大澳
2008年10月19日下午11:34朋友及親人累積瀏覽 0 8
2008年10月19日 星期日 天晴
今日同埋2個朋友去東涌行山, 目的地係大澳. 由東涌行去大澳大約要4個鐘.
我最初以為係來回4個鐘. ![]()
又o黎重溫黃山的西山大峽谷. 開頭真係有d擔心.
兩個美女做足防曬工夫.![]()
最初唔識路問人, 佢地一聽到我地問:點樣行去大澳, 佢地都碌大對眼望住我地.
有一個亞伯仲點我地去搭巴士, 真係笑死我地.
我發覺係香港行山都好鬼辛苦, d天氣黐立立. 空氣又唔多好. 真係比行黃山仲要辛苦幾倍. 正如係香港識揸車, 去到全世界就變成無乜難度.
見到昂平纜車.![]()
行到後段至見到個大海, 好正. 仲有涼風陣陣.![]()
因為我地差不多2點至開始行, 所以可以睇到日落. 意料之外. 正正.![]()
問老媽要唔要買蝦醬, 點知得到一句::::: 唔好買呀~!!!!!
(收到收到, 唔洗咁大聲)![]()
知唔知係乜? 10蚊12隻賴尿蝦乾. 係即烤即食呀....咁鬼為食o既我. 點會放過呀??
老細, 整10蚊o黎.
老細, 整10蚊o黎.![]()
![]()
比想像中好食~
食到面容扭曲咁樣衰, 就知幾正啦.![]()
仲有魷魚燒呀~ 一d都唔貴喎![]()
今次係第二次去大澳, 第一次去係16年前, 去日本之前朋友特登帶我去o既.
當時仲有"橫水渡" , 依家已經建o左一條橋.我記得好似有茶果賣, 但今次見
唔到呢.....![]()
![]()
bye bye 大澳, 下次有機會再o黎過
今日由中午去到夜晚
回程坐巴士返東涌, 3條女只得我一上車就瞓.
佢地兩個就繼續bilibala, 真係佩服佩服.
下次又唔知去邊樹行?? 我就幾想行下東坪州.
kennes ![]()
去行山仲咩吾叫埋我呀！D相映得幾靓喎! 下次去東坪州 記得預埋我！
回覆
lau lau ![]()
呢到系幾靚,都唔算辛苦 ~ 照片也影得不錯
回覆
ivetuenmun![]()
ivetuenmun
2008年10月20日下午4:54
天香樓喺尖沙咀柯士甸路 18 c
Phone:2368-9660
回覆
cowcow ![]()
柯士甸路?? 好似都行唔少, 點解唔多覺眼.
不如你老細去食完, 話我知好唔好食.
有難~!!
ade ![]()
大澳 d 茶果好好食架~~~
行山真係好健康..我以前都會..不過以家就懶過鬼
回覆
cowcow ![]()
哈哈 行山對好多人都係好健康, 但對我就可能唔係, 因為我鍾意一路行一路食,通常行完山我係會肥的. 以前爬富士山又係肥幾磅, 行黃山都係肥.
尋日我準備一包麵包, 諗住3個人食. 點知佢地冇胃口, 但我就越行越想..
哈哈 行山對好多人都係好健康, 但對我就可能唔係, 因為我鍾意一路行一路食,通常行完山我係會肥的. 以前爬富士山又係肥幾磅, 行黃山都係肥.
尋日我準備一包麵包, 諗住3個人食. 點知佢地冇胃口, 但我就越行越想食, (行山唔食o野我會覺得好悶 )卒之係全部比我吔晒.
你游水得o架啦. 又唔會游到小腿粗.
尋日見唔到茶果呀~ 有點可惜.
ivetuenmun![]()
ivetuenmun
2008年10月20日下午1:18
我問過鹿嗚春啦, 佢話要到11月先有大閘蟹食呀, 一諗起食, 我又諗起modyhk,
佢好似講過天香樓啲大閘蟹正喎. 不過都多謝你回覆呀!
回覆
ivetuenmun![]()
ivetuenmun
2008年10月20日下午12:16
哎呀, 我老細問我食大閘蟹同埋北京填鴨邊度好食, 你知唔知道呀??
回覆
cowcow ![]()
吓~?? 貴o野喎, 我呢啲未見過世面o既唔多識呀! ~!哈哈.
食北京填鴨去尖沙咀"鹿鳴春"啦. 啲日本人成日去o架. 幾好味.
大閘蟹呀????? 通常都係自己買番屋企煮的.....但試過一次去一品香食.......唔知執..
吓~?? 貴o野喎, 我呢啲未見過世面o既唔多識呀! ~!哈哈.
食北京填鴨去尖沙咀"鹿鳴春"啦. 啲日本人成日去o架. 幾好味.
大閘蟹呀????? 通常都係自己買番屋企煮的.....但試過一次去一品香食.......唔知執o左未呢??
你不如問鹿嗚春有冇大閘蟹.
Ivy ![]()
好彩有巴士出返來。。。唔洗行多4個鐘。。。=.=" 喂，幅日落相好令呀，用什麽mode影gar? 我買0左架cheap cheap 地既半自動DC。。。好多function都唔識用呀！
回覆
cowcow ![]()
係呀~ 當初起步時行錯路, 向3個行山人士問路, 佢地勸我地唔好行去大澳~ 咁喎, 不過兩個朋友好似好堅貞不二咁.所以我地就行得好急, 因為驚天黑黑, 好難行. 咁我就只好跟住行. (以前係日本行日光呢個地方, 一條友..
係呀~ 當初起步時行錯路, 向3個行山人士問路, 佢地勸我地唔好行去大澳~ 咁喎, 不過兩個朋友好似好堅貞不二咁.所以我地就行得好急, 因為驚天黑黑, 好難行. 咁我就只好跟住行. (以前係日本行日光呢個地方, 一條友行到日落都唔知, 嚇怕o左自己,所以以後都好驚行山行到唔知時間)
我應該用AV個個MODE影的.........我都唔識影o架. 係上次同病友出o黎.佢教我的. 哈哈. 尋日日落個景真係幾靚o架, 下次可以去赤柱影. 赤柱個日落都係好正.
Henry L ![]()
從東涌行去大奥有無難度呀?好似唔算行山啫!係唔係好似從旺角行去尖沙咀咁呀?我未去過大奥，值得一遊嗎? 你細個時就好仲意"掃街"呀，一D都無變! 不過比我身在其中都會涮一餐!
回覆
cowcow ![]()
係東涌起步會經過D屋村, 其餘就係""攀山越嶺o""架.你睇唔到我d相咩? 一陣加多幾張比你睇. (講笑) 但又唔似係旺角行去尖沙咀咁易, 都要上下斜o架. 有幾段路行到我索晒氣. 可能我地遲出發, 所以行得比較急.
你..
係東涌起步會經過D屋村, 其餘就係""攀山越嶺o""架.你睇唔到我d相咩? 一陣加多幾張比你睇. (講笑) 但又唔似係旺角行去尖沙咀咁易, 都要上下斜o架. 有幾段路行到我索晒氣. 可能我地遲出發, 所以行得比較急.
你講大澳值唔值得遊呀??睇你點睇啦. 你特登搭飛機o黎, 就緊係唔值啦. 但我地係香港o既話, 都值o架. 同朋友一路行一路吹水,,,,,, 都幾寫意.
掃街簡直係我的強項. 去到邊食到邊.
============================================
感謝 cowcow 提供以上資料
cowcow的網誌: http://cowcow0108.blogspot.hk/
============================================
