DAY1台北清境日月潭5日之旅1
2012年9月3日下午9:45公開累積瀏覽 4195 26
係6月旅遊展知道華航暑假尾有平飛, 所以拿拿臨買o左4大小
全包都只係$1553(大) $1443(小)
2006年的暑假曾經原班人馬去,,,,眨下眼, 熙哥已經11歲~
老媽已經76了~想當年只係去台北, 去過中正記念堂和動物園,
行到一老兩嫩屎下屎下.
所以今次一定要跳出台北, 唔想歷史重演, 因此搵o左季宏老細
何老闆車我地點對點去玩~ 唔洗老媽行得咁辛苦
好啦, 旅程開始了.
day 1 香港08:20-->台北
day 2 台北-->清境
day 3 清境-->日月潭
day 4 日月潭-->台北
day 5 台北19:30-->香港
2012年8月26日 星期日
上午8:20分的機,,,,,,未天光5點要起身, 約o左的士5:30,,,,出發時間冇得揀~冇計.
非常興奮的熙哥~
準時10:00到桃園機場~ 今日台灣機場匯率係 hk$ 1 : nt$3.718,
比起係香港百年找換店換少o左少少 (仲要收手績費nt$30),
香港百年換 3.75
香港換o左2萬港紙, 去到台灣再換多1萬,
揸住nt$112,150,,,應該夠洗lu, 用剩留番10月時再用~
雖然我已經有張台灣電話咭, 不過都係買多兩張隱陣d,
盪失路都可以用電話聯絡
呢隻無限上網 + 電話好抵~5days只需nt$500.(hk$134/5日)
(另有一隻3days + 無張上網只係300幾蚊台幣(港紙100蚊), 打電話少分鐘過呢隻)
我地今次行程5日, 當然買隻5days啦
上次4月同哥嫂去台灣住阿羅真係超級後悔, 今次再試新的民宿.
~ (好似唔多有網頁咁.....)
今次家姐+2姨甥+老媽+cow, 5人住呢間蘇菲亞~ 樓中樓
今次房租好彩唔係假日, 所以5人住蘇菲亞每晚 nt$3080 (hk$824)
蘇菲亞 5人 平日3080假日3380
仲有其他房o架~~~~~~~~~~
無與倫比 5人平日3280假日3580...同蘇菲亞間格一樣,
但呢隻樓上樓下各有一台電視
(我地住蘇菲亞, 天線接收非常差, 希望民宿住人留意呢一點啦)
6人入住, 平日3780 假日4080
禪風 和小花 ,這兩間是4人房
平日nt$2500假日nt$2800
4人房 平日NT$2700 假日3000
經濟型陽光房 平日1580假日1680...無洗衣機.陽台.廚房
房間都有獨立衛浴...只要自備牙膏牙刷就行囉!!
地點都好方便~ 就係台北轉運站上面~
Y1 或Y3出口都得, 不過都係經京站百貨上, 用電梯冇咁辛苦
門外有密碼鎖, 唔洗鎖匙, ~~~~好啦, 我地要入房睇實物啦~
第一眼比我想像中細, 不過之後就覺得唔細啦~
廁所浴室大廳床睇落都幾乾淨. 唯一缺點係電視天線接收太差~
樓中樓的意思就係咁~ 樓上放o左兩張雙人床.床褥都幾舒服, 唔係薄床褥.
樓下都有一張雙人床, 夠晒瞓, 仲有一張梳化床, 冇試過瞓, 所以唔知舒唔舒服
露台有洗衣機~
對面係君品酒店個泳池, 睇住人游水都幾正~
有個廚房仔, 有電磁爐, 但冇煲冇鑊, 唔知係咪要借呢?? 定係要自己帶??
另外有熱水煲, 雪櫃.
有爐冇煲唔知做乜?? (熱水煲有插座, 不需要用此爐)
樓上企唔直人, 所以痾夜尿時要小心撞頭.樓下冷氣唔夠凍,
樓上就好ok.
