DAY5台北清境日月潭5日之旅5
2012年9月30日上午2:38公開累積瀏覽 1314 11
oh~ 呢兩個星期實在又夠忙~ 公司突發事件 &
老媽要入院全身麻醉做個小手術~~~~
依家全部順利攪掂晒~
等老媽下星期四睇埋個報告就可以告一段落~ ![]()
拖o左好耐的第5天要埋尾了~ 繼續寫繼續寫~
2012年8月30日
如果唔係尋晚又痾又嘔~ 我會帶姨甥去24小時誠品
如果唔係尋晚又痾又嘔~ 我今日會帶老媽去雙蓮站食早餐, 行街市
冇得如果啦~ 鬼叫自己唔信邪咩~~~~
今日係姨甥生日~ 較早時間拜託台灣朋友幫我book日式自助餐~
聽朋友講好爆, 星期六日一定要預早訂位
欣葉日本料理自助餐飲(館前店)
地址：台北市館前路12號6樓(近台北車站)
電話：02-23713311
收費方式：平日午餐成人NT.620(老人家less 5%)、兒童NT.250；晚餐及假日成人NT.750、兒童NT.330；下午茶成人NT.460、兒童NT.200 (+ 10% )
今日係閒日, 我地食午餐~
NT620 加埋一都係為港紙HK$183,,,熙哥小童 NT250...加一後HK$74~
位置其實好大~ 不過唔熟地頭, 唔敢四圍影~
睇下台灣人的blog,,,,好多o野食o架....
![]()
溫馨提示~![]()
腸胃炎真係唔敢博, 而且今日仲要坐飛機返香港,,所以....有得睇, 冇得食~
家庭醫生教落, 肚痾最好飲寶礦力補充水份![]()
因為係網上睇過呢個土瓶蒸........所以應該唔好食蜆o既我都試吃了~ ^^
味道不俗![]()
食蒸蛋應該都冇問題~
![]()
家姐叫我食清d,,,咁冷麵應該都ok啩~?![]()
諗住熙哥會食好多,,,,,,,,(做乜鬼成日學何老闆咁笑o者??)![]()
轉過頭佢已經掃甜品了~![]()
好滑的杏仁甜品 ![]()
手卷種類唔多, 但係有部份唔係飯底, 係菜底, 所以多食都唔怕~![]()
欣葉係日本料理, 所以有唔少壽司& 刺身, 但係唔知點解
佢地今日唔多食, 連老媽都冇乜食~ 我就不知幾想食刺身啦~ ![]()
![]()
老媽食唔少沙律,,,,,, ![]()
仲有熱食~![]()
呢5日假期, 最擦得居然係老媽~ ![]()
![]()
呢位小姐係........呢間欣葉營業部主任~JESSY 周~
點解會同佢合照????
事源係............
佢本來只係派張問卷比我地, 但係唔知點解發現我冇乜食o野,
以為我唔o岩胃口. 我咪話比佢知, 我尋晚飲o左過時楊桃汁.
攪到腸胃炎~ 所以食唔到o野~
但我話比佢知, 因為今日姨甥生日, 所以食唔到o野都要o黎.
(後來我地結帳後, 周小姐見我冇乜食o野, 所以改收我為小童收費,
退番差價比我啊~~~~~~~~~超超超好人![]()
)![]()
呢間餐廳會同人唱生日歌,
低調的姨甥緊係唔想一大班人o黎同佢唱生日歌啦,
所以周小姐偷偷地攞住個小蛋糕行去姨甥面前~ ^^ ![]()
雖然姨甥冇乜表情, 但係我地知道佢係開心o既~ ^^
![]()
![]()
有d似雪糕蛋糕, 味道不俗啊~
食到2點鐘就走啦~ 5日裡面, 今日係最大雨, 唯一濕身的一日.
