自從小桃學識化妝之後
基本上都掉入呢個黑洞入面
有時會睇完人地既妝文影音
都會忍唔住化個濃妝
不過有時又會怕自己化得多濃妝
有一日落妝會突破發現變左鑽石夜總會
所以都會得閒又化返淡妝,甚至裸妝平衡一下
不過無論係化點樣既妝
都總有一樣要搽響面度既
呢樣就係隔離霜Base 喇
用黎保護住皮膚
最近小桃就得到一支KilaDoll 既隔離霜了
細細支,包裝以粉紅色同白色既配搭
最吸引既就係佢同一般既BB CREAM 一樣
一支有多種功效
今次呢支KilaDoll櫻花美肌嫩白霜就有八種功效喇
搽一支響面就有八種功效
好方便呀!!! 好岩懶人!!
成份有傳明酸,玻尿酸等等既嫩白保濕成份
唔會殘留阻塞毛孔
最緊要係就算係敏感肌膚都可以用
不過略嫌開口太大
有時會唔小心擠太多出黎
至於質感方面都算係難推既
不過就唔駛用太多份量就已經足夠搽全面
雖然話佢同BB CREAM 一樣
可以一支有多種功效
不過佢比BB CREAM 優勝既地方係佢完全搽左上去無粉的
即係話佢完全唔會甩色
唔怕整到衫同埋擦汗既紙巾都係粉要補喇
呢樣絕對要讚呀!!!
唔駛再擔心浮粉,補粉既問題了!!!
呢一支最主要既功效就同個名一樣
櫻花美肌嫩白霜
當然就係美白啦!!!
對於易黑難白既小桃而言, 我一見到呢兩隻字就會雙眼發光!!
的確,搽完係真係即刻白左的!!
呢個係小桃用普通既BASE 之後的
而呢一張呢
就係小桃用左櫻花美肌嫩白霜做BASE 喇
好明顯塊面白左!!
不過呢一定要搽埋頸呀...唔好就會兩截色,笑死人嫁喇!!
如果好似小桃咁
有時唔小心擠得太多
成塊面搽哂都仲有淨都唔駛怕浪費
因為呢一支櫻花美肌嫩白霜係可以全身用嫁
適用於面部,腿部,手臂同身體等
所以小桃有時都會拎黎搽身體色素暗沈既位置
好似手肘,腳跟同埋膝蓋咁樣
連呢D 咁細微既位置都照顧好
身邊人見到就自自然然又再加分喇!!
女人,無他的...
女為悅己者容嘛
呢一支櫻花美肌嫩白霜可以響ENID 度買到
小桃睇過網頁,發現而家做緊買一送一呀!!!
快D 去睇下...睇下岩唔岩你用啦!!
舊文回顧:
大家要繼續支持我的足印呀![]()
============================================
感謝 Crystal 提供以上資料
Crystal的網誌: http://crystalhkc.blogspot.hk/
============================================