安頓好之後,就行落樓下京站百貨公司搵o野食~誠屋拉麵
nt$190 (hk$51) 味道麻麻
nt$190 (hk$51) 都係麻麻
一個拉麵 另+ nt70(hk$19)就可以有碟炒飯~
NT$100 (HK$27) 可樂餅即係薯餅, 老媽都話好好味~
NT$40 (HK$11)
NT$70 (HK$19)
呢餐食o左NT$850 (HK$228)食飽呢餐就帶
一老兩嫩返上民宿瞓晏覺, 因為今日實在太早起身啦~.
我就同家姐四圍行下~ 京站內有多個大型locker,
搵定方便last一日check out時可以放我地幾件行李.
之前爆紅的阿舍食堂係台北車站上微風廣場有店.
NT$320 (HK$86) 有20包 (超爆紅時團購價NT$8/包, 要排隊半年, 台灣朋友講的)
(我地係某書局買到4包裝., NT$99)
一老兩嫩係民宿係咁瞓係咁瞓, 我同家姐就食麵線當晚飯了~
今日實在太早起身了,,,,,,樣衰衰的我真係好鬼眼瞓. 去旅行o者,,,,仲辛苦過返工
我地食飽就外賣d返去比佢地食~~
熙哥瞓係紅色梳化床仲唔捨得起身食o野~
超多雪花的電視~
第一日就係咁完結啦~
聽日坐9:30高鐵去台中~ 約o左何老闆車我地去清境~
途中會去中台禪寺
小cow提示
唔記得o左早28日訂飛, 定係15日, 就會有早烏7折. (指定班次,但有好多選擇)
真係平好多o架~ 原價 NT$700 (HK$187) 依家HK$131就得啦,
又有小童票, 成人正價的半價
老人票都有啊~都係成人正價票的半價
5人加起o黎只係NT$2,170 (HK$580)
我揀的班次仲係快個隻, 所以49分鐘就可以由台北去到台中啦,
如果坐車, 2粒半至3個鐘唔少得啦.
早d瞓, 聽日7:30起身~
yee fan
yee fan
2013年4月24日下午11:03
請問台北豬窩訂房ok嗎?可給我联絡資料嗎?
回覆
cowcow
qqyqqy8888@yahoo.com.tw
佢唔係好快覆.
勤力精
在找台灣上網電話咭資料, 啱啱睇到你講有張台灣大哥大電話咭, 請問是在機場有得賣嗎? 在什麼地方可以買到? 請指教, 謝謝~
顯示全部回覆 共2則
cowcow
我係機場買㗎
勤力精
-
2012年11月24日上午9:23
- 謝謝
小癡
cow cow:果然好介紹,要和家人好好研究!謝謝!
回覆
cowcow
嘻嘻, 請慢慢研究~ 不過唔好解剖我~
Yahoo! 用戶
Yahoo! 用戶
2012年10月7日下午11:58
唔好意思,已找到你之後有post條link
回覆
Yahoo! 用戶
Yahoo! 用戶
2012年10月7日下午11:52
你好!正搵緊台北去清境的資料,想問問你訂台鐵車價有早鳥優惠是在那裏訂的?謝謝!
回覆
Eddy
10月初出發台北,你住的蘇菲亞很方便,未訂過民宿,如何手續, .謝賜教
回覆
LAM
Cow Cow...今晚好多謝你呀...要大家破費請我食飯.........我好開心....感激哥哥一番心意..個蛋糕好靚...Thx
回覆
cowcow
唔洗客気啊:)
bensonvxada
你好啊, 想問一下, 你住呢間民宿係從邊個途徑訂房架?
介唔介意share 一下比我呢, 咁, 除左呢一間之外, 仲有冇邊d 民宿係價錢比較相宜同埋比較交通方便架?
thanks so much~
顯示全部回覆 共3則
cowcow
hello, 你好呀, 你上網打台北豬窩就會搵到啊~ , 仲有以前住過台北橙舍都唔錯啊~ 你可以去我的blog "開心遊裡面" 我對上兩次住個的. 係台北橙舍啊, 唔好搵錯亞羅
bensonvxada
唔該晒你啊~
不過我send 左email 比佢地, 成個星期都未覆我報價同有冇房...>.<
另外想問多少少呢, 兩間民宿係咪size 都唔係好大架咋?