坐7點幾機回港,,,,,,,,最後衝刺同姨甥去搵金石堂書店~
熙哥就去睇模型~
![]()
然後再去國光號車站攞番d行李..........大locker NT50 3小時(hk$13.5/3小時),
唔貴啦.好過攞住D行李行o黎行去. ![]()
閒日唔塞車, 一個鐘唔洗就去到桃園機場~
午餐食得好少o野的熙哥~ ![]()
餓到佢屎屎下, 睇下佢幾失儀態![]()
![]()
下次坐中華我都要預先上網book定兒童餐,,,,,
![]()
因為我覺得正過大人餐好多~ ![]()
![]()
晚上9點返到香港啦~ 好開心今次5日台灣之旅比6年前的成功得多了~
期望下一次唔洗6年後啦~ ![]()
![]()
![]()
台灣~~~~~~10月21號我又會再o黎啦~~~~ (10月21~28號去台灣登雪山啊![]()
)![]()
小癡 ![]()
Cow cow：
有事相求，我和家人約定在3月15至20日到台中，可以在我們研究了行程後，向您討教嗎？
我們主要去台中，不去台北了。
有沒有好的民宿推介？
我們不打算去日月潭，而除了清境一定會去，還有沒有好的行程..
Cow cow：
有事相求，我和家人約定在3月15至20日到台中，可以在我們研究了行程後，向您討教嗎？
我們主要去台中，不去台北了。
有沒有好的民宿推介？
我們不打算去日月潭，而除了清境一定會去，還有沒有好的行程推介？
有勞您了，不好意思，打擾您了。
癡哥上
8.1.2013
回覆
Betty ![]()
cowcow, 請問有冇台北民宿/酒店介紹, 朋友新年想去, 但好像找不到住宿 (我想都幾full 下)....
謝謝先~
顯示全部回覆 共4則
cowcow ![]()
BETTY, 今次我同老媽去住的台北豬窩唔錯啊, 套房. 你去番我第一日有詳細資料. 依家BOOK, 應該BOOK到, 如果唔係, 就要BOOK HOSTEL, 你朋友幾多人呢??
Betty ![]()
2人~
Betty ![]()
等我睇睇, 唔該晒!
cowcow ![]()
HI BETTY, 我搵了一條台北出租房, 我未住過, 但都好似幾OK, (香港電話聯絡)
http://taipeiinn.com/room.php?hid=HH
另外我住過台北豬窩, 地點方便, 我住5人房有大窗, 唔係一般劏房冇窗, (姪仔住過2人房, 都好OK) 我會建議豬窩多D
亞Mag其美 ![]()
伯友無事就好,登雪山?勁cow ~
回覆
cowcow ![]()
多謝其美~ 21號我地就出發去台灣登雪山啦~ 一D都唔勁, 不過一大班人玩會好開心. ![]()
渣古全 ![]()
無事就好了
回覆
cowcow ![]()
無事啦![]()
SKPoon ![]()
今次再到台灣吃得健康尐才上山呀！下山才任意將美食再塞入肚子吧！![]()
回覆
cowcow ![]()
一定一定![]()
Farming Cherrie ![]()
呢個提示幾好喎...我剛坐完大韓佢都有一個溫馨提示, haha 就係在機上正在訓覺中的你, 如果有需要再叫佢地serve 自己....
咁好既? 呢d 咪service 囉, 香港...好難啦, 唔賺到盡都偷笑。
回覆
cowcow ![]()
之前唔知撘乜機瞓著咗都有溫馨提示喎
Betty ![]()
我都好想去旅行, 希望身體好番, 去旅行是要體力去玩~
至想無任何限制食食食~
回覆
cowcow ![]()
人到中年, 真係無咩想, 食得瞓得, 身體健康~![]()
肥仔嘜 + 皇帝Bee ![]()
妳沉睡左兩星期啦！到我講呢句啦！妳10月又去玩啦！![]()
回覆
cowcow ![]()
10月去完，12月可能再去啊：）
司徒Bee ![]()
周小姐 嘅待客之道，為 台灣旅遊業 大大增光，連佢自己都可能唔知！
妳保重身子啦，唔好將麻雀腳嘅進貢俾晒醫生@@
回覆
cowcow ![]()
-
2012年10月1日下午1:13
![]()
唔會，低B佢地進貢嘅錢，我會用嚟食食食
Bon Bon ![]()
等左咁耐終於都埋尾，你要調理好身體，始終行山要好好體力，之前又要去操練﹗
回覆
cowcow ![]()
-
2012年9月30日下午7:16
![]()
終於埋尾了，係呀，要操好D體能至可以去登山啊
遊 手 好 閒 ![]()
等咗好耐…終於出埋呢日行程
收你小童價…真好人
顯示全部回覆 共6則
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
