放工回家，未踏入門口，已聽見阿嫲從房中喝出來：「明天我唔睇嗰三隻嘢！」
三隻嘢？
鏡頭一轉，只見三隻嘢——阿妹、阿軍和賊仔全身發抖高舉雙手貼埋牆，瞪大雙眼劈大口，阿妹口咬住半塊麵包，另半塊已跌在地上；阿軍扮作鎮定，仍一臉惶恐，飲緊嘅可樂一半已經倒咗落地；賊仔見慣世面，心忖雖然無護照都想去義大利，但係阿嫲無理由會知道。
明明三隻嘢唔需要阿嫲睇，亦唔會畀阿嫲發現，多數時間係阿嫲瞓咗覺先走出嚟作反，搞亂間屋，阿嫲亦唔知嗰三隻嘢做緊乜，最多睇到旅行照片時笑吓，然後話：「嗰幾隻嘢都去咗咁幾多地方玩。」
咁點解阿嫲無端端突然間咁話：「明天我唔睇嗰三隻嘢！」
於是入房問個清楚，只見阿嫲鬼咁勞氣指住部電視係咁鬧：「都唔知有無搞錯，個個台話聽日唔知做乜鬼辯論，阻頭阻勢，整到無哂節目睇，選特首關我哋叉事咩，我哋都無得投票，使唔使個個台都做同一個節目，都唔知有無搞錯，一於轉睇南方衛視。」
三隻嘢立刻舒一口氣，定晒。
============================================
感謝 MK110 提供以上資料
MK110的網誌: http://mk110.blogspot.hk/
============================================