因為到時應該有兩隻o急, 怕唔夠位呀~ (2-3人住)
cowcow
2間我都係住過一次,我住的房都唔細,豬窩貴D乾淨D但冇咁多設備,橙舍有大電腦,有printer,但晚上人多嘈D雜D但平DD
Betty
原來你去台中, 你張飛真是好平
我easter 飛台中是你的double.......
顯示全部回覆 共3則
Farming Cherrie
今朝一早想留言, 不過啊媽叫我走...haha 未得閒留, 你就留左我度先
幾靚喎...有時tw d 民宿相同真都有d 分別, 但睇你呢個好好R
回覆
cowcow
係呀, 同相都有分別, 好彩唔係落差太大~
SKPoon
這間民宿真唔錯,有機會人多去又得諗。
回覆
cowcow
可惜問過10月26,27唔夠房比我地15個人啊
Keon
呢間民宿超掂, 好c正....又平又靚, 邊度搵ga?
回覆
cowcow
朋友之前住過
Anna
Bee哥哥帶媽媽啱啱遊完台灣返, 依家又多個孝順女啦 !
cowcow, 本月18號 靚女生日飯局,妳得唔得閒出來呀 !
顯示全部回覆 共3則
cowcow
ANNA姐, 18號星期二嗎?? 好ok 啊~
Anna
はい、かようぴです、ありがとう、cowcow さん...
cowcow
楽しみに待ってます~~~~
comic2047
又清境@@個個都去清境
回覆
cowcow
渡假嘛~~~~~~
英明
想問花蓮有冇溫泉同農場 ? 我睇書有一個叫.. x 穗.. 你意見如何呢 ?
我地跑完步, 當日想係花蓮活動, 當晚想浸溫泉, 或住溫泉酒店...
之後就未決定行程..
顯示全部回覆 共3則
cowcow
英明, 你地幾多人去呀?? 有諗過包車嗎??好似我今次咁, 點對點, 唔係包晒成日. 當然你地去得多地方可以包一日. 我用的何老闆, 之前兩年登山之後下山, 就係佢車我地去清境, 日月潭玩的. 如果你有想過包車, 可以搵..
英明, 你地幾多人去呀?? 有諗過包車嗎??好似我今次咁, 點對點, 唔係包晒成日. 當然你地去得多地方可以包一日. 我用的何老闆, 之前兩年登山之後下山, 就係佢車我地去清境, 日月潭玩的. 如果你有想過包車, 可以搵何老闆介紹你地點玩, 佢收費公道. 我今次坐高鐵去到台中. 佢係台中接我地去清境, (都成粒鐘) 收 2000蚊台幣, 然後第2日去清境接我地去日月潭, 又係成粒鐘. 收我地1500台幣, 到LAST 一日, 由日月潭車我地去中台禪寺, 再車返我地去台中高鐵站. (前後2粒鐘零9個字) 收我地台幣2000蚊, (不過最後我比O左3000)
英明
cow cow, 多謝先, 跑友講由花蓮去台中(清境)要坐好耐車, 我地得5 日, 而家唔去清境了... 我地係花蓮, 太魯閣book 唔到民宿, full 哂, 可能跑步啦.. 你有冇太魯閣民宿或附近既資料呀 ? 係邊可以搵到呢 ?
cowcow
等我幫你問何老闆, 你地實際係幾時去幾時OUT?? 經台北機場定係台中機場??
何老闆唔係淨係做清境, 花蓮都係佢帶我地去O架. 花蓮去七星潭住都好正O架.~ 你比多少少資料我, 幾多人去 幾時??
渣古全
那住的地方好不錯哦...
回覆
cowcow
算係咁多次民宿最好啦~ ^^
lai ching
你好呀! 我都想訂豬窩, 請問你用咩途徑BOOK佢既呢?? 有無電話可以聯絡到佢地架??
