(續上PART 龜山島...............)
半小時船程我地就返到烏石港上岸啦~(15:00)
今朝客棧老闆已經提醒我地有免費巴士去礁溪火車站~
睇過時間表, 16:26分有一班, 最後一班係17:56![]()
宜蘭縣政府真係好安排, 有好幾條線可以免費乘搭, 不過時間上會耐一d
好似呢條131路線, 由礁溪火車站開往東北角風景區外澳站就相隔90分鐘一班.
車程約40分鐘.
好似我地呢d有車牌都唔敢揸車o既人o黎講, 坐巴士遊宜蘭真係唔錯啊,
請大家多d利用啦.
巴士時間路線&時間表
![]()
![]()
![]()
仲有成粒鐘, 我地決定行幾分鐘到o既蘭陽博物館, 食番串台灣香腸先~
老闆娘見我地影相, 攪笑地借條未熟o既腸仔我地做道具~![]()
![]()
![]()
見到啦, 好特別o既外型, 有人話跟番龜山島而設計的, 唔知係真唔係~![]()
![]()
![]()
加o左turbo的鴨仔
NT100 (HK$27)入場費
1. 週四至週二：9:00~17:00PM（售票時間：09:00-16:30）
2. 休館日： 每週三（若逢國定假日照常開放）
農曆除夕、年初一
政府公告之天然災害停止上班日
館方另行公告之必要休館日![]()
![]()
![]()
發現博物館內有免費locker,
下次再去烏石港行街街可以先放低行李係呢度~(係咪好衰~![]()
)
記住博物館收5:00啊, 星期三公休![]()
館內都係講宜蘭歷史, 不過仲有其他.![]()
![]()
當然唔少得講龜山島 ![]()
![]()
夠鐘lu~ 要去坐免費巴士, 其實博物館對面已經有站,
不過我地都係事後至知, 所以又要行番去烏石港個個站![]()
![]()
![]()
其實係架巴士仔, 坐得10零個位, 冇位o既可以企, 因為都幾多人係頭城火車站落車.
(16:45)![]()
我地坐半粒鐘到總站~ 礁溪火車站...............再行番10幾鐘去
我地今晚住o既溫泉旅館~
(17:29)![]()
阿先湯泉養生會館
其實plan行程之時, 我決定唔到今晚應該住係邊, 住羅東個邊定係咩?
(因為舉旗不定, 唔知聽日去邊玩)
B朋友好似幾想去北投泡溫泉,,,,但我覺得返去台北坐捷運去北投, 倒不如係宜蘭礁溪泡啦,
(台北朋友話我,,,,夏天熱C辣辣做乜走去泡溫泉, 不如去泡冷泉啦![]()
)
而b朋友有同事住過阿先覺得ok, 我又以為佢近火車站所以就book啦,
雖然剛才行到CC下(其實免費巴士附近有站, 不過我地唔識落車![]()
),
不過事後冠洲(宜蘭朋友)講住遠少少唔洗近火車站個邊咁嘈~ 有道理有道理~![]()
精緻二人房, 網上定價NT5,200 (HK$1387) 巧貴呀~!!不過..........![]()
原來網上訂房平一截~ NT2860 (HK$763) 平靚正~
房間說明 :
免費提供中、西自助式早餐、礦泉水2瓶、咖啡包、茶包。
免費提供ＳＰＡ水療設備、蒸氣室、烤箱。
本會館免費提供房客，使用自行車暢遊礁溪溫泉風光。![]()
早餐券~![]()
又包SPA...............不過我地黑仔, 原來逢星期四休館做清潔,
所以只好聽朝一早起身泡~![]()
約o左6點, 不過我地遲o左, 所以6:30至見到冠洲
佢揸車o黎接我地去食飯~ 點知仲派手信![]()
我地兩條友乜都冇買啊~慚愧c
![]()
冠洲尋日特登上台北買的sunny hills鳳梨酥,,,,超有人氣的~![]()
去o左"滿意樓海鮮館" , 就係冠洲屋企附近~![]()
冠洲話有唔少行山人士都o黎吃, 吃飽至上山~![]()
影番張相上飛薯仆比院友們睇下先~~~~~~笑~~!![]()
我地係香港約冠洲時已經打算請佢食晚飯, 所以呢.......
