歐洲電影中，街角經常會見數間小店，鄰里經過時，晨早大家會叫聲早晨，中午過後互相打個招呼。
小店除了有賣雜貨的，提供各種副食品，也有水果店或蔬菜店，日常所需應有盡有，好似「天使愛美麗」樓下的咖啡鋪水果店。
這種小國寡民的地方，街尾轉角也必然有一間唔知歸入邊類的小店，專門替附近街坊解決各樣能夠解決的難題，提供優質服務，服務好產品佳。
看似可有可無，也不知開工休息時間，因為營業時間明明寫著十時開始，但某幾日可以十一二點都未見人，只開下午三個幾鐘。又或者星期六話明下午開工，誰料到來時烏燈黑火，唔知係未執咗笠。
以為星期日假期，又會見幾個工人埋頭埋腦各有崗位，機器隆隆聲，包裝紙一疊疊，出貨入貨一箱箱，忙碌過後跟著又會唔見人。
今年好像又有新安排，唔同時段唔同人，搞到客人頭暈暈，但最重要係仍然保持準時與容易。
這類小店應該只限於優質優閒地區，亞洲特區質素低本來唔應有，不過為了改變與改善，難免要付出多少汗水。
就這樣，轉眼十年。
============================================
感謝 MK110 提供以上資料
MK110的網誌: http://mk110.blogspot.hk/
============================================
