澳門2天遊~

我們的房間都算不錯, 有個小露台, 望到泳池同人工沙灘 (即係天浪淘園, 有人工海浪~), 第2日早上都有去玩, 真係幾有趣, 仲去浸按摩池, 不過d水係熱架~~~ 而這間銀河酒店同其他新式酒店一樣, 都係咩都好大, 周圍行少d腳力都唔得~~

酒店一邊有可以變色的噴水池, 另一邊就有彩色水晶, 相信都係"風水"有關~~

未有房當然就周圍去, 先返市中心~~ 上面2個地方應該冇人唔識~~ 而自己已經有十幾年冇嚟過, 古蹟當然冇變, 不過人同商店多了好多, 真係今非昔比~~~

所以今次的目標之一, 就係去未去過的松山燈塔~ 我們行過去二龍喉公園時, 見到不少有特色的建築物, 又經過塔石廣場~~

去到公園, 點知纜車竟然維修, 只不過差幾日, 冇機會試全世界最短的纜車添......惟有硬著頭皮行上山......當日氣溫最少30度, 真係好好好熱呀......用了點時間, 終於行到"塔腳", 走入去防空洞睇吓先~~

終於到了松山燈塔, 婚照熱門拍攝地點之一, 當日真係有對新人在影相, 天氣咁熱都影, 真係佩服~~ 原來上面望落去澳門的風景好好, 雖然行上去辛苦, 不過都達到目標~~ 之後行落山, 去食碗麵之後, 就搭車返去睇"水舞間"~~ 不過事前唔記得做資料搜集, 原來無論係ABC區, 坐頭幾行睇表演有機會濕身, 因為表演時D水會飛來飛去, 或者D演員會故意撥水整濕觀眾, 點知我們就係要坐前排, 幸好大會都有俾毛巾, 不過一路睇表演一路驚全身濕......

表演本身都幾精彩, 個人比較鍾意同水有關的表演部份同雜技, 至於飛車都幾犀利, 但惟一不太滿意個劇情, 唔係好通, 不過呢種講求特技的表演好難有劇情嘅...

第2日上午游水之後, 就去了酒店附近的氹仔官也街~~ 我們的package包一杯貓屎咖啡同一個豬扒包, 就是去街入面的"貓屎咖啡專門店"~~ 由於我們選了最早的時間, 所以好似包場, 得我們2個~~~ 店主幫手沖了一杯咖啡, 而我們就看陳豪的"品味咖啡", 了解貓屎咖啡的由來~ 杯咖啡真係幾好味, 因為我係完全冇落奶同糖都可以飲哂~~ 豬扒包就不過不失, 都整得ok~~

之後就行去"龍環葡韻", 這次是第2次來, 建築物都係冇變, 最深刻除了展覽館的展覽同冷氣 (真係好熱, 行幾步都熱, 又冇咩風, 幸好部份展覽館有冷氣...), 就係出面的荷花同荷花池, 好多好多荷花, 壯觀~~~ 係要夏天嚟先見到架~~

臨走前去了澳門科學館~~~ 上次來當然未有, 因為近一兩年才起好, 樣子幾有趣~~ 入面的展覽可算是香港的太空館同科學館的混合體, 展品內容大同小異, 另外當然係成班細路玩哂d展品, 大人都係睇多~~ 比較深刻是介紹了澳門未來有單軌鐵路 (monorail), 好似台北、沖繩那霸、東京都有的那種架空鐵路, 相信未來再嚟澳門, 交通會更方便~~

另外科學館最頂層有個展望台, 可以遠望到澳門塔同附近的風景~~

還有和太空館一樣的"天象廳", 又係有2D同3D片, 我們就看了"3D太空垃圾", 票價比香港貴, 仲要D位先到先得冇劃位, 同以前的太空館一樣, 要預早去排隊攞位, 大約早15分鐘去排隊, 記住都係要坐後排, 才看得舒服, 因為個屏幕都係圓拱形~~~

場館入面呢個機械人都令人印象深刻, 因為這個法國製機械人可以講廣東話等9種語言, 仲識表演跳舞、打功夫同耍太極~~~ 好cute~~

去澳門當然少不了找食物~~ 九如坊的三文魚疏乎厘同蝦炒飯都不錯呀~~ 行去燈塔時去了禮記食雪糕, 試了椰子味的雪糕磚, 口感好似食冰~~ 又去了市政大樓食牛丸麵, 味道都ok~~

又試了燕窩撻同葡撻, 都係葡撻更好味~~ 木糠蛋糕試了必達士的出品 (仲有芒果布甸~), 都覺得唔錯 (不過後來在openrice見到人人都話服務同價錢唔得, 其實它的木糠蛋糕已經平過九如坊...), 另外食葡國餐時吃了個豬肉+豬耳+八爪魚沙津, 算係幾有趣~~ 點知呢間"公雞" (不是氹仔那間), d人喺openrice又係話服務唔好......我們覺得都可以啦, 不過下次搵資料真係唔可以只係靠旅遊書~~

另外就係曾經想試那些澳門米之蓮餐廳, 點知原來間間都話要book位, 如果大家想試真係要在香港book位先, 仲要留意dress code, 男士要著長褲, 唔好著拖鞋/涼鞋呀...

如果想找個近地方輕鬆一下, 澳門都算係一個選擇, 不過周圍好多人 (當然尤其是大陸人...), 旅行氣氛愈來愈少, 所以短期內都未必再去~~ 但這次可以和老公開心一下都係好的~~~