上集DAY4台北清境日月潭5日之旅4
2012年9月12日下午5:26公開累積瀏覽 2017 18
早係今年5月, 睇到旅遊雜誌講台中新玩法~
見到前年曾經到此一遊的日月潭~
前年仲慶幸日月潭唔洗特登來玩,
只係湖一個.
原來已經不是到此一遊那麼簡單了~ 入了全球十大最美單車道~
其餘9國家~
書內有介紹捷安特自行車日月潭水社店~
NT$200(HK$53)一小時, 最多收4小時, 即係話 NT800 (HK$214)可以踩足一日.
書內仲有講,,,,,如果環日月潭一圈~ 就會有環湖證書一張作為記念啦~
捷安特係一間好規模的單車店, 除o左戴頭X, 仲有GPS比你~
好啦, 又要入正題
2012年8月29日第4日啦~
其實我都有d擔心兩個嫩o既今朝6點幾起唔起到身~
一睇就知今日唔會落雨~ yeah~
老媽仲未起身, 尋日已經教定老媽, 早餐8點開始有得食, 瞓醒就去食早餐,
我地8點零鐘就會返~
影番張相先~
單車老細真係準時到~ 尋晚我幻想老細開車來接我地,,,原來佢踩單車來~
生意真係難撈, 定係台灣人都係咁勤力?? 我地4個人都只係nt400 (hk$107)
要行10分鐘左右至到
雖然好似離民宿比較遠, 但係呢度其實就係單車徑起步點.
就係呢度啦~ 快樂鐵馬~
有張地圖比我地用o既~
簡單環湖圖,
起步就係水社碼頭,正常環湖3小時~ (咁快o既??)
我地係逆時針行走~ 水社碼頭 出發, 向山旅客中心為目的地, 再返回水社交車,
1.5小時絕無難度, 呢一段就係傳說中的最美麗一段啦~
雖然未瞓醒, 見到咁靚的境真係人都醒神d o既~
好彩熙哥舊年學識了踩單車, 不過行呢一段木板還是會怕的, 因為有可能跌落湖~
呢段路都好美麗
呢度就係向山旅客中心啦~ 日本設計師設計的,看似平凡但覺得好特別
帶你地上去睇下~ ^^
好有線條的~
哈哈哈, 見呢度咁鬼大, 7點幾人又唔多, 所以就跳跳跳啦~
呢隻狗狗跟o左我地好耐~
咁早已經有人坐係度睇書~ 咁又係o既, 呢個位置望向日月潭真係好舒服
我地又學人~
兩兄弟又再鍊贏兩姊妹 (呢張冇夾定pose o架)
本來有個位影相都幾正o既, 但係有人做緊瑜珈兼夾影緊相,所以我地廢事打擾人
準備回程了,
又再跳跳跳o既時候, 發覺呢度原來回音好大大大大大大大,
跳番落地都有回音, 實在過癮非常,
我係度諗, 依家冇乜遊人o者, 如果好多遊客o黎到呢度, 咪好嘈囉?? d回音咁大?
不過真係好好玩
好特別的設計, 如果唔係趕住返去, 呢度真係可以慢慢行~
真係要走了~
狗狗仲跟住我地~
呢個角度睇好似一隻飛船~
我都應該好似雜誌o既角度影~
去日月潭的有關資料
見到好靚的黛衣草~
呢條係同心橋~
狗狗繼續跟~
呢條就係永結橋~
熙哥話~~咦? 原來單車係台灣叫做鐵馬?
準時交車~ 話咁快個半鐘了~
熙哥睇完奧運就想學人跳水~
快d返民宿食早餐啦~ 老媽可能等到發悶~
好聽話的老媽乖乖係coffee shop嘆緊美味的早餐~
越o黎越覺得呢間民宿真係好正~ 景正寢具正, 早餐仲正~
一份一份咁整比我地食~ 熱辣辣~
笑臉薯餅好好味啊~
食飽早餐何老闆仲未打o黎啊~~~~~~~~~~ 11點又要check out~
返上房沖多一次涼先~
尋晚買的釋迦 (台灣叫法) 仲未食~ 留番今晚食~
仲有粉紅色的香蕉~
夠鐘check out啦~ 88啦~
點算好呢?? 何老闆又冇講幾點可以o黎接我地~
不過佢話o黎就一定o黎o既, 至多去唔到中台禪寺, 直去台中高鐵站o者~
Betty
踏車遊果然不錯, 見你天氣都好好, 不太晒喎~
顯示全部回覆 共9則
cowcow
晨早7點幾踩個半鐘,本來冇曬黑,點知中午扒艇一小時就曬黑了,Betty,我尋日去了見莊醫生啊。
Betty
你其實是咪定期見莊醫生架?
