雙龍出海 我哋企正華富邨邨口迎接薄扶林火龍 @ 2014興奮中秋節

自從去年知道中秋節, 除了大坑有舞火龍外, 原來香港仔薄扶林村一樣有, 所以去年一家三口第一次入香港仔睇火龍. 一霎眼又過了364日.

 

去年最可惜的是因為第二朝要返早, 無奈錯過了8龍共舞, 入海嬉水的偉大場面, 所以今年一定要再來玩過. (不過…原來今年8減6, 只有雙龍出海咋)

 

薄扶林村舞火龍已經有百年歷史, 每次也有多條火龍出動, 舉行兩天. 但40年前, 舞龍時村民因金錢問題發生打鬥, 結果停辦至1987年復辦, 但規模比得細很多, 規定不準謀利, 並只在中秋正日的舉行一天.

 

我們晚上7時半到達薄扶林村口, 兩條火龍一大一細己經整裝待發,細小的一條只供拍照, 不會舞動.

 

誠心祈福的阿囝在龍尾插上一支小香. 為火龍添衣, 這是大坑火龍感受不到的體驗.

 

有街坊說:「摸吓個龍頭啦! 今年成年都行好運架啦!!」 我們站在影張全家幅, 應該會更加好運掛??!!

 

當8時正, 另一端的80呎大龍就正式跟隨鼓聲起動. 浩浩蕩蕩的工作人員大呼 :「火龍要入村啦, 大家讓一讓!!」

 

大龍就在大家起哄, 歡呼, 拍掌, 尖叫的情況下, 飛舞闖入窄小的小路口.

 

龍頭已差不多路口的闊度, 所以工作人員小心翼翼, 耗約3-5分鐘才能整條80呎龍完完全全走入去.

 

火龍會圍繞薄扶林村一周, 歷時差不多兩個鐘. 我們趁有時間, 於是走到村旁的花燈晚會猜燈謎.

 

花燈晚會有免費茶點,  月餅,  沙田栖,  楊桃供應, 工作人員說:「隨便任食, 唔駛錢架,  100條燈謎仲有好多條未被人估中架喎, 有興趣都玩吓啦!!」

 

這個花燈晚會好有氣氛, 因為有大量座位給大家等火龍等到累, 作休息之用, 我們還玩了猜字謎「獨眼龍. 猜一字」哈哈…中秋也有禮物收, 就是水壺一個.        Yeah!!

 

食完, 飲完, 嘆完, 玩完, 我們就出發到香港仔華富邨等「雙龍出海」, 警察叔叔說步行約5個巴士站左右, 我們決定懶一點, 坐巴士過華富邨.

我們9時20分到達香港仔, 時間太早了這邊的火龍還未準備好, 鑼鼓聲也只是練習中的樣子.

 

直至約10時這邊的火龍開始添衣, 工作人員大香細香的慢慢為火龍扮靚靚.

 

我們街坊知不知大約還要等多久呢? 街坊答:「要等薄扶林嗰條過嚟呀! 嗰條會係邨口入嚟, 不如去邨口等仲好, E度太多人」華貴邨的住戶一早便在走廊佔據有利位置了.

 

於是我們就慢慢走去邨口等待火龍降臨….沒有經驗, 時間未能配合, 原來一等也等上30分鐘.

 

到10時半, 邨口傳來微弱的鑼鼓聲….遠遠有一群人從山坡上緩緩向著我們走來….龍呀!! 我對阿囝說:「火龍嚟啦!!」

 

HEY!!HEY!!HEY!!HEY!!好像口號, 火龍軍團帶來強大氣勢, 本來無所事事的30分鐘悶氣通通掃走, 好正呀!! 火龍向我撲過來呀.

 

嘩!! 在封了的大馬路, 火龍與我們只有一個身位的距離,, 實在太高興. 原來龍身非常高溫, 我感覺到龍頭與龍身的溫度, 起碼相差5-8度. 工作人員也提醒要小心呀!!

 

我們就伴隨火龍一同由邨口跑到華富邨平台. 心情前所未有的興奮.

不過, 一到達平台, 原來薄扶林村火龍只是與華富邨火龍點點頭, 說聲「好」, 就轉入香港仔瀑布公園.

 

香港仔街坊說:「你去唔到公園睇架喇. 要一早去霸位架, 影咗火龍入邨就影唔到入海架喇, E家封咗路啦!!」沒辦法, 留待下年2015吧. 到時我們再來見證真正雙龍出海啦!! 大龍小龍! 明年見.

 

字謎答案: 「省」