我地假裝唔識叫餸等冠洲決定晒所有餸.![]()
半天荀排骨湯~![]()
魯肉飯任裝~![]()
肥美三文魚~![]()
唔知乜菜![]()
xx炸豆腐, 好滑好滑![]()
6餸1湯呀,,,,3條友食........努力努力~![]()
臨尾整碟小管o黎, 幾kawaii, 可惜要比我吃落肚了~![]()
食食吓又影~食到半路中途打眼色比b朋友去付款~~~
當然唔少得拉拉扯扯, ![]()
![]()
最後緊係我地贏啦,
又食又攞點對得住你呀~冠洲~~~~~~~~請原諒我地o既不敬![]()
![]()
唔好意思的冠洲食飽飯想請我地去食冰, 之但係b朋友話好飽,
咁冠洲就帶我地夜遊礁溪, 原來礁溪有好多唔洗錢o既泡腳溫泉,
而礁溪溫泉公園就係我地旅館附近, 所以呢..........如果下次唔住溫泉酒店,
都可以到附近公園泡泡腳~ ![]()
![]()
又或者去個d付費溫泉泡溫泉, 收費十分之平~![]()
乜都唔帶只帶個人去, nt350 (hk$93) 自己帶毛巾又可以平d,
總之就唔貴啦. 所以下次單單丁去礁溪, 慳慳地住床位但又可以去泡溫泉![]()
![]()
黑麻麻, 估唔到冠洲仲帶我地去行山..........地區睇下~![]()
![]()
五峰旗, 入面有3條瀑布![]()
黑麻麻緊係睇唔到, 但係聽到好多動物聲, 有點恐怖![]()
![]()
![]()
夾硬影o左張瀑布相~![]()
有興趣可以去睇下五峰旗網頁
仲有去o左跑馬古道睇o左一睇~![]()
礁溪有好多霓虹廣告牌, 所以夜景都幾靚![]()
10點幾返到旅館, 準備沖涼~![]()
![]()
冠洲話住係礁溪, 每個家庭都可以用到溫泉水喎, 因為屋企會有分
普通水喉&地下水喉,,,,,真係超令人羨慕
礁溪溫泉水含豐富鈉,鎂,鈣,鉀,碳酸離子等礦物質, 屬於"碳酸氫鈉泉",
話無色無味, 但我同b朋友都覺得有一陣細路仔時玩過o既
臭蛋味~![]()
![]()
水質對皮膚有軟化角質層,滋潤功能~ 當然要泡下啦.![]()
睇下..........今日登龜山島401陰天有雨都曬到我黑白兩截色, 如果藍天白雲就冇眼睇~![]()
![]()
泡下腳仔先, 爽呀~![]()
泡一陣就紅晒~ 繼續繼續~![]()
聽日早d起身食個靚早餐, 我地要去睇海豚呀~88![]()
城市農夫 ![]()
龜山島：形狀似龜呀！
一人執住一碌棍撐上1706級樓梯~："碌行山棍香港帶埋過去" ？
回覆
海岸潮音 ![]()
早餐唔錯~平![]()
龜山島...海面奇景![]()
...可能同鹽分/水流/水溫有關係.![]()
泡溫泉.....正.![]()
回覆
cowcow ![]()
因為龜山島佈有"硫氣孔" 所以有溫泉湧出o黎呀~![]()
貓小玲 ![]()
估唔到原來龜山島有咁多野睇喎... 我仲以為得個荒島添~ ![]()
你地呢日去行山仲好呀, 冇咁曬, 如果唔係熱到暈, 第二日又咁好天, 簡直係prefect
回覆
cowcow ![]()
-
2013年8月26日下午11:13
![]()
小玲你講得好o岩呀~ 簡直係prefect
島耕作 ![]()
要行山咁辛苦唔怪得小人啦,個浴缸好正.![]()
回覆
cowcow ![]()
間溫泉旅館正呀~ 可以再去呢~![]()
Bon Bon ![]()
龜山島景色好吾錯，水有兩種顏色特別![]()
回覆
cowcow ![]()
下次有時間去睇下吖![]()
亞飛 ![]()
島上風景不錯
下次到台灣一定要去
博物館夜景常在網上看到很美唷
回覆
cowcow ![]()
是喔，下次要慢遊宜蘭了
殷師奶 HeBi Yuen ![]()
龜山島個海突然有兩種色.......好靚
1706級...真係腳軟呀~~![]()
回覆
cowcow ![]()
第2日仲痛~![]()
SKPoon ![]()
恭喜兩位成功登上401 & 1706級 ![]()
![]()
回覆
cowcow ![]()
YY ![]()
探冠洲，好節目！
回覆
cowcow ![]()
-
2013年8月23日下午9:47
![]()
可惜約咗晚上見，如果早D就可以行山啊
YY ![]()
龜山島啲水好靚呀！我想起北海道的溫泉水色, 都有通透晶凝的感覺，總之令人一見難忘！
回覆
1372〈一生得意〉 ![]()
有次安排登山後想去龜山島, 但何老闆話咁大風冇野玩, 所以沒有去
顯示全部回覆 共2則
1372〈一生得意〉 ![]()
飛天5
顯示全部回覆 共2則
cowcow ![]()
走得咁快~
1372〈一生得意〉 ![]()
都未走,留咗言先睇內容
SKPoon ![]()
阿四，原來龜山是火山。
回覆
cowcow ![]()
係啊~唔去博物館睇都唔知啊~
阿呆 ![]()
龜山島19777年之前都有人住 <<<<< ![]()
睇見你玩得開心..真正~![]()
回覆
cowcow ![]()
好~! 仲有咩錯處呀?? 呆爺![]()
遊 手 好 閒 ![]()
咁多嘢，分開三篇都得啦…
顯示全部回覆 共3則
cowcow ![]()
有心睇,,,,,,,幾長都會睇啦~ 冇心睇, 入都唔入o黎呀~ 寫幾長幾短都係留一個言, 事但囉
YY ![]()
我都覺得長, 但一氣呵成又幾好, 而且可以快啲看到鯨魚呀![]()
cowcow ![]()
其實我有考慮分，但又覺得係一日內發生嘅事，分嘅話將博物館和冠洲歸一篇好似又麻麻地，最後就一篇過算，唔啱睇就跳啦，反正方便自己以後翻查資料&留個記念啫，下一篇去又處地方，分上下part啱啱好![]()
海豚好精彩啊，睇..
其實我有考慮分，但又覺得係一日內發生嘅事，分嘅話將博物館和冠洲歸一篇好似又麻麻地，最後就一篇過算，唔啱睇就跳啦，反正方便自己以後翻查資料&留個記念啫，下一篇去又處地方，分上下part啱啱好![]()
海豚好精彩啊，睇下今晚寫唔寫得晒
badman ![]()
一陣再看
回覆
cowcow ![]()
太多口水, 有排你睇~ 得閒再o黎~![]()
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
