拾下拾下去澎湖~
2013年4月13日下午6:05公開累積瀏覽 749 19
話說早幾年台灣朋友harue已經同我講澎湖好值得一遊,
本來舊年harue決定同我去, 但係買唔到機票(決定得太遲), 佢又唔想搭船~
其實好多離開o左澎湖o既人, 都會趁清明節回澎湖掃墓, 所以唔早訂機票的話,
好大機會買唔到機票, 而船運好多時都未開航, 好似今年咁, 4月1號仲未開,
而澎湖o既"朋友"預先提醒我,今年台灣清明節4天連假, 機位超緊張~
因為harue剛生完bb, 所以一定係得我一條冷去, 我又唔想山長水遠去到只玩3日兩夜,
所以當我係wwoof網睇到澎湖居然有田耕, 眼睛一亮就盲舂舂決定請3天假就連放10日,
去台北探bb之後, 可以去澎湖一星期~! 超理想的~
做wwoofer可以用勞力換食宿嘛,
我原意係可以hea, hea足7日應該好爽.(西嶼坪 - 阿清的家), 島上人口只有6丁, 雞多過人.
奈何我決定去耕田o既外島中o既外島,每星期只有一班船往返~
所以我自以為超理想o既計劃泡湯了~
之後有緣地在fb上結識了Kelly(假名^^), 比我住係佢屋企, 迫佢收我錢,
佢至肯收我nt200清潔費/一晚
, 即係每晚只需hk$54,,,,,
身邊朋友都擔心我住係陌生人屋企有冇問題,
講真錢又冇人又老~只有cow命一條,
我真係冇擔心過囉~![]()
係香港帶o左一本澎湖旅遊書
(教你點玩,,,但內容豐富過頭, 未去過澎湖真係睇得唔多明).....![]()
係台北再買多一本(呢本有詳細地圖)
4月1號一早出發~因為4月6號由澎湖回來台北, 就直接飛番香港,
所以今日要帶走所有行李~
係hobi屋企食完蛋糕就出門~![]()
行李成30斤重,,,,又要由4樓撐番落去地下~![]()
hobi老公今日放假, 而且又落緊雨, 所以車hobi返工之後,
再車我去松山機場,,,,,如果唔係我就要搭的士啦.![]()
我今日坐復興航空去澎湖, hobi係2月頭幫我係網上訂o既,
來回NT3,355 (HK$907)
係咪內陸機係咁?? 辦完check in 手續再行遠少少寄行李~![]()
點知地勤同我講我行李超重了~ 去澎湖o既行李只可以帶10kgs
吓????超重11kgs有多,,,,咁咪好甘??
請問幾多錢呀?? ........算你超重5公斤,,,,,,65元
用心算計一計, NT65X5公斤都係 300幾蚊台幣, 100蚊港紙唔洗, 好平啊~
點知原來係總數罸NT65咋(HK$17.5) ........NT13/KG
真係比佢嚇親~好彩好彩~![]()
![]()
(我最高記錄去日本超重, 罸o左仟幾蚊呀~廿年前~
)![]()
內陸機冇o野食o既, 所以買o左飯團&蕃薯上機~![]()
安檢好簡單~![]()
候機室都好簡單, 一眼望晒~![]()
去完廁所上飛機, 居然係廁所門口比人截住問我係咪1372 o既人
(1372 係得意姐個blog名
), 我個cow樣唔係咁易認吖嘛?? 行山時
我地都矇晒面o架啦~
傾o左幾句仲交換埋電話....
.弊,,,,張紙仔唔記得放o左係邊tim~![]()
呢張相就係佢幫我影o架啦~(未瞓醒
)![]()
呢架機仔....係咪得66個位??
雖然機上冇o野食, 但有果汁/水一杯![]()
松山機場去澎湖馬公機場只係50分鐘, 眨下眼就已經到啦~
踏出機場一眼就認到Kelly啦~
笑容滿面~ 一睇澎湖人就知道佢地幾咁友善~ ![]()
旅遊服務中心送o左一盒短片 & 一本介紹澎湖o既書比我~
想睇介紹澎湖o既movie, 請link 去睇~ ![]()
21.3公斤重o既行李~ Kelly巧犀利啊~
忍唔住影movie
(如果有聲仲好,,,不過唔識攪
)
http://youtu.be/DX2cSSe47Uk
到啦~ 一間日據時期起o既屋,,,好有歷史o架~![]()
唔方便影咁多~![]()
![]()
我一陣就要踩你啦~![]()
![]()
側門出去係廁所, 途徑一塊小田, 種o左生菜&乜菜~
正門口出面左邊都有塊田仔, 種緊蕃茄仔, 高麗菜就瓜瓜地~
仲有火龍果, 但未有耐有得食~
跟住上o左天台~![]()
對面屋仔最左邊係洗衣房, 中間係廚房, 最右係洗手間~![]()
因為係飛機航道下面, 所以大把飛機睇~飛機大約每朝7點半左就會出現~
呢條片係last 一日影o既,,,個天比第一天到澎湖黑得多啦.
