想起讀二年級那時，因上堂傾偈，被老師罰抄「我以後上堂要留心聽書」一百次。三年級一時疏忽忘記交功課，被中文老師罰抄「我以後記得交功課」二百次。四年級講一個唔係大話的大話，即明明係有只不過話無，咁小嘅事，被老師罰抄「我以後唔講大話」三百次。
人無可能唔講大話，所以五年級時只不過話唔知係我無交功課，因為根本唔知有功課，結果又係罰抄「我以後要交功課，我以後唔講大話」四百次。都唔記得係未六年級那年，上堂時小休，咁都被老師罰抄「我以後上堂時唔准瞓覺」五百次。
抄咗咁多年，六年級之後永遠再不用抄，因為自己都好明白上堂係要留心聽書唔好傾偈，准時交功課，最好唔好講大話和上堂唔好瞓覺，因為這些道理係人都知，只不過再無機會罰抄。
咁多年過去了，無端端有個知識份子這幾日跑出來，四圍告訴人知，做人應該按自己的專業行事云云。如果係應該，點解要話畀人知？
即係你無錯，點解要自我罰抄「我以後上堂要留心聽書」咁奇怪，莫非做了不可告人的事……
============================================
感謝 MK110 提供以上資料
MK110的網誌: http://mk110.blogspot.hk/
============================================
