戒奶--- by Dana

剛踏進2歲，朱朱好似大個左好多，吾再係BB的樣子，係個活躍的小女孩。

飲食方面，朱朱進入什麼都食的美好時光。通常自己食幾口後就要媽媽邊餵邊講書，試過同一本書講四次才食完飯。自己食完成餐飯還有待改善，但肯食嘢，媽媽已經十分開心。

每天，我們最享受飯前飯後生果。朱朱很喜歡食凍食物，媽媽雪凍生果。我們一齊摵橙皮，一齊去衣，然後分享一個橙，甜到漏。蘋果，就你一口，我一口，通常我就食皮。提子，朱朱會一粒又一粒食，間中餵爸媽食，很甜呢。

三餐固體，自己早午餐食得最好，晚餐次次都坐吾定，吾自己食，成日搞D餸，基本上都可以餵上一碗飯。至於每次訓前又可以飲150-180ml配方奶。飲完仲要食住媽媽奶才訓，夜晚仲要食夜奶，心癮也。

最近媽媽實在頂吾順啦，2年來冇晚好訓，朝早起床好似冇咪訓過咁，仲成身腰酸背痛。最近幾日特別嚴重，立即展開戒奶行動。

由1歲開始，婆婆每次見到朱朱都會講

「仲食奶奶，丑丑。」

「食奶奶，食到咁大個，好幸福啦，要戒奶奶啦。」

講左成年，媽媽都冇反應，因為我認為朱朱同我自己都未準備好。我們還陶醉在餵母乳那種親密的關係中，想緊緊地捉住那刻。

戒奶第一天
媽媽當天很累，腰酸背痛，脾氣又較差，朱朱又扭計，所以決定吾俾食住母奶訓。朱朱只是哭了一陣，太累就訓左。訓左1個半鐘，自己開門，關冷氣，出廳搵媽媽。訓醒又冇話要食奶奶，只是走過來抱住我。果刻，媽媽覺得朱朱大個囡啦，很感動。

下午媽媽可以成功自己tum朱朱訓，又冇被偷襲，夜晚照板辦煮碗，講故事，陪訓，當然有很多要求，完全忽略，喊二三分鐘後，媽媽抱住訓，不久已睡著。又再次成功，有滿足感，最開心戒埋夜奶，夜片，一覺訓天光。

戒奶第二天
午睡前，朱朱話:「食奶奶。」

媽媽話:「朱朱戒左奶奶。」

朱朱:「朱朱開生日party左，朱朱戒奶奶。」之前，爸媽問朱朱幾時戒奶，佢答2歲。

午睡前，媽媽講左很多故事書，朱朱都仲想睇書。最後我吾理朱朱扮訓。朱朱又係喊左二三分鐘，我又抱住佢一陣就訓左。

晚上，媽媽開始脹脹地，pump左D奶出來，果刻有點心痛，不忍心，明明仲有，點解要佢戒奶？

老公話我不能心軟，2日才脹，證明所剩無幾，不要勉強。

晚上睡前也是扭了一陣就訓著，一覺訓天光。反而媽媽訓吾好，可能我怪慣左朱朱一晚醒幾次，食幾次奶的生活。

戒奶第三天
過左最辛苦的戒奶頭二天，第三天如同上二天順利。朱朱也很少提及食奶奶，只是比較喜歡媽媽抱，我想這是朱朱搵到另一種親近媽媽的方法。其實，媽媽依家也很喜歡久久地抱住朱朱，感受她的呼吸，她的心跳，她的肌膚，幸福就是這麼簡單。

2年母乳生涯不簡單，但很甜蜜，付出的比得到的多很多很多，它將是我倆母女一生最美好的回憶!

1,125 total views, 9 views today

============================================

感謝 Dana & Terry 提供以上資料

Dana & Terry的網誌: http://www.cheriechan.com/

============================================