就知道往後澎湖天氣有幾差啦~
Kelly織o野好鬼勁, 完全係一個大師傅,,,,,好彩都有少少咀型o岩, 教o左我唔少o野~
![]()
傾o左一輪, Kelly建議我跟住204大路再轉201大路去山水沙灘, 教我點認路~
踩30分鐘就會到~
我當然覺得驚啦, 我平時都唔認路, 有路就行,
不過仲有排都未天黑, 唔洗驚住啦~ (都話我驚鬼多過驚賊驚地震~
)![]()
我出發啦~![]()
Kelly 下午要繼續上班啊~ 放工又要返學, 今晚10:30至返o黎呀~
好彩佢囝囝係屋企打機咋,,,唔洗我一條冷係間大屋入面~![]()
一條大路, 一邊可以去馬公市(澎湖最熱鬧o既一區)
途經濟公廟...........-___-''覺得台灣真係好多廟宇![]()
再向前行會經過一間7仔~
左轉再繼續走就會到山水區~![]()
未到山水沙灘就比呢間紫微宮吸引o左過去,,,,因為有一個好巨大o既神像啊~
現場睇, 真係超大的~![]()
(下圖取自網絡).........原來係紫微大帝![]()
鎖港![]()
左手綠色塔是日治時期日本人所建造的水塔.
我就快進入山水區~![]()
社區小故事:
山水社區名字是國民政府來灣後更改的,以前叫做豬母落水,典故是這樣的:山水開發初期這一帶許多人家都是養豬戶,他們多把豬隻蓄養在沙灘西邊的高地斷崖上,相傳那時候常常會有一公尺大小的章魚乘著養豬人家不注意的時候上岸把小豬豬捲入海中。有回大章魚又上岸偷抓小豬,小豬受驚嚎叫,母豬聽見了,就朝章魚奔去和章魚廝鬥,最後母豬保住了小豬,自己卻和章魚一起翻滾落海,後來住在山水這一帶的人為了提醒養豬人家要小心章魚,就把這個地方叫做"豬母落水"或"豬母水",國民政府來台後覺得這名字不雅 於是因山水社區有座觀音山,故以"山"字與美麗沙灘海域的"水"字合名"山水"沿用至今。
山水沙灘的由來也和隔壁鎖港有點淵源,話說澎湖每到冬季就東北季風狂吹,飛沙走石下把位於山水社區東北邊的鎖港山砂都吹向南邊的山水,囤積在海邊變成今日的山水沙灘,所以有所謂的這句俚語「鎖港減一粒山、豬母水多一片海」,導致後來鎖港社區建了鎖港鎮風石塔以鎮住鎖港風水,難怪山水跟鎖港感情不好。
到了~ 山水沙灘~ 有一座好靚o既民宿~
沙灘好長啊~ ![]()
我向沙灘右邊行~
我其實想行去睇下個間小屋仔係乜東東,,,,
係咪好似香港南北果洲個間全香港最細o既天后廟![]()
拜托呢對男女幫我揸機影番張相~![]()
如果藍天白雲的話, 我相信山水沙灘會更美~![]()
影完相居然有"藥(言善)蛋食<---搵唔到呢個字 , 類似香港的茶葉蛋, 係佢地請我食o架~
其實當時不知幾鬼肚餓,(沿途我只見到2間7仔) 淨係係飛機食o左蕃薯咋~~~~~
所以係咁易話,,,,唔洗咁客氣啦,,,,就一手接住了
,,,,可能我個樣好肚餓,
佢地比o左2隻蛋我~ 真係連聲多謝![]()
咁大個人真係幾醜![]()
![]()
佢地見我唔到之後,,,我就快速剝蛋殼狂吞落肚啦~![]()
旁邊有細小o既濕地公園
澎湖好多仙人掌~![]()
唔知幾點天黑,,,,趁早返去烏崁~![]()
盪失路, 兜o黎兜去~![]()
咁得意?? 上帝廟?? 唔通好似香港o既道風山?
