特區香港，應該包括中國台灣澳門，正確點說，是有中國人的地方真好，只要有錢，只有有信仰，就做甚麼也可以，有誰管得著？
例如有信仰，信奉共產主義，也正確點說，是信奉有中國特色的共產主義，咁就乜都可以，包括所謂領導人世襲制，子女可以做國企的主席呀，一上市已經可以袋幾十億，連把口講得好好聽的溫總理，雖然不是上市公司主席，但係同樣有人送股送換股證。
特區香港唔使講，有錢萬能，有信仰萬能，無錢萬萬不能，無信仰更力無能。有錢的如何已經不用多說，大信仰的怎樣？犯了七宗罪，破了十誡唔使怕，只要一講自己信天主教基督教，可以立刻無事，因為有天主上帝照住。信佛教更好，借肚生仔要仔唔要乸都得，吹呀，慘得過人地有錢又有信仰，奈得咩何！
仲有，本來他們怎樣是他們的事，但偏偏卻有批高級知識分子替他們吹噓站台，慌死無人知咁大字標題，還帶羨慕，真「嘆為觀止」。
所以話，當鄭局長出來話「唔係有樓先有幸福」的同時，便知在講反話，因為中國人永遠相信有錢有信仰先找到幸福！
============================================
感謝 MK110 提供以上資料
MK110的網誌: http://mk110.blogspot.hk/
============================================