我這星期覆診, 如一切ok, 應該轉食MTX lu.
cowcow
唔係定期見莊醫生o架, 扣埋公司醫療保險, 我見一次莊醫生, 最少自己都要比356蚊啦,,,,點可以定期見佢呀, 不過隔幾個月自己有問題都想見下佢o既, 起碼都可以吹水20分鐘啦~~~~~~不過因為有特別任務所以佢見佢..
唔係定期見莊醫生o架, 扣埋公司醫療保險, 我見一次莊醫生, 最少自己都要比356蚊啦,,,,點可以定期見佢呀, 不過隔幾個月自己有問題都想見下佢o既, 起碼都可以吹水20分鐘啦~~~~~~不過因為有特別任務所以佢見佢, 另外自己d指甲都差, 我驚d指甲比我剪到冇晒就生唔番出o黎o者. 佢話佢有客人食neotigason, 不過3個病人之中, 只有一個見效, 另一個打o左生物製劑(當然唔只指甲有問題, 身都有問題) 仲有人食mtx, 不過醫生都話我只係指甲有問題就冇建議我食. (我自己提出佢都會比我試o既)
攞o左d藥膏可以軟化我d厚腳甲. 唔洗我頂住隻鞋喎.
祝你食mtx快d轉好, 唔洗繼續食~
Betty
唉, 我d 指甲好肉酸, 連打麻雀都少左 (唔想比人見到~).
10隻得番2隻未有事.
腳甲又有...腳指公發左炎咁, 有d 痛又肉酸.
其實病情呢幾星期真是差左好多, 背部同腳好勁, ,頭皮都勁左好多,
只想快d 食藥, 減..
唉, 我d 指甲好肉酸, 連打麻雀都少左 (唔想比人見到~).
10隻得番2隻未有事.
腳甲又有...腳指公發左炎咁, 有d 痛又肉酸.
其實病情呢幾星期真是差左好多, 背部同腳好勁, ,頭皮都勁左好多,
只想快d 食藥, 減輕情況, e生話好難斷, 希望可以控制好d.
莊e生唔錯喎, 有20分鐘consultation 時間
有需要時找你要資料, 謝謝!
cowcow
好彩我個d係鐵腳, 3個都知我有呢個病, 所以大家都冇所謂. (不過唔想捱夜對身體唔好., 已經打少了). 我唔得閒影相寫blog咋, 我d腳甲都好肉酸o架~ >_< , 莊醫生見到我d指甲, 已經提醒我要我留意有冇關節問題. 佢..
好彩我個d係鐵腳, 3個都知我有呢個病, 所以大家都冇所謂. (不過唔想捱夜對身體唔好., 已經打少了). 我唔得閒影相寫blog咋, 我d腳甲都好肉酸o架~ >_< , 莊醫生見到我d指甲, 已經提醒我要我留意有冇關節問題. 佢話10個關節有問題的人, 9個指甲都有問題, 不過好彩唔係10個指甲有問題, 9個會有關節炎, 不過我自己真係要留意啦. 諗起呢一點都有d灰,,,,,唔係指甲, 係個心啊.點定好, 做人都係要開開心心活在當下o既~
Betty
呢輪有腰痛喎, 關唔關事?
我都好灰下....呢排簡直只有家庭及宗教活動, 其它好多社交活動都盡量唔去, 怕累, 又要花時間向身體度, 學你話, 打牌要捱野, 謝絕了.
