來自特區香港官方喉舌香港電台的新聞
曾蔭權曾坐朋友私人飛機到日本：
行政長官曾蔭權接受電視台訪問，承認四度乘坐商人的私人飛機及遊艇，兩次搭私人飛機，分別去過布吉及日本，另外兩次乘座私人遊艇去澳門。
他表示，09年秋天，應邀坐私人飛機去日本時，已繳付相當於商務機位的費用，至於去布吉時，就繳付了經濟客位的費用。
被問到他付出的與私人飛機實際成本有很大差距是否沒有申報，曾蔭權強調，已按機制辦事，他覺得很公道，最重要是他沒有佔人便宜，亦沒有利益衝突。
他並沒有透露私人飛機的主人，強調私人事務不能與公務不能混為一談，他與朋友的關係，不會影響公務的決定。
曾蔭權強調，45年的公務生涯，都重視個人操守及個人誠信，近日澳門之行的是是非非，令公眾質疑他的誠信，有必要向公眾解釋。
來自官方喉舌香港電台的新聞，絕對值得相信。
記得小時候，和鄰居梅姨個仔陳真係同學，他曾告訴我一件事。話說陳真一家在街市賣水果維生，佢話有個三柴的警察隔幾日就會到生果檔買蘋果橙，次次都有畀錢，不過只係畀一個蘋果一個橙嘅錢，但係拿走十個蘋果八個橙，而且唔靚唔攞。
陳真年少無知，有一日終於忍唔住，大聲問個三柴警察，買水果點解唔畀錢？點知個警察話返佢：「我有畀錢呀！唔信問你阿爸！」
如是者過了幾年，陳真都大個仔兼廉署成立，係時候走去廉署問一問，結果個三柴警察坐咗監咁話。
仲有，街口轉角以前有檔魚蛋粉，有次消夜見到一個穿著白恤衫的男人真係叫碗魚蛋粉，但係又唔知點解，伙計端上檯的魚蛋粉魚蛋多幾粒魚片多幾片，還有油菜雲吞牛丸，仲有牛腩牛筋牛肚。
睇佢每樣食幾口，但付錢時真係畀碗魚蛋粉嘅價錢四蚊（廿幾年前）。嘩，四蚊可以食咁多嘢，真係羨慕死人，後來才知他做衛生幫，唔怪得之咁著數啦。
好喇，十五年未到，咩都返晒嚟，真係上天保佑。
============================================
感謝 MK110 提供以上資料
MK110的網誌: http://mk110.blogspot.hk/
============================================
