我的祖母慶祝81歲大壽, 大家自然大事慶祝~~~
這次親友選出了翠園~~ 食物都幾有驚喜~~ 首先來的是燒乳豬~~ 皮脆肉滑, 味道很不錯~~ 好似擺酒咁有閃燈眼架~~~
真係好鍾意呢款炸蝦~~ 比起以前的炸物有新意, 炸到脫卜卜的蝦上淋有好好味的沙律醬, 墊底的是一塊脆米, 多重口感, 值得推介~~~
之後的蟹鉗, 反而不是炸的, 而是較清淡的配上蛋白漿及西蘭花, 即刻冇咁熱氣~~ 而味道比起傳統炸蟹鉗 "有過之而無不及"~~
魚翅同蒸魚的質素和其他酒樓差不多, 就沒有特地拍照~~ 至於呢份, 既然有鮑魚又有菇, 就影一影~~~ 味道都不錯~~
雞的份量看似不多, 不過通常食到呢碟, 大家都開始飽, 所以都唔係食咗好多~ 啲皮好脆, 雞肉都可以~~ 之後就要打包拎走啦~~
食埋飯麵、薑水湯圓之後, 當然唔少得壽桃包~~~ 個個都好大好搶眼~~ 即刻食了一個, 熱呼呼, 蓮蓉甜美, 軟綿綿, 讚~~
慶祝生日, 當然仲有生日蛋糕~~~ 好耐都冇食過2磅幾大蛋糕~~ 顏色繽紛, 芒果味道很好哩~~
這晚不少親友都賞面到賀, 有幾位還是特地從大陸過來慶祝~~ 當然祖母開心最緊要~~ 希望她繼續日日身體健康, 身心康泰, 大家繼續好好孝順她~~
自己就買了一份小禮物, 就是這個迷你金壽桃, 祖母好喜歡哩~~ 希望年年繼續和你慶祝 ^^~
題外話: 個人覺得翠園的食物質素很好, 服務也OK, 不過可能當晚多人, 間出來的房有點狹窄, 而且冷氣好凍, 加上侍應找來的披肩都是污跡斑斑......場地稍有不足哩~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