一、簡介
山水上帝廟是馬公市山水里的信仰中心,主人奉祀玄天上帝,上帝廟係自前清康熙年間先雕塑玄天上帝金身,作祀典之神明迄今已歷二百餘年。 山水上帝廟每年元宵節一定是所有遊客必到的景點之一,除了熱鬧非常的晚會表演,里內小朋友會抬著轎子夜巡山水里,而廟前的大金龜更是澎湖數一數二的元宵主角。每年元宵節和鎖港大金龜的競賽成了所有澎湖人熱烈討論與期待的元宵節話題。
山水漁港~![]()
嘩~ 我終於見到有小販了~要快d醫肚~![]()
回"家" 一定要認住2間7仔就唔會行錯路~
買定d o野食
好彩澎湖冇乜大車, 如果唔係我會驚驚~
見到204路牌去烏崁, 我冇行錯路嘞
返o黎烏崁里了~![]()
烏崁里
馬公市烏崁里,清朝時代叫做「烏崁社」,屬「林投澳」管轄,民國九年(公元一九二○年,日據時期),日本澎湖殖民政府─「澎湖廳」由於實施街庄自治,重新規劃基層行政區域時,才改由「馬公街」(即今馬公市)管轄。
現在馬公市三十四里,烏崁里在清朝時代卻由湖西鄉管轄,情況比較特殊。
「烏」,是指村落沿海海面呈現黑色,「崁」,是指村落周邊的懸崖,「黑」與「烏」的意思相同,因為先民寫成「烏」,因此「烏崁」這個地名即相沿迄今。
在清朝初期,烏崁里西側有一處懸崖,加上沿岸也有若干海崖,先民因而取懸崖作地名。至於沿海海面所以呈現黑色,是受環境及日照的影響,由於烏崁位在馬公本島東海岸,早上太陽自東方升起時,人們站在村落西側的坡地向東方瞭望,在太陽照射下海面就反映出黑色,當傍晚夕陽西下時,人們站在村落東側海崖向西方瞭望,在夕照反映下,海面也呈現黑色。
先民取「崁」這個字作地名,在澎湖很普遍,如白沙鄉的大赤崁、小赤崁及西嶼鄉的二崁等,都是當地有懸崖的緣故;由此顯示,當先民在某地落戶時,多以當地的地理環境取地名,如果有比較特殊的景觀,就取特殊景觀作地名,否則就隨便依照地形取地名,「崁」就成為較普遍的地名。在明、清時代,烏崁里沿海是海戰的古戰場
未天黑可以由老遠認到藍色屋頂![]()
影下間房先~ 可以放到兩張大床褥~ 仲有一條木梯上
上面有4張大床褥~ KELLY話夏天會有好多朋友由台灣o黎澎湖探佢.(好得意,佢地好似講到澎湖唔係屬於台灣咁
從上望下~![]()
入去廚房廁所睇下先~![]()
浴室左邊有3格廁所~
右邊有3間沖涼房~ 整體都ok o架 (仲想點, 只係收o左我nt200一晚
)
大廚房, 不過好似好耐都冇人用咁~![]()
洗衣房, 我只係第一晚洗o左衫, 因為天氣唔好, 驚幾日都唔乾~![]()
我本來唔想煮公仔麵食, 奈何烏崁呢區唔覺有小店, 雖然天黑但我都想踩去7-11附近的小食店食晚飯,
不過踩到去又唔敢入去食喎, 卒之買個即食麵返o黎煮kelly種的自家菜~![]()
慢慢嘆等Kelly返來~ ![]()
決定聽日去外島~ KELLY唔建議我去4個島, 一日只去2個島就夠,
澎湖玩法有向南玩 & 向北玩~
向南最主要有七美島 , 望安島, 雖然島唔大, 但都各自有個迷你機場,
坐船來回兩個島要NT800
七美島坐遊覽車費用NT150![]()
望安島環島費 都係NT150![]()
上面3個收費, Kelly 只收我NT1000咋~![]()
聽日7點要出門, 6點幾要起身啦~ 早抖~
城市農夫 ![]()
塊田四面石牆圍住,有特色!
