日日開心是日食....steak
2011年7月2日下午11:59公開累積瀏覽 175 12
沖繩第5日下半場
跟local tour 去完水族館, 我地就出發去菠蘿園~
係車上先醫下個肚先~
都
係蛋豬肉飯團好味d
4700yen 團費仲要包埋水族館 &菠蘿園入場券真係抵~ 聽講菠蘿園要500yen,
其實我唔係咁想o黎呢d咁"遊客"o既地方, 不過去到見到唔少日本人, 學生哥都唔少
菠蘿園緊係講菠蘿~
你地估下菠蘿上中下邊一忽最甜
答案係最下邊最好味
有好多唔同酒精成份o既酒比你試~
依家諗番轉頭, 我應該要買碌庶試下係咪咁甜
最後都做o左遊客~ 買o左一支苦瓜汁 & 一支"西瓜傻"
唔知係咪尋日係金城食燒牛肉 , 所以隻手出紅點 (好耐冇出啦)
4:45分已經返到旭橋巴士總站~ 先上去朋友間鬼酒店睇下~
講時講, 呢條酒廊只有右邊有房, 左邊冇房見到陽光, 當日我其實都覺得幾陰寒, 行過條酒廊去電梯時要推開一度木門 (好似太平門) , 我已經有d驚, 落o左大堂上番去時仲驚.
第2日舊同事同我講, 唔知心理作祟定係咩, 佢瞓得唔好, 成日覺得電視機個邊有聲, 跟住我話比佢知我行條酒廊時都驚驚地, 舊同事就話我知啦...............其實佢個fd話由7樓搬上10樓呢度時, 佢都feel到酒廊有一"隻", 但係房間就冇............噓~好彩佢第6日搭機時至講我知, 如果唔係我就一定腳仔軟.唔會夠膽上去睇下佢地間房有幾大.
呢一層確實係比普通雙人房大~ 話想轉房就真係轉比佢地,,,,,,,,,究竟之前間房係咪真係有............咩呢??
唔諗咁多, 醫o左肚先~ 我間民宿老闆娘又一好介紹, 係鬼酒店後面有一間係沖繩出名o既牛扒屋.
since 1953年喎........................
我地未食已經狂影相~
開到夜晚1:30........真係犀利,,,,,,
可能多遊客慕名而來..........居然有中文餐牌~
我地都叫o左最有人氣, 特選沙朗牛排,,,,
舊同事叫我問下有冇牛油..........諗住冇唔想問, 點知一問又真係有牛油喎~
冇汁, 要自己落~
佢地兩個7成熟, 我要5成熟~ 香港個d一早就血淋淋啦......但係呢度冇血水.
d肉真係好林~ 我地掛住係咁影相, 攤凍o左d牛扒都好食~
請你地食一口啦~
見到公公婆婆o黎据扒就知真係冇呃你地, d肉真係柔軟好淋好好味.
要啤一啤佢先~
6點幾都好多人o黎食, 而且佢地食得好快, 食飽就走, 我地隔離枱已經轉o左2組人我地都仲未走~
影番張合照先~
食飽我返民宿放低d手信之後, 我又去行街街~ 本來佢地兩個都行, 但係佢地話冇pass唔想嘥錢, 其實佢地唔記得沖繩地鐵 pass 唔係段日計, 係計24小時為一日, 所以今晚7點幾買pass, 可以用到聽日晚上7點. 所以今晚只係得我一條友行, 佢地聽日至行.
呢個車站 係古島 與 安里中間個個站, 冇漢字, 日文發音係 omoromachi
有間duty free, 仲有唔少名店, 又係民宿老闆娘好介紹, 佢話d日本人都o黎呢度買o野, 我最初以為佢講名店tim. 原來唔係, 仲有一間百貨公司
就係呢間啦~ naha main place.
地下好似到11點, 但係樓上開到12:00 超市都係開到12點, 但係記住地鐵只係到11點幾~ 所以唔好行到忘晒形~
有不少街邊o野食~
我都係度洗o左幾仟yen
係度買名牌陶瓷刀, 砲都好平呀...............之前我見到好似係810yen
如果唔係舊年係北海道買o左一把, 我實再入貨. 實在係比起其他日本百貨公司平~ 比起香港買更加平~
呢舊o野我係香港買要240幾蚊~
最鍾意係超市買手信~夠晒地道~
仲買o左宵夜食~
沖繩特產之一~ 海葡萄, 口感幾過癮.
行到坐11點地鐵, 返到屋企即刻開餐
口感幾得意~ 好似食緊蟹子咁.
聽日返香港啦~ 不過又要晨咁早起身去首里城參觀o左先~!! 88
米院友
睇落真係好晶瑩好想食, 妳d舊同事去咗邊度玩, 佢地話好玩嗎
回覆
英明
d 日本人好捧自己場, 所以每個樂園都會有好多日本自己人...
回覆
cowcow
係呢~ 以前廸士尼都係,,,,平時都多人, 遇著日本假期就排晒長龍~
叻叻
hehe......你都買咗好多嘢喎
回覆
貓B
比我一定買來食!!
回覆
cowcow
但係日本實在太多想食O既O野, ,,,,,,所以......依家後悔囉~
傻妹【Annie】
牛牛
我都好想試下個海葡萄...
回覆
cowcow
有機會試下, 幾得意~
Sandy
cowcow原來我寫錯字呀?sorry呀!
應該係有d似熙哥呀!
由其是笑時仲似呀!
回覆
cowcow
Sandy , 唔洗sorry, 我明你講乜~ 似o架, 我覺得同熙哥似的, 尤其你講咁, 笑仲似~
Happy Girl
妳買咗好多嘢!我愛吃菠蘿!你的牛排餐和啤酒好吸引!
回覆
cowcow
最初我想叫兩份牛扒o架....因為好似好細塊~ 後來都冇叫~
我係就住就住買, 間百貨公司可以買d日常生活o野, 不過驚老媽鬧所以唔買囉~
Sandy
哩張相冇d似照哥呀!
回覆
SKPoon
簡直係一個美食沖繩之旅, 返來重左幾多磅?
回覆
cowcow
返o黎磅都冇乜變 145,,,但係尋日磅好似148,,,,屎緊緊~
SKPoon
啊! 是猩紅熱呀!
回覆
cowcow
咁恐怖?
遊 手 好 閒
海葡萄、我都想試吓
有冇沖繩食苦瓜呀!苦瓜係我至愛。
回覆
cowcow
有呀~ last 一日有食~
Farming Cherrie
呢個地方我都有去...不過我覺得你影得靚左d....都冇野睇同玩既
回覆
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================