探險家攻略 > 美容扮靚 / 購物 > 護膚 / 美容產品 > 又一"本地薑"上場-Jane Clare

又一"本地薑"上場-Jane Clare

由 summerpig 於 2011-12-30 17:05:45 發表 | 累積瀏覽 1530

分類：護膚美容產品

以前一直都好羨慕台灣嘅水水, 因為當地有唔少由化妝師/名人推出嘅自家優質護膚/化妝產品,選擇眾多.原來香港亦都有不錯嘅"本地薑"靜靜推出左市場,仲係由註冊中醫師去研發,以天然草本植物為主要原料嘅護膚品牌-Jane Clare.

JaneClare係香港首間中西醫學結合嘅美容集團,當中嘅皮膚專家憑藉數十年經驗揉合數百種草本植物及漢方中藥,結合美國尖端高科技滲透技術,成功研發高效天然嘅護膚產品。從研發產品、原料揀選、製造產品至皮膚專業護理臨床測試，均由專家團隊主理及監管，「一條龍」式製造「天然、新鮮、高效」嘅護膚品，堅持其品牌理念"Ethical Skincare Products, Nature At Its Best"

產品分為幾大系列,包括有: WOW再生滋養系列, HydroSpark 控油保濕系列,Mask 特別護理系列, 重點修護系列

今次就有機會試用每個系列嘅其中一款產品( 除左 重點修護系列)

WOW再生滋養系列

引入WOW尖端科技於護膚品當中,將珍貴草本成份因應皮層組織結構相應釋放,高效滲透皮膚基底層,補充水分養份,使肌膚維持彈性、抗氧化,適合乾性及成熟皮膚使用

試用嘅係系列入面嘅活膚爽膚水.

成份係純天然植物精華，包括有

蘆薈膠 - 促進傷口癒合、舒緩敏感皮膚、補濕、抗氧化、抗菌
仙人掌提取液 - 抗氧化、補濕、鎖水
青瓜提取液 - 抗炎、舒緩
銀杏提取液 - 促進血液循環、加速養份吸收、亮白光澤
西柚提取液 - 抗氧化、收緊、減淡皺紋
檸檬提取液 - 具收斂作用，可調理油性肌膚、促進細胞再生、抗老化、美白
尿囊素 - 降紅、舒緩敏感、保濕
葡萄糖醇 - 保濕成分、可將水分留在角質層
尿素 - 保濕、角質代謝作用

有保濕及調節皮膚作用,即時平衡肌膚pH,補充電解質,令水份及美肌成份更易吸收

係噴霧裝嚟喎, 所以用嘅時候要噴落化妝棉度再輕拍, 或者直接噴係面/頸度.

係透明無色嘅,散發淡淡草本氣味

洗完面.皮膚乾到起格仔 (OMG)

抺上活膚爽膚水,皮膚即時得到舒緩,無之前咁乾咁紅.

再即刻塗上HydroSpark 控油保濕系列嘅HA 深層保濕精華

設計幾特別(大鄉里)第一次見,向右擰就會昇起泵嘅位置

源自天然三大保濕成份–蘆薈、仙人掌、透明質酸及維生素,結合成高濃縮保濕精華,迅速發揮三重保濕功效,整頓細胞排列,鎖住水份,舒緩抗敏,令疲倦暗啞肌膚,回復彈性光澤

質地係好稀身嘅乳液狀

吸收得好快

面上嘅格仔進一步減退,平伏返

另外仲有Mask 特別護理系列,加強修護肌膚

藍莓薰香活膚緊緻面膜

蘊含豐富花青素Anthocyanin，抗氧化功能有效預防肌膚衰老，改善暗啞面色，花青素有助強化膠原蛋白合成，保持體內膠原蛋白的特性，提昇眼部機能

成份:
-HA(Hyaluronic Acid) 形成鎖水保護膜，同時緊緻肌膚，增加彈性
-蘆薈及仙人掌精華，補充肌膚水份，改善肌膚細紋問題
-青瓜及金鏤梅具有舒緩功效，消除疲勞
-當歸促進血液循環，加速養份吸收，亮白光澤
-薰衣草提取液, 促進細胞再生,平衡油脂分泌,可治灼傷與曬傷,抑制微生物生長,加速傷口療合
-藍莓,含豐富花青素，抗氧化，預防衰老，強化膠原蛋白，改善暗啞皮膚
-迷迭香提取液,抗菌、癒合、收斂
-乳木果油,豐富的滋潤劑易吸收、加強皮膚的保濕能力,對中乾性及角質受損之肌膚能加以滋潤

打開後

咦..有3層喎.

再睇左一輪說明,原來係先撕去珍珠膜,將中層呈透明狀生物纖維面膜向外翻出,敷係全臉, 再撕去網狀紙質底層

依塊納米級嘅生物纖維面膜,質感好滑,有DD似啫喱,好驚會整爛.

貼面度99%,而且連眼位,勁!!

20分鐘後(可以敷夠30分鐘)取下

面上仲有小量精華(比預期中少),按摩下等佢完全吸收晒

原本好乾嘅皮膚..

依家潤左D,有光澤左

老實講保濕效果一般,可能係因為部份去左淨低嘅珍珠膜同網狀紙質底層度.

面膜質地無疑係幾特別,不過反而比D"配角"搶左D精華,嘥晒呀...

產品全由天然草本植物去製造,好新鮮, 有Q嘜保證架, 不過為左夠FRESH, 使用限期相對短D, 3個月內要用晒

想支持香港製造,可以去呢度了解多D .. 除左產品資訊,仲有好多護膚TIPS架

鐘意SeeWide的分享，給我們一個Like吧！