有人說飛機餐很難食，亦有人說飛機食唔飽，無論怎樣，甚少人讚飛機餐好食。
大鄉里與鄉下婆出城，鄉下仔女即係鄉下仔女，飛機餐好唔好食係其次，永遠都充滿新鮮感，很期待一頓豐富而美味的飛餐餐。
以前年紀輕，乜都可以食一餐，牛油芝士都食埋。現時又驚膽固醇過高呀，食得多又怕肥呀，搞到唔知食唔食好，食一半又覺浪費，於是改變策略，主菜一人一份，甜品等兩個人分一份，剩下的留待旅途上當茶點。
從香港飛多哈，卡達航空提供了大鄉里最喜歡的蛋麵做主菜，而甜品則是鄉下婆最喜歡的義大利甜品提拉米蘇Tiramisu，各有所屬，誰說飛機餐不滿足？
至義大利上空臨近羅馬，卡達航空為乘客提供茶點作結。伴著窗外崇山峻嶺，白雪蓋頂，另一個時空，另一種地貌，結束航行踏足陸地之時，才是旅行的另一個開始。
============================================
感謝 MK110 提供以上資料
MK110的網誌: http://mk110.blogspot.hk/
============================================
