日日開心是日食....YAKINIKU
2011年6月30日下午11:00公開累積瀏覽 268 12
沖繩遊第4日~
係石垣島hostel瞓o左一晚~ 算係幾好瞓~
今日搭下午5點10分機返去沖繩那霸
所以今日要去石垣島出名靚到嘔o既川平灣睇一睇~
因為由石垣巴士總站去川平灣, 一日只係得6班, 所以我要早d起身, 要趕8:55分開個班巴士. 由石垣巴士總站去川平灣車程約45分鐘.
由hostel 坐8:16分巴士去巴士總站~
hostel 對面有間日本料理~ 尋晚應該去嘆下唔洗食杯麵~
嘩.............等巴士之際, 我又見到彩虹啦~ 今次仲係雙彩虹..........2日見3次彩虹....仲唔係叫做lucky? 今次仲開雙
日本d車真係超準時~ 我估佢地一定有預多時間, 跟住就慢慢揸車, 所以可以咁準時
巴士有唔少學生哥返學~
車程10分鐘就到巴士總站, 得切8:55班車, 如果送車尾, 下一班車係9:35, 再下一班係12:55. 所以一定要睇時間做人呀.
呢隻巴士FREE PASS 只係要1000YEN, 用5日, 聽講單去一程川平灣就要700YEN, 而且又可以到機場, 所以當初到步石垣我就應該買, 可惜當時冇周詳計劃, 所以冇買, 但係到今日, 唔買唔得啦.
奇怪點解得小貓幾隻~
又係準時 9:40到達川平灣~ 係咪我早得滯??冇乜人o既??
一去到就用優惠券買玻璃船遊覽,
玻璃船由9:00~ 5:00, 大人1000yen, 小朋友 500yen, 記得係機場攞書仔, 有優惠券有9折
仲有一包星星砂送 (上次個樽跌爛O左, 所以呢一包要小心保存)
一出到海邊, 我見唔到靚到嘔o既景色呀~ 唔通我去錯地方??
唔好理, 上o左賊船先~ 唔係, 係玻璃船至o岩~
今水船大約有7個遊客~ 單單個個就係我啦~ 哈哈哈
左右兩邊坐, 中間有3格玻璃, 我地就係咁睇啦,
其實都幾清o既, 可惜我影相時影唔到魚魚~
今日天氣真麻麻,
對面個尖山唔知叫乜名呢??好似尖個釣魚翁山喎~
大約半個鐘就睇完~ 都幾普通
要快d去搵靚到嘔o既美景~
唔通要係公園入面至影到?? (因為我睇人地d靚相係高處影落去)
但係點睇我都唔覺得靚, 可能呢兩日靚景見得太多, 川平灣真係皮毛~ 又或者更靚o既地方我未去到?
原本諗住坐14:10分巴士返去石垣巴士總站~ 點知呢度都冇乜o野好睇, 依家都係10點零鐘, 點等到14:10呀? 睇一睇, 仲有一班 10:50分開o既巴士..........wow 就坐呢一班回去食燒肉吧~! 之前我左度右度如果坐14:10巴士係趕唔切返去食燒肉o既,點知川平灣係冇乜o野睇.
巴士仲未到, 周圍行下~
食下雪糕先~~
真係冇乜人~
10:50分o既巴士o黎啦,,,,,,,,,,,,,,,,,,估唔到我只係留係川平灣70分鐘咁少~慶幸我尋日去o左黑島, 因為我原來o既計畫係尋日去川平灣, 今日去黑島~ 如果唔係掉轉o左兩日行程, 我就唔夠時間玩黑島啦.
無啦啦有驟雨~
11:35分返到石垣巴士總站,,,,,,,,我要去金城燒肉店吃大餐~ 由巴士總站大約20分鐘就到. 又係行到身水身汗~
點解要o黎金城食??我都唔知呀~ 因為咁o岩我參考行程o既兩個台灣人個blog都有提到呢一間金城好好味~ 所以估且一試~
中午食一定平過食夜晚~
又平又正~, 依希記得佢地好似話有個set 夜晚食要成4000yen, 中午食平一半咁滯喎,
而且每月1號燒肉都係半價.............唔知係咪全部肉呢??可惜今日係6月21號~
以前係日本做過一年燒肉店part time, 所以都識得睇大部份menu~ 如果食其他, 例如西餐之類, 我就唔識睇啦.
我叫o左個特上燒肉定食 2500yen~ 佢地強調係石垣牛肉~
3個唔同部位o既牛肉~
燒肉之中我最鍾意食牛舌~
店員建議我食石垣牛舌 1600yen......
佢條脷真係貴 1600yen 只係得5片~
仲有雞軟骨都係我非化~ 380yen
日本呢d至係雞軟骨吖嘛....點解香港個d變成第二樣?
