0

韶關之旅(2): 東湖坪、珠璣巷~

helenhlblog 於 2013-05-11 00:00:00 發表  |  累積瀏覽 445

分類:長線旅遊 特色景點 古蹟 公園 ;地區:中國
第二日的天氣麻麻, 在酒店吃了早餐, 一出門就開始下雨, 不過都係要出發架啦~~



這天先去東湖坪, 標榜係韶關有名的客家村落, 因為清朝名臣曾國藩原來都係韶關人, 這裡就是他的故居之一~ 難怪門口寫住"曾氏宗祠"~






落雨令到周圍濕漉漉, 加上入面打理得不太好, 看來殘舊, 又係大陸景點的通病, 唔係要整到好靚/好假, 不過最少周圍打掃一下, 企理啲, 唔好"舖塵"好掛?...



有架花轎做展品, 另外都有一些客家文物, 或者以前農村用的物品, 至於宗祠的神位當然不方便影低~



出番去, 見到一些農田~~



行過一些貞節牌坊~~ (見到大家都係擔遮~~)



這座才是真正的"曾氏大宅"~~ 好像一座碉堡~ 那些小窗就係用來射擊, 防備盜賊入侵~



入面有5層高, 導遊話當時幾房人同時住在一起, 每間房都可以住一家人, 加埋應該有成百幾人~~



每間房大概都是這個樣子, 牆入面混入石頭, 希望增加防禦, 避免槍彈射入... 部份房間好似呢間咁樣, 有展出以前的物品, 例如煮食用的器具~~



從窗中望出去~~ 因為落雨, 灰濛濛的~~



在地下望上去, 就有個大天井~~



出面破落殘舊, 和以前應該不可以同日而語了~~

之後大家繼續坐車, 去到南雄市~~ 珠璣巷是在南雄市附近, 所以我們來到這裡吃午餐~ 未有得食之前就周圍逛逛~



南雄市內的景點不多, 最出名就是這座三影塔, 有幾乎千年歷史~ 它是一座佛塔, "三影"的意思好似係以前計埋有3座建築物, 太陽照落嚟有3個影子, 因而得名, 不過依家只剩下這座塔~

導遊最初話塔外有圍牆, 閘門成日上鎖, 點知當日佢發現閘門冇鎖到, 有幾個團友即刻衝入去上塔......本來我們有興趣上去, 但到我哋行到閘口, 就無端端有個阿伯要收錢, $5一個人......都唔知係真的要收錢, 定係個阿伯阻住門口收錢入自己袋, 所以冇上到去...而附近有個南雄博物館, 本來都有興趣去睇吓, 點知冇開......原來早上開到11點就關門, 2點先再開門, 職員竟然要3小時食飯, 究竟係咪想人參觀架...?

唯有周圍行行同影相~~







這裡比韶關更小, 街道不多人...



附近的地圖標示的都是市內設施而不是景點~



這座樓入面竟然是辦婚禮的公司...



塔對面有一條河, 可能下雨關係, 河水黃黃的...



吃過午飯, 我們坐車去到珠璣巷~~ 相傳古時北方人要到廣東省, 一定由梅關入境, 經過珠璣巷, 於是不同姓氏的人就在這裡聚居~ 北宋時有位胡姬, 原本是皇上的妃子, 點知得罪皇上被貶出宮, 後來再結婚嫁到珠璣巷, 本來生活安定, 但皇帝知道了她竟然再婚, 於是下命令殺掉珠璣巷所有人, 於是不同姓氏的人為了逃亡, 就散居廣東省不同地方, 所以很多姓氏的祖先相傳都是由北方搬到這裡, 再因為被追殺或其他原因而定居廣東省, 可算是大部份姓氏的起始地~



巷口有塊大牌, 上面有不同姓氏的北方來源地~~ 周圍仲有好多當地人賣不同姓氏的族譜, 唔駛10蚊有交易, 有興趣知道自己姓氏歷史的可以買~~



穿過古巷門就是古老的大街, 兩旁都是不同姓氏的古宗祠/故居, 有興趣的人可以入自己姓氏的宗祠參觀, 不過每間都有"職員"遊說買香拜祖先, 所以我們都係匆匆行過, 極其量都是在自己姓氏的宗祠前面拍照~



這是古老大街的第一段~



中途有個亭, 應該是紀念胡妃~



中途還有一個胡妃公園, 入面有座胡妃像~ 唔係有佢, 可能就冇今日嘅廣東省?~~





中段有個湖, 行過一座橋就是古老大街的第二段~



苟延殘喘的千年古樹...



行埋第二段, 加上落雨, 真係少啲腳骨力都唔得~~



有隻狗狗行過~~ 不過周圍除了遊客同賣族譜的當地人, 鮮見其他居民...



第二段有宗祠亦有民居, 有幾個大姓的宗祠 (例如陳、梁等等), 又新又大...不過去到盡頭要原路掉頭先行得番出去~



為了顯示宗族勢力, 近年有些姓氏紛紛集資興建新的宗祠, 於是就有了上圖第3段大街~ 例如黃、黎、周姓等都有起新宗祠~ 靚就幾靚, 不過究竟真係尊敬祖先, 定係只為展示宗族威勢?......



反而這個珠璣巷博物館仲未起好, 想睇就要等下次~


晚飯就在這裡吃 (終於有影低~) 當晚剛巧有人搞婚禮, 原來大陸人的新娘新郎要親自在門口迎接客人, 香港的新人舒服多了~~



晚飯後回到酒店, 出去行了一會, 不過附近是街市, 商店晚上大部份都關門, 唯有又係行超級市場~~

很快就到第3日的行程了~


============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/


============================================

鐘意SeeWide的分享,給我們一個Like吧!
  • 攻略日期:N/A
    攻略地點:中國
  • 攻略時間:N/A
    是次消費:N/A
0人比"掂"

最多能輸入300字

見習探險員
簡介:

累積瀏覽 337468

全部攻略 333

全部回應 39