 就有門市部, 可以買工具及材料, 學整蛋糕之前有時間可以先去看看, 因為開到8:00~~
有興趣就看看他們的課程, 要報名就快手, 因為好快滿哂~~ 好多不同令人心動的蛋糕架:
http://www.coup.com.hk/index.html
http://www.openrice.com/restaurant/sr2.htm?shopid=26264
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
