去到先去探奶奶, 探完之後就去食我最鐘意食, 由舊年望到今年既鴨湯喇, 我地去食之前打電話去幫襯開嗰間問會唔會休息, 佢地答唔會, 仲會開到9點添, 於是滿心歡喜出發啦, 點知5:30去到閂左門喎!!! 我心唸會唔會隻佬誤會左人地, 其實人地係答: "開到9點...除左今日." 佢就聽漏左後面嗰4隻字呢? 於是佢又打電話問人地, 點知個老細仲騎呢, 佢答: "呀~係呀, 本來係開到9點, 但係臨時決定收早呀..." ![]()
於是隻佬就叫佢介紹邊間好食, 個老細就介紹左一間, 咁
o岩我又唸住去呢間, 於是就入左去喇...
好野好野, 終於食到喇~
呢個醋醬用黎點水芹 & 鴨食...
食完做運動...行超市..
見到美祿呀, 不過我咁大個女都好似只係飲過1,2次, 無咩特別喜好...
行完就返去二佰屋企瞓喇~ 等我仲拎埋床單被舖一心唸住喺奶奶間屋瞓架麻...但係隻佬就 '驚我悶, 驚我無野做', 就話去佢二哥屋企瞓, 仲幫我安排好第2日既節目添...
第2日6點幾晨咁早起身, 開始我既節目, 就係幫手整過節既野喇...好彩我唔識煮餸, 所以我只係洗下豆芽, 洗下蟹, 煎下餅咁啫...哈哈~ 好多野阿嫂前一晚已經整定, 所以都唔多野做. D男人? 瞓既(我隻佬)繼續瞓, 一係就坐喺度(佢D阿哥)睇電視...不過我都係第1次聽到呀嫂話佢地: "做咩坐哂喺度睇電視? 幫手set檯啦~"
食完洗完, 就一班人一齊去探奶奶喇, 探完就去隻佬個呀叔屋企, 唔知點解往年都無咩點去, 今年又會去...
仲要係唔知點解往年呢條鄉村揾架車都無, 今年就泊左咁多車...
塞到...連山路都塞埋...點解行山路唔行高速公路? 因為我地部GPS 有個功能就係有埋即時交通狀況, 如果知道原定路線勁塞車, 佢就會自動guide我地行第2條路...
行行下經過一檔賣栗子既阿伯, 見佢手指指, 叫d車行捷徑, 有d車就跟佢, 我地就無...
我: 喂, 佢叫d車行嗰度, 做咩唔跟呀?
佬: 佢可能指d車去佢塊地到買栗子呢...
我: 咁都俾你唸到...
GPS 就guide 左我地行呢條超暢順既一段路喇~
由晏晝12點幾行到夜晚仲喺條公路到...係, 真係度度都勁塞車, 我地足足用左10個鐘先返到屋企, 塞車塞到中途停低瞓左一陣, 塞到9點先食飯, 我同隻佬就好似太陽花咁, 由日頭出發坐到直一直, 到無左日頭就謝哂, 學佢話齋, 係食完餐飯先似番個人...
返到屋企, 真係好攰好攰, 未掂到個枕頭都已經瞓著咁滯...
佬: 出年都係坐火車返去喇...
--------------------------------------------------------------------------------------------
後記...
我發覺今次返去我叮噹上身...
話說頭一日出發無幾耐...
佬: o...唔記得帶帽!!
我: 我幫你帶左喇~
佢中途要瞓一瞓覺...
佢: 如果有枕頭就好喇..
我: 我有喎~
返黎首爾既時候, 要同佢提神, 費事佢開車'中'眼瞓...
我: 食唔食蘋果呀?
佬: 好呀, 但係你用咩批皮呀?
我: 我帶左刀呀...
其實可唔可以將ｄ前菜放係一個碟，好似香港d燒味拼盤咁？
