有段時間冇出過香港啦~~ 好想好想出走一下, 近近哋都好啦~~ 於是都係揀大陸團最實惠~~
老公唔想請假, 可以選的是2天團, 佢又唔想淨係住酒店, 希望可以有些活動或者看看風景, 又要平靚正, 又要之前未去過......都幾難揀架......
結果揀咗永x的清遠、英德2天團~~ 可能因為價錢抵 (團費$400都唔駛, 計埋小費、其他都係$500一個~) 這個團都好受歡迎, 同一日有2團共80多人, 幸好分做2團, 唔係咁多人真係好難一齊行~~
![]( "ching 1")
(先來一張英西峰林的照片做封面先)~
自己第一次去清遠, 都係見到啲介紹話風景唔錯, 所以想去看看~ 不過原來車程都幾辛苦, 去到深圳福田轉旅遊巴, 都要坐多3個鐘先到, 即係第一日朝早的活動就是坐車......而且想不到郊區道路都會塞車, 所以就算車程2個多小時, 塞車計埋就要3個鐘...而且沿途的配套設施不多, 可去的洗手間都是又濕又污糟, 冇得去都要去架啦, 所以一早都習慣了...差啲仲以為同團的小朋友見到啲廁所會大呼小叫, 好彩他們都不是"港孩"~
難怪導遊好似唔係好想帶團咁, 叫呢度做"清貧兼夾遠" (清遠)......正正就是證明了大陸還有好多需要我們關注及幫助的貧窮地區...
到達之後已經是午餐時間, 我們第一餐就吃農家菜加一隻大燒豬~~
![]( "ching 2")
都影相照片記低先~~ size好大隻, 不過對比香港的燒豬, 味道有所不足, 算是體驗一下~ 可能對於當地人來說, 有燒豬食已經好好了~~
![]( "ching 3")
食完午餐, 我們就前往英西峰林景區 (又坐多1個多小時...)...幸好這兩日天氣不錯, 沿途見到不少小山, 地貌幾特別~~ 導遊說這裡以前是大海, 後來地層上升, 慢慢形成了一個個的小山~
![]( "ching 4")
小山的形態各有不同, 都幾有趣~~
周圍仲有不少農田, 可算是典型的大陸鄉村風光~~ 在車上不停影相, 不過都唔係張張ok, 因為架車行緊, 要影到唔容易架~~
![]( "ching 6")
終於去到第一個可以落車的景點: "洞天仙境"~~ 不過上圖不是我們行的入口~~ 唔知點解有2個入口呢?...
![]( "ching 7")
附近都有幾座小山~~ 又影低先~~
![]( "ching 8")
這張就是入口處的地圖~~ 我們去的洞天仙境只是英西峰林旅遊區其中一個景點, 仲有其他架, 不過今次旅行都去唔哂~~
![]( "ching 9")
行入去先~~ 究竟去做咩呢?~~
![]( "ching 12")
盡頭有個小碼頭, 大家就是在這裡穿上救生衣, 準備坐船仔入去看洞天仙境~~ 不過參觀的人好多, 我們都等了半小時先有得坐船, 而且天氣熱, 啲救生衣又係循環俾人著, 唔乾淨都算了, 有些人比較大汗, 著完之後即刻俾另一個人著, 嗰個人就好慘啦......幸好自己攞到嗰件冇汗咋......大陸景點的配套真係要繼續改善......
![]( "ching 13")
這個就是洞天仙境的真正入口~~大自然在這裡整了一個大洞~~
![]( "ching 14")
我們就是坐這些小船入去~ 船身好窄, 大家都坐定定, 因為一唔小心可能跌入水架~
![]( "ching 15")
入面的岩石層幾特別~~ 大家都在影影影~
![]( "ching 16")
這樣看來, 應該唔係人工做出來的掛~~ 不時都有水滴下來, 就是大自然造出山洞的證明~
![]( "ching 17")
入面有個淺灘, 不過可觀的不多...
![]( "ching 18")
去到中段, 就見到一個大天窗~~~ 點解可以整到一個大洞在頂上呢?~~~
![]( "ching 19")
某些角度看來都挺有山水之美~~
![]( "ching 20")
回程時, 看到天花上竟然有個像西蘭花的大岩石......真係估唔到...
![]( "ching 21")
終於出去啦~~ 咁就坐咗20分鐘~~
![]( "ching 22")
用了不少時間, 終於坐完遊船, 風景都算不錯~~ 下一站就是另一個景點~~ 第2部份再講~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