Betty
cow cow 我地唔開心一陣就夠, 唔好灰呀....大把時間要玩玩玩 , 互勉之~
cowcow
-
2012年9月24日下午2:27
- 多謝Betty, 係呀,,,依家有得玩就去玩啦~ 我依家多團體活動過未有病之前,,,,,如果我冇關節炎, 都算係小病是福o既~~~
你d腰痛, 唔係脊椎成條彊呀嘛??? 如果你開始食mtx, mtx都係可以醫到牛牛關節炎的.
有..多謝Betty, 係呀,,,依家有得玩就去玩啦~ 我依家多團體活動過未有病之前,,,,,如果我冇關節炎, 都算係小病是福o既~~~
你d腰痛, 唔係脊椎成條彊呀嘛??? 如果你開始食mtx, mtx都係可以醫到牛牛關節炎的.
有機會搵齊4隻牛去開枱好了.
Betty
唔係脊椎成條彊呀嘛? -->
我估唔是丫麻, 我照左腰椎, 冇事
我d 腰痛, 做下運動又好似好d, 每日到下午又會鬆d, 似勞損多d~
你咁叻, 成日羸錢 !
龍 Wing Lung
去日月潭主要睇景? 有啲乜嘢活動? 玩唔玩到過兩晚夜呢, cow姐?
回覆
Farming Cherrie
200蚊一日? 貴左d 喎
香港可以踩2-3次T__T
你地去玩, 你阿媽做咩? T__T 咪好悶?!
回覆
殷師奶 HeBi Yuen
我踩單車既話要好空曠架,除非我要勁專心專注.....否則太窄我都怕我會碌落湖....哈
回覆
cowcow
咁一定要專心,唔好諗其他啦
donsterz
always good to travel in TW ~ ^^
回覆
cowcow
平靚正嘛~~~~~
肥仔嘜 + 皇帝Bee
D風景唔錯喎!呢D先係正宗渡假享受呀!
回覆
cowcow
係囉, 今次真係感受到咩叫渡假~
山水人士
深度遊日月潭真係好唔同喎。
回覆
cowcow
原來真係唔同~
Bon Bon
單車道風景好美,可惜我對單車有恐懼
顯示全部回覆 共3則
cowcow
咁你一定要去日月潭踩下啦, 見到咁靚o既景, 你會忘記傷痛~
英明
我跟團去過日月潭一次, 係度影張相, 好似有間廟, 之後食午餐就走, 好似冇嘜特別... 原來日月潭係要用腳(踏單車)睇既 .. 多謝資料..
回覆
cowcow
-
2012年9月16日上午1:01
- 唔洗客氣~
Candy倉鼠
睇哂四篇, 這篇最正, 又好玩, 估唔到日月潭變咗咁多, 又搞好靚啊!
你最開心就喺媽媽又食得又瞓得, 好安慰啊!
一家齊齊玩太美滿喇! 謝謝分享!
回覆
cowcow
謝謝到訪你真係叻啊,今次最開心係老媽又食得又瞓得,又唔洗佢咁辛苦,兩兄弟又冇鬧交,算係圓滿的旅程
亞Mag其美
粉紅色的香蕉,,我都係在妳BLOG,第一次見咋! 好唔好食??
回覆
cowcow
買o左3隻咋~~~~全部比老媽食晒~
Happy Girl
日月潭好靚呀!仲踏埋單車真係玩得好開心!天氣好係好重要!
回覆
-
係呀, 好好彩好天~ 呢一日曬黑好多啊~
遊 手 好 閒
5 五 伍 唔 午
幾年冇踩單車喇
回覆
cowcow
咁你呢幾年做過D乜呀??
開心老爺1818
單車徑風景好吸引啊!
回覆
cowcow
呢一段好安全又美麗~ !
SKPoon
湖邊踩單車真係好正呀!
回覆
cowcow
係呀~ 你下次同SK2去踩下吖~ 正呀~
1372〈一生得意〉
很好的單車徑
回覆
1372〈一生得意〉
22
回覆
cowcow
一樣咁叻~
司徒Bee
No. 1 來報到了!!!! 我上年去 花蓮 都對住太平洋踩咗成個鐘頭單車, 感覺真係唔同啲 ~~~~
顯示全部回覆 共2則
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================