不知道大家有沒有為孩子的午餐煩惱呢？我就有啦。而當我有時間係屋企為孩子預備午餐的時候，總希望煮一些營養價值高，又健康的飯餸予孩子。雖然我唔係甚麼大廚，不過希望可以與大家一同分享一下我為孩子預備的食物，互相交流一下。
今次煮的食飯非常簡單，可以配飯，配意粉或者配麵包食用都可以。而且露筍和三文魚都係營養價值高的食物，相信孩子食用之後亦能對他們的身體有益。至於好唔好食？我每次煮，小朋友都會食晒，同埋食埋碗飯，應該好味掛。
蒜鹽煎三文魚露筍
營養價值：
露筍性寒味甘，含豐富蛋白質、碳水化合物、纖維素，更含有葉酸和多種氨基酸。尤其係豐富的纖維素及維化命，對小朋友的成長十分重要。
而三文魚呢？更加利害，以下的一段文字係網上搵的。
「三文魚的營養成份亦十分豐富。營養素包括蛋白質（核心營養素之一，維持人體細胞健康，製造酵素及賀爾蒙）、奧米加三脂肪酸（保持腦細胞及神經運作正常，降低血液中的三酸甘油脂，保障心血管健康）、維他命D（加強鈣質吸收及預防骨質疏鬆症）、礦物質硒（強力抗氧功能，預防細胞氧化受損）和膽鹼（維持腦部及人體細胞健康）。」
係咪好利害呢！我每個月總會煮幾次三文魚俾小朋友食。當然，有人話擔心三文魚有蟲，孩子食左會唔會有害？所以我會把三文魚煮熟才俾小朋友食，免除受感染的風險，小孩子都係唔好食太多生的食物呢。
制作時間：
15分鐘
材料：
三文魚扒一塊(一般超級市場可以買到)
露筍十多條(按小孩子的食量可加減)
做法：
-
露筍洗淨切去少量尾部後，再切為一半。
-
先把三文魚輕輕洗淨，再抹乾面的水份，用少量蒜鹽／海鹽調味。
-
預熱煎鍋，把三文魚有蒜鹽的一面放到鍋中，細火煎約二分鐘。
-
反轉三文魚，再煎約二分鐘，完成。
-
期間三文魚會分泌大量魚油，再利用魚油快炒露筍，可加入少量蒜鹽／海鹽調味。
-
配利白飯或意粉皆可。
-
唔怕肥胖的話，配合沙津醬味道更好。
備註：
-
實際煎魚時間要按魚扒的厚薄而定，今次運用的是較薄的。
-
期間三文魚分泌的大量魚油，可把煎鍋側向一邊，利用滾油輕炸魚皮，讓魚皮變得香脆，增加小朋友的食慾。
-
配麵包的話，可把魚扒弄碎，放入麵包中。
============================================
感謝 SiuB_Fan 提供以上資料
SiuB_Fan的網誌: http://siutimfamily.blogspot.hk/
============================================