顯示全部回覆 共2則
LAM
cowcow媽玩得好開心呀
回覆
cowcow
經過6年前一役,受了教瞓,今次一定唔可以再瘧待老媽
英明
cow cow, 我地11月會去花蓮, 太魯國跑半馬之後係台灣玩幾日..你有冇去過花蓮 ? 我都想去清景, 但花蓮去台中唔知遠唔遠同辛唔辛苦..
我都會買你呢d 5days 既電話咭, 係機場買嗎 ?
顯示全部回覆 共5則
cowcow
英明, 電話咭係機場買~ 要排長龍~我地去年登山之後就去o左太魯閣玩, (第2日好似係跑馬拉松) 之後去花蓮, 去七星潭踩單車, 太平洋風景實在又夠美麗, 唔好多心去清境, 台灣一次玩唔晒, 係花蓮好好休息看風景~ 花..
英明, 電話咭係機場買~ 要排長龍~我地去年登山之後就去o左太魯閣玩, (第2日好似係跑馬拉松) 之後去花蓮, 去七星潭踩單車, 太平洋風景實在又夠美麗, 唔好多心去清境, 台灣一次玩唔晒, 係花蓮好好休息看風景~ 花蓮係東部, 台中去花蓮好遠的.要坐火車. (你可以入去我blog睇下)http://blog.yahoo.com/_M3DUN4GYMOYBPTPHCTCB6JI4QQ/articles/370010/category/%E5%8F%B0%E7%81%A3%E9%9B%AA%E5%B1%B1
英明
我地會去5日, 第2 日跑完步, 仲有3 日係台灣, 而家plan 緊去邊度玩.. 睇完你blog, 我遲下再問你丫...
cowcow
你地係邊個機場出入呢??
會自駕遊嗎??
英明
我地唔會自駕..
花蓮有嘜野一定要去呢 ?
cowcow
英明, 今日蘋果有講花蓮啊~
1372〈一生得意〉
呢間民宿在網上見過。
回覆
cowcow
係呀??
遊 手 好 閒
嗰張banner喺邊道影㗎?
間民宿唔錯、你介紹得好清楚呢
回覆
cowcow
Banner好似係清境乜乜遊客中心門口
Henry L
你住過唔少民宿,依家知邊間正啦!
回覆
Happy Girl
Where is 香港百年找換店?
So happy to have a trip to Tai Chung ! Good to hire a car and your Mom will feel more comfortable. Sorry that I type in English because my chinese writing pad is not working today.
回覆
cowcow
(唔洗 sorry, 少少eng門都睇得明~多就唔得啦)
http://bcel1985.blogspot.hk/
中環 德輔道中 61-65 號 華人銀行大廈 1703 室 (萬宜大廈鈄對面;中信銀行國際樓上)入口於7-11 便利店右面 營業時間..
(唔洗 sorry, 少少eng門都睇得明~多就唔得啦)
http://bcel1985.blogspot.hk/
中環 德輔道中 61-65 號 華人銀行大廈 1703 室 (萬宜大廈鈄對面;中信銀行國際樓上)入口於7-11 便利店右面 營業時間:星期一至五 上午九時三十分至下午四時正 (下午四時至六時正 - 只限已預訂交易) 星期六: 上午九時三十分至下午十二時正 (下午十二時至下午二時正 - 只限已預訂交易) TEL: 2523 3403
SKPoon
No.3 明天來看。
回覆
cowcow
good nite~
司徒Bee
終於等到妳喇 cow仔 ~~~ 慢慢睇完先回 ~~~~
顯示全部回覆 共9則
司徒Bee
嘩哈哈 ~~ 可能我哋前後腳去, 又係拖住老人家, 睇完有好多嘢有共鳴啊 ~~~
今次自由行五日真係行到我老母謝咗, 返到 香港 病幾日, 我發誓以後同佢外遊真係報團算喇 ~~~ 見佢咁辛苦真係心都痛埋 ~~
每晚 HK$8..