回覆
cowcow ![]()
-
2013年8月29日下午12:27
澎湖確有味道呀
Johoyo ![]()
你好大膽呀!一個人去...民宿好靚呀![]()
回覆
cowcow ![]()
-
2013年4月26日上午12:22
人又老錢又冇, 唔洗怕~
Anna ![]()
牛牛, 經妳的介紹, 真係好想去呀 ! 下次再去預埋我啦! ![]()
顯示全部回覆 共2則
島耕作 ![]()
有啲似去咗大嶼山咁喎.![]()
回覆
cowcow ![]()
哈哈哈, 可能係~
山水人士 ![]()
原來我鄉下在澎湖。![]()
回覆
cowcow ![]()
原來係豬![]()
山水人士 ![]()
點解《澎湖之美》封面有咁多油炸鬼嘅?![]()
回覆
cowcow ![]()
未食飯呀??院長~![]()
EDWARD ![]()
旅遊服務中心STAFF咁好同妳一齊影相, 四萬咁口,好專業
回覆
cowcow ![]()
澎湖第一印已經非常好~![]()
Sandy ![]()
cowcow好詳細介紹澎湖,可以出書呀!![]()
回覆
janejane ![]()
山水沙灘~ 有一座好靚o既民宿~
有冇問過幾多錢一晚呀?
回覆
cowcow ![]()
我唔做混吉o既事`![]()
Happy Girl ![]()
Kelly is so nice to you ! This place is very beautiful,clean and quiet !
回覆
cowcow ![]()
-
2013年4月15日上午9:28
對呀~
Henry L ![]()
2002年9月嗰一次去台灣,慧嫻和奇文就去了澎湖,而我就早日回美國了。後來慧嫻回來也沒說澎湖好玩。雖然看了你這篇遊記,但對澎湖仍未感興趣呢!
回覆
cowcow ![]()
去澎湖一係玩水上活動,二係睇風景,shopping就冇澎湖份,可能係香港行了幾年山,大自然風景嘅美實在令人心矌神怡。2011年6月去了沖繩,除那霸本島之外,亦去了幾個外島,如竹富島(此島好多嘢和澎湖頗接近),未去
..
去澎湖一係玩水上活動,二係睇風景,shopping就冇澎湖份,可能係香港行了幾年山,大自然風景嘅美實在令人心矌神怡。2011年6月去了沖繩,除那霸本島之外,亦去了幾個外島,如竹富島(此島好多嘢和澎湖頗接近),未去澎湖之前,我自然經常想再去沖繩嘅外島玩,但去過澎湖之後,澎湖已經代替了沖繩,今次去澎湖,雖然冇藍天白雲,我已經覺得好正,仲有好多自然景觀未去睇,澎湖就像一個天生麗質的女人,不用多加修飾已經好美!你個妹靚唔靚,性格好唔好,各花入各眼啊!仲有,原來導遊絕對影響你對當地嘅印象,認識了Kelly,係我今次嘅Bonus![]()
殷師奶 HeBi Yuen ![]()
島上好似好少居民,等睇一日兩島呀))))![]()
回覆
cowcow ![]()
澎湖共有約90個島, 但只有18個島有人住, 05年登記有97000人, 但實際又冇咁多人O架~ 所以澎湖真係唔多人 ~ 好舒服![]()
肥仔嘜 + 皇帝Bee ![]()
原因牛牛的胆這麽大,一個人四處遊,![]()
回覆
cowcow ![]()
牛膽其實好細咋~~~
冇人陪咪一條冷囉~
SKPoon ![]()
原來這裡是山水的故鄉地。
顯示全部回覆 共2則
cowcow ![]()
以後唔洗叫院長做山水, 改口叫豬母落水就得啦~
唔知佢依家有冇打乞次呢~
山水人士 ![]()
乞嚏!![]()
SKPoon ![]()
「係咪1372 o既人」...咦!俾人「盤」![]()
顯示全部回覆 共3則
cowcow ![]()
係呀, 佢又唔係問我, 你係咪cowcow呀~
(o岩o岩上傳了介紹澎湖風景的moive, link在上面, 你得閒入去睇下吖, 認識下澎湖, 我覺得o岩開心之家去玩啊
SKPoon ![]()
新彊 Cow,段片非常精采
!一路看一路感到香港有不少相同地貌
。
cowcow ![]()
咁有冇令你想去澎湖呢?![]()
SKPoon ![]()
「內陸機...辦完check in 手續...」
當年我去沙巴阿庇市機場完全一樣。![]()
回覆
cowcow ![]()
-
2013年4月13日下午7:11
![]()
1372〈一生得意〉 ![]()
原來山水叫豬母落水。![]()
顯示全部回覆 共3則
cowcow ![]()
咁院長又有新名囉~~~~~~~同龜毛b一樣~![]()
1372〈一生得意〉 ![]()
龜毛b![]()
山水人士 ![]()
又多個外號─豬乸落水。![]()
1372〈一生得意〉 ![]()
下次有我們一齊去喇。
回覆
cowcow ![]()
好呀~ ![]()
1372〈一生得意〉 ![]()
第一
回覆
cowcow ![]()
叻~ 好快手喎~![]()
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================