探險家攻略 > 美食之旅 > 餐廳 / 甜品 > 近來吃過的餐廳 (2)@泰味村、山西刀削麵、HD、吉尼利CAFE~

近來吃過的餐廳 (2)@泰味村、山西刀削麵、HD、吉尼利CAFE~

由 helenhlblog 於 2013-08-14 00:00:00 發表 | 累積瀏覽 592

分類：餐廳甜品；地區：屯門,荃灣

近來又偶然幫襯了不少餐廳, 記一記先, 又等自己同大家可以望望一些美食解肚餓~~

某日想起有間泰國餐廳, 搭車經過好多次都未試過, 於是趁住這日得閒, 試吓味道如何~ 這間是泰味村, 室內有卡位, 室外都有位, 而且有膠布"包住"同有蓋的~

我們點了3樣, 因為有點飽, 所以叫的都是"輕食"~ 先來的是菜圃蛋~ 唔算係什麼名菜, 純粹諗唔到食咩又唔想食太多, 味道都不過不失~

好快來了煲泰式魚湯~~ 因為這裡的冬蔭功寫明係好辣, 加上自己怕辣, 唯有叫這個小辣的~ 初時飲覺得味道唔錯, 好有泰式風味, 魚肉幾鮮美, 愈飲愈多, 點知跟住辣味愈來愈出, 結果辣到要不停飲水......

最後來了原個椰子飯~~ 味道都好好, 幾有椰子味, 仲有啖啖椰肉, 不過2個人都飽飽哋, 多啲人一齊分享應該更好~~

呢間泰味村都開了好多年, 都幾多人幫襯, 算是幾有水準, 門口又可以泊車~ 不錯~

http://www.openrice.com/restaurant/sr2.htm?shopid=3464®ion=0&s=3

另一日行過荃灣, 又係飽飽哋, 想食粉麵, 就去了試"山西刀削麵"~~

自己叫了魚片加水餃刀削麵~~ 魚片同水餃都是在預料之內, 刀削麵就幾彈牙, 不過每次都要"趙"多幾下, 而且望落唔係好多, 原來食吓食吓都幾飽肚~~

老公就叫了麻辣牛肚刀削麵~~ 原來麻辣味真係辣好多, 自己試了一舊都要不停飲汽水, 不過其實味道唔錯, 如果唔怕辣的應該要試~~

呢間都算係荃灣名店之一 (from Openrice), 味道不錯, 價錢亦不算好貴, OK~

http://www.openrice.com/restaurant/sr2.htm?shopid=14653®ion=0&s=3

之後因為有2張Haagen Dazs的券未用, 於是去了荃灣廣場~

見到這座迷你版鐵塔, 就當自己出咗國先~~

舖頭入面冇哂位, 唯有坐出面~~

因為想一次過用哂啲劵, 於是唔食甜筒, 想揀特色甜品~ 這間可以選的甜品不多, 例如有香蕉船同特飲, 於是選了這個9球雪糕 (唔記得原本的名稱...) 原本有塊蛋餅在底, 不過店員話冇, 加上我們都飽, 冇就算啦~ 雪糕味道當然不錯, 不過如果可以每球都大啲就好, 因為比起平時甜筒的size, 這些小球2啖就食完一個, 好似唔係好抵添...下次都係去旺角、銅鑼灣的分店, 可以有多啲選擇~

http://www.openrice.com/restaurant/sr2.htm?shopid=117627&tc=sr1

有日探望親戚之後, 行過屋村商場, 竟然見到呢間"Killiney" (吉利尼), 估唔到會選了在屋邨商場開分店~~ 呢間係同"吐司工房"一類的星馬式餐廳~

看看餐牌, 幾乎有7至8成的食物同"吐司工房"一樣, 例如有咖央多士餐 (即係加埋2隻生蛋)、美祿恐龍等, 不過就有喇沙、米暹等自家食物~

因為唔係太清楚米暹是什麼, 於是老公叫了一碗喇沙~ 不過只有一款可以選擇~湯底的味道都唔錯, 呢款係冇辣味, 想辣的有辣油自己加入調味~~ 不過份量同材料都不算好多~~

自己鍾意食咖央多士, 所以叫了一個多士餐~~ 因為咖央本身就是咖央味, 變化不大, 最緊要多士夠脆醬夠多, 這個都算合格, 多點醬更開心~

生蛋都係視乎隻蛋新唔新鮮, 有冇蛋味, 呢份都合格, 侍應仲細心給予豉油及胡椒粉調味~

老公叫了一杯凍薏米水, 試了一口, 味道清甜, 不過老公飲到最後, 唔知係咪啲冰溶咗沖淡, 投訴完全冇味...自己就飲奶茶, 沖得幾好, 平時一定要加2匙羹糖, 今次完全不加都ok, 唔錯~~

http://www.openrice.com/restaurant/sr2.htm?shopid=141888®ion=0&s=3

又係時候告一段落, 睇完都好飽~~ 下次再繼續分享~~

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================

鐘意SeeWide的分享，給我們一個Like吧！