外國人總不太明白特區香港人為何每次用餐未食先影張相，影一張都算，有時仲要影幾張，幸好西餐多數得一碟，唔使等，不像中餐有時會幾碟，要等來齊影過相後才准食，好似飯前祈禱一樣。
平日食飯當然唔會咁做，但係旅行時唔影番張，真係吃過乜都唔知。已經唔知個菜點寫，更加唔知點讀，更離譜係唔知用甚麼材料，食咗等於無食，只為填飽個肚。
不萊梅得天獨厚，威悉河橫貫其中，締造優美風景，河堤漫步，另一番景致。離海岸不遠，海鮮供應不缺，原本想找間露天餐廳，可惜因天雨，座位盡濕，又不想坐入室內坐上太長時間，於是選擇了一間專門以魚入饌的快餐店，貪其方便，不用對照菜單。
外國人弄魚大都比較簡單，將兩邊魚肉起出成兩片魚扒，魚骨魚頭肴湯或拋棄或有其他用途，醃後煎或炸，配上蔬菜薯仔，細細品嘗，另有滋味。
魚扒可能經過冷藏，只為保持新鮮，與急凍有分別。薯仔有幾種配料煮法，味道有不同，至於味道，這裏的薯仔有很多種，大小的烹調方法也不同，感覺德國的薯仔比特區香港甜。
因不想喝啤酒之類的凍飲，合點了一客海鮮湯，味道鮮甜濃郁，可配肉卷同吃，價錢比魚扒餐還要貴，因為其實這個也算是一個主菜。
順便一提，德國餐廳大都附設洗手間，用餐可免費使用，有些不用餐也可使用，不過要收費。他們的洗手間設備一般完善，但格數很少，人多時要有點耐性。
============================================
感謝 MK110 提供以上資料
MK110的網誌: http://mk110.blogspot.hk/
============================================
