棉花糖 Part 1

我之前都說 過我的一家人除了我之外, 都茹數多年, 現在我都開始了一段時間減肉, 都頗成功呢!但有時關於吃的都會多問問家人, 有日同其中一個妹講起先知原來佢地係唔食得一般棉花糖, 因為當中含有魚膠, 素食者唔食得!我真係唔知道棉花糖有咩成份, 唔會突登睇, 而我都無為意魚膠成份就係魚骨, 對我黎講, 食一D自己中意既食物, 係人生中都既重要既事(), 我係唔會因為食素而放棄自己中意既食物, 當然, 我意思係總有代替品既!
今 次呢個棉花糖, 唔算成功都唔算失敗, 事實証明真係一舊棉花糖, 亦都係好味既, 但失敗係佢一定要放入冰箱, 因為會有D溶, 但對有D人黎講就無咩所謂, 因為佢地本身都中意食凍野, 我D男同事就OK啦, 所以我都唔知話成功定失敗好, 我只會話可以做得更好, 所以呢個只係part1, 我會再研究另一個食譜,大概係咩問題我都估到, 希望我D屋企人返到黎可以食。
今次我棄用一D傳統材料, 蛋白我用蛋白粉, 因較安全衛生;粟膠改為水麥芽, 亦因為粟膠有唔健康成份, 但唔記得係咩;魚膠唔洗講梗係用大菜粉代替, 糖係用左勁甜鮮榨提子汁+較健康既海藻糖, 最後我亦棄用椰絲改用防潮糖霜, 因椰絲係椰子炸完走油既渣, 有反式脂肪喔, 不過防潮糖霜唔好意思, 下次你都要被out, 因為原來你咁鬼甜今次要鳴謝資深焙烘友同事(下稱焙烘友)提議的有用資料喔

材料 :

做法 :
1. 先把蛋白粉打起
2. 水,提子汁,水蜜芽,海藻糖煮滾(就係呢part, 焙烘友話因為煮得唔夠滾所以糖溶!)
3. 煮完最後放入大菜粉
4.邊打蛋白邊慢慢倒入糖混合物(點解響洗碗盤攪拌?因為怕彈到周身係lor)

5. 打勻後繼續打多5分鐘至完全杰晒狀態
6. 大盤放入保鮮紙倒入棉花糖掃平放入冰箱雪至定型(放心, 雪24小時都唔會結冰)
7. 定型後(大約2-3小時)先把防潮糖霜篩上面
8. 反轉倒出,背面亦篩上防潮糖霜再切粒粒, 其間如痴,可補充防潮糖霜

其實個樣都幾靚丫

感謝 Mary 提供以上資料