嘩哈哈 ~~ 可能我哋前後腳去, 又係拖住老人家, 睇完有好多嘢有共鳴啊 ~~~
今次自由行五日真係行到我老母謝咗, 返到 香港 病幾日, 我發誓以後同佢外遊真係報團算喇 ~~~ 見佢咁辛苦真係心都痛埋 ~~
每晚 HK$824 平到嘔泡啦, 我仲以為自己住 大師會館 已經好平 ~~~ 啲廚具要問管房借㗎, 免費 ~~~
阿 Aunt 做乜對住梳妝鏡食嘢咁型???
cowcow
有過上次的經驗, 帶住個65歲以上的老人家, 一定唔可以要佢地行超過10分鐘.你知唔知我老媽去完台灣玩完5日返來香港第2日一早已經去O左坪洲做義工. 今日至返屋企咋~~~~~唔知老媽身體強壯o左, 定係我今次編排得好好..
有過上次的經驗, 帶住個65歲以上的老人家, 一定唔可以要佢地行超過10分鐘.你知唔知我老媽去完台灣玩完5日返來香港第2日一早已經去O左坪洲做義工. 今日至返屋企咋~~~~~唔知老媽身體強壯o左, 定係我今次編排得好好呢~ 哈哈哈.
因為梳妝台張橩好坐d啊~
司徒Bee
我老媽八兜嘢啊 ~~~ 嗰五日每日至少同我行咗三四粒鐘 ~~ 絕對可以用淒厲嚟形容, 我真係後悔啊 ~~
cowcow
哎呀,,,,,,,慘啦慘啦 原來,bee 伯有已經80啦,,,,要佢行3~4粒鐘真係.....我好明白你o既心情, 6年前行中正和動物園,曬屎一老兩嫩, 我後悔o左6年, 所以今次唔可以歷史重演. 你唔好內疚, 留得老媽在, 那怕冇時..
哎呀,,,,,,,慘啦慘啦 原來,bee 伯有已經80啦,,,,要佢行3~4粒鐘真係.....我好明白你o既心情, 6年前行中正和動物園,曬屎一老兩嫩, 我後悔o左6年, 所以今次唔可以歷史重演. 你唔好內疚, 留得老媽在, 那怕冇時間孝順, 下次做好d~!!! 不過唔好跟團呀~ 老人家想去廁所冇得去仲慘呀, 你識揸車就自駕遊啦. 信我~
司徒Bee
如果去郊區我都會選擇自駕, 但 台北 嘛 ~~~ 自駕真係搵自己苯實 @@
所以之後兩 days 我去邊都係 Taxi, 抵搭呀四個人.
cowcow
我幾年前係台北比一個的士佬嚇我一鑊之後........以後得我一條友就唔敢搭的士啦.
司徒Bee
咩事? 莫非妳遇到 羅拔迪尼路 (Taxi Driver) ~~????
cowcow
冇睇呢套戲啊~bee SIR SIR
個次我係台北車站坐的士去朋友內湖家, 即係美麗華摩天輪旁邊. 個的士佬好斯文, 著晒恤衫打晒O太, 一路傾一路開車, 點知坐o左都好耐, 而且d路係我唔熟悉o既,,,,,,再望下四周啦,,,,..
冇睇呢套戲啊~bee SIR SIR
個次我係台北車站坐的士去朋友內湖家, 即係美麗華摩天輪旁邊. 個的士佬好斯文, 著晒恤衫打晒O太, 一路傾一路開車, 點知坐o左都好耐, 而且d路係我唔熟悉o既,,,,,,再望下四周啦,,,,,,嘩~!個摩天輪離我好鬼遠, 我問佢想車我去邊?? 跟住我打比朋友話佢知個的士佬咁., 然後的士佬車我返到摩天輪附近,就點起支煙食, 我朋友未到, 個的士佬趕我落車啦, 同之前個斯文樣真係差天共地. 以後真係怕怕.
司徒Bee
唔駛睇套戲喇, 妳嘅經歷同套戲有得 FIGHT!!
Bon Bon
間民宿吾錯噃,又企理還有個露台,第一日當然無咁多節目,有大有細要比佢哋休息,如果是大伙朋友去就吾同啦,實要盡情去到盡﹗
回覆
cowcow
我都老啦, 去台灣想去探朋友多過想去玩~間屋都幾好, 不過o岩o岩見到blog友又去台灣, 佢個間仲正, 雖然貴少少
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================