2009年4月19日 星期日 台灣第4天 淡水
2年幾前帶住家姐 + 2姨甥 +老媽去台灣玩4日.
所以姨甥好記得淡水有好食o既蝦之丸, 又有攤位玩, 所以今次捨貓空而要再去淡水.
一去到就先食蝦之丸, 繼而射水波...........香港冇呢d玩, 所以姨甥好鍾意玩.
我都鍾意玩,,,,不過係玩飛標..............哈哈, 姨甥挑戰我兩次都唔成功......呢支狼牙棒就係我o既戰利品, 最多中7支........(唔記得係咪有15支標)
去淡水主要都係食..............以前未見過有羊肉串,,,,35蚊買o黎食吓,,,,,,,,點知唔好食o既.
廿蚊超長雪糕..........緊係唔食啦.........食10蚊雞好啦........
(2個零港紙o既雪糕...一個字"平"!!)
呢檔土耳其雪糕, 永遠都好多人圍住o黎睇檔主表演
去淡水,,,,無理由唔食"阿給"
"阿給" ,,,唔係國語發音, 其實係日文發音 a ge (即係油炸o既意思)
( 粵音: 阿 o既)
呢間係土耳其雪糕附近o既至係正店,,,,,永遠都咁多人,,,,,上面仲有兩層o既.
呢舊四方豆腐, 挖空個心放d粉絲, 再用魚漿封口, 食時再加上甜辣醬就得o架啦(一d都無辣味o架, 唔洗驚)
台幣30蚊
呢d係魚丸(都係30蚊),,,,,,,,,都係每次去淡水必食o既...不過今日唔夠熱, 麻麻地.
淡水呢間熊仔店, 以前必去,,,,依家老啦, 所以過門而不入, 係外面影張相就算啦.
今日淡水落雨呀...... 不過都好過上次去,,,,勁大雨.
行o左唔夠兩個鐘就回程, 坐o岩呢班單車都上得o既捷運. 特別闊落.
我地趕返去行書局, 因為想掃多幾本書,,,,,
為o左檢討下今次點解阿里山之旅咁失敗, 所以見到呢本書就決定買下,
要好好研究研究失敗之處.(話時話,,,,入o左日本公司最好o既好處係,,,,,好多時都會查根究底, 衰o左唔緊要,,,,至緊要知道衰係邊, 下次唔可以再衰第二次)
買完書, 行李重重, 所以又坐的士去台北國光車站搭機場巴士.,,,,,
今日係國光巴士見到條"拾男"
話說巴士開車, 出o左大馬路準備上天橋. o岩o岩停o左係燈位前. 司機醒起之前係站頭,,有一個人話比佢知,佢想去廁所, 叫司機等埋佢.(司機驚留低o左佢冇上車)
咁司機就大嗌:::::::>正話邊個同我講話去廁所o架?? 返o左o黎未呀??
冇人答司機
司機又再次企起身大嗌::::::::>>正話有一個人同我講話去廁所....呢度有冇呢個人呀??? 係咪上o左車啦?????????
又冇人答.
卒之司機就唔上天橋,,,,駛番架車入去站頭...不過已經被一堆車塞住晒.
司機見到塞車有d不滿,,,,,,,勞氣地再大嗌....不過係慢慢講(可能驚某d人國語唔靈光).司機都係個句,,,,問去廁所個個人有冇上到車........
卒之有條磨碌舉手...................一條港男......坐正係第一行(無理由聽唔到司機問),,,隔離坐住條女,,,,,,,問兩次都唔應個司機,,,,,,,攪到司機擔心佢滯留係站頭......拾到咁o既港男.........叫拾男算啦.....真係~!!
等o左一輪, 終於上天橋.
同姨甥兩個人係車上面食飯團充飢.....今次真係有少少虐待家姐個仔,4日都冇一餐好o既比姨甥食.
![]()
)
4日,,,姨甥已經睇o左4本鬼故,,,,,一本 Q & A小說 (一百萬零一夜) 4本小新漫畫.....真係勁.......如果佢少上網打機, 多D睇課本就好啦.
今次登機閘口係 D2.......行下行下居然行o左去 terminal 2.好新喎.不過行到腳仔軟o者.
上到飛機等起飛時我地又開餐, 今次係食甜品.
4日食o左3杯,,,唔肥就有鬼...但統一布丁,,,真係又平又好食.
d豬肉脆片真係碎碎碎......
起飛啦.......拜拜台北
賣相唔得但都幾好味o既飛機餐.......但唔知係咩o黎喎,,,,,
![]()
食飽瞓一陣就到香港機場啦.
雖然遲起飛, 但又準時到達喎.
尋日係阿里山坐成8粒鐘返台北,,,,今日係hostel 出門口計.....返到屋企都係7個鐘咋...........
+Comment