定食仲有沙律, 泡菜, 仲有麵鼓湯, 點食得晒? 早知唔要定食, 叫多d餸, 因為仲有一味我好想叫,,,,,
就係下面個幅圖~ yukke ユッケ 生牛肉加隻生雞蛋, 以前成日見到客人食, 自己就好想食, 又要留番下一次啦.
開餐啦~
炭火燒........真係熱鬼死人,,,,,我懷疑我唔係曬黑, 而係係呢度燻黑
我至愛o既牛舌~ 要港紙30蚊一塊,,,,,,,,,又唔係真係特別正~ 有d失望~
食牛舌我用鹽燒~
特上肉都幾有肉味, 其實係好味o既, 但我覺得可以切簿少少,,,,因為食o左幾舊已經有d漏~
叫侍應細碗d, 點知都係好大碗~ 點食得晒~
真係幾好味o架, 又多汁又夠味
食到呢一刻已經飽到嘔~
仲有咁多配餸未食
已經好努力咁食,,,,,一來唔想浪費食物, 二來要坐5點幾機, 又冇飛機餐食, 所以點都要吃晒落肚至得~ 之後飯氣攻心, 幾想係店內睡個午覺~ 哈哈哈
仲有奶茶飲~
呢一餐都算叫做豪啦......... 飽到上心口. 下次再去石垣一定要再食~
食飽仲有2個鐘行~ 四圍行下
orion 沖繩地到啤酒, 幾易入喉~
石垣市 公設市場, 即係香港o既街市, 樓上有乾貨手信賣, 地下有肉有菜賣~
手信確實比外面平少少
外面仲有幾條手信街~
石垣島o既 7-11~
coco~
17:10分飛機~
靚女地勤~ 笑容可恭
真係有禮貌到同我地揮手拜拜, 直接遠離我地視線
又再次返到那霸~ 去super 買今晚o既晚餐~ 真平~ 25yen一串, 同我尋日係石垣島買100yen一串, 只係1/4價錢~ 當然個d會好食d
好想偷運軍火返香港玩~ (早幾年偷運過一次, 仲有一包未玩~)
上次住個間房已經比o左一家3口住~ 二樓同呢間比我揀,,,,緊係呢間啦,
係老闆娘隔離, 唔洗驚鬼~
中午o既燒肉仲係頂住心口~ 唔係d火龍果咁鬼貴........我就食生果算啦....
所以今晚晚餐係食杯麵 + 串燒~ 最後呢碗麵都係食唔晒o既~!!
心曠體胖, 就係今晚我坐爛o左民宿張櫈~ (好彩碗麵o岩o岩放o左係枱上面) 一聽到電話響就騰晒雞, 老媽打o黎話我知香港打緊風...........................講多兩講,,,,,,,,原來老媽唔知我去o左日本, 仲以為我去o左台灣............唔怪之得講佢知去沖繩旅行佢都冇鬧我啦.
早d瞓早d瞓, 聽日要坐8:00車去名護市 (車程2個多小時)睇水族館~
88
Luna
我也很喜歡沖繩!我們去石垣島時、住了和你們一樣的地方!(サンエー前的hostel)。
回覆
米院友
好呀 ! 夠盡興呀
回覆
cowcow
多個人一齊食就最好啦~
英明
有時真係希望愈大, 失望又愈大, 但又會有意外驚喜喎... 哈哈.. that's life ..
回覆
cowcow
講得好o岩呀~
SKPoon
真係好清喎! 泰國睇的好鬼濁.
回覆
cowcow
哦,,,,原來叫做清o架. 我都唔知tim
SKPoon
我仲以為係哈文車添?
回覆
cowcow
唔怪之得覺得咁鬼熟口面啦
Farming Cherrie
你個meal 好正啊....等我plan 下今年去邊先
回覆
貓B
真係幾清 wor
回覆
cowcow
但係冇乜魚啊~
Anna
cowcow,原來妳唔聲唔聲去咗沖繩啊 !
早知同妳去啦 ! 個度風景真係好靚啊 !
回覆
cowcow
係呀~ 下次搵你由台灣去石垣島啦~
Happy Girl
個燒肉餐好正呀!
回覆
cowcow
食大餐都係有個伴好d
遊 手 好 閒
川平灣 都幾靚喎、係唔係少咗啲開心院友所以差少少呢
回覆
cowcow
因為係現場只係眼前一個景,但d人又話好靚, 天氣可能唔係藍天白雲, 所以有d失望啦, 因為曾經我係諗住去川平灣玩體驗潛水的. 可能我未深入去睇啦.
遊 手 好 閒
<<… 我又見到彩虹啦~ 今次仲係雙彩虹 …>>
見到雙彩虹Ge意思係;今日會食餐飽 食燒牛舌係我非化、諗起都流口水
回覆
cowcow
但係呢幾塊好似麻麻地咁
Sandy
個燒肉餐好正呀!
攪到我又想去食韓燒添!
回覆
cowcow
咁快d捉住honey去~
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================