黃昏時乘72往銅鑼灣，前座乘客手持類似iphone，不時拿出來看一看，初時不以為然，但是每過一條街便拿出來看一看，究竟睇咩，不免有點好奇。
如果係等電話，來電有鈴聲，無理由時不時要拿出來睇。無聲可以震，更加唔使睇呀，點解不停係咁睇，原來內裏有乾坤。
用得iphone，自然係用3G或3.5G，即係個電話可以上網和接收唔知咩數據，而電話又有甚麼GPS系統，即係全球定位，只要打開地圖配合軟件，電話上的地圖是會顯示目前所在位置，怪唔得巴士一路行，每經過一個路口都要睇一睇，因為要睇吓個位置準唔準。
記得睇過由佐治古尼和麥迪文主演的電影，好像是〈油擊暗戰〉，話說美國要暗殺某個產油國的王子，在公路上，王子一接通手提電話，美國立刻發射精準導彈將其刺殺，幸好麥迪文臨時換了車，不然死咗都唔知咩事。
人家的先進科技是如此使用，特區香港只能在乘巴士時測試其準確程度，無得講，華南城市即是華南城市。
============================================
感謝 MK110 提供以上資料
MK110的網誌: http://mk110.blogspot.hk/
============================================
