剛剛去了荃灣遊一轉~~ 食到好飽呀~~
先去了"古法烘焙"試了它們新出的叉燒雞蛋仔~ 這是個"快閃優惠", 2小時之外出示它們FB的"叉燒相", 就可以免費試食~
![]( "shop 1")
如果去過荃新天地, 一定見過呢間舖頭~~
![]( "shop 2")
呢份就係叉燒雞蛋仔~ 樣貌同普通雞蛋仔好似冇分別, 但味道真係好有趣~~ 當然有叉燒味, 入面原來仲有蔬菜做餡~~ 當時老闆都喺舖頭, 就解釋雞蛋仔入面的蘿蔔、洋蔥絲, 浸了叉燒汁一段時間, 之後再加入雞蛋仔入面~~~ 第一次食咸的雞蛋仔真係好特別, 而且新鮮即製熱烘烘, 如果第時真係推出, 真係推介大家買來一試~~
呢間店仲有杏仁批、老婆餅、鳳梨酥等都很不錯~~ 有機會真想再食~~
為免好似"賣廣告", 介紹埋另一間老字號, 就是民豐粉麵行~~ 食完雞蛋仔就去咗試~~
![]( "shop 3")
呢個韮菜餅即製, 又熱又脆, 真係非常好味~ 入面除了韮菜, 仲有豬肉, 餅皮薄而餡多, 難怪很多人買~~
![]( "shop 4")
仲買咗糯米糍~~~ 相中入面係花生味, 比起平時買的大個好多, 而且皮又係超薄, 餡料超多, 食嘅時候幾乎飛到周圍都係~~ 甜得來不是"死甜", 有花生香同咬感~~ 又一推介~~ 芝麻味都係好好食~~~
食埋呢d小食, 幾乎唔駛食飯~~ 不過睇戲之前都同老公去了食碗麵先~~~
看了"閃亮人生"~~ 雖然是外語片要靠睇字幕, 不過都好好睇~~ 是真人真事改篇, 片末可以見到2個真人, 當然樣貌同演員好唔同~~ 兩位主角的友誼令人感動, 2個演員的演技真摰, 而且好多笑料 (例如黑色、黃色、桃色等等~~), 很有人情味的一套戲, 同"桃姐"都係主僕關係, 但故事同感覺都係好不一樣~~ 又係好值得推介去睇~~~
咁又一日開心假期了~~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
