早於大半年前偶然於生果日報副刊見倒有間銅鑼灣門市舖賣龍貓盆景已經大愛，適逢母親大人生日，買了一小盆番去送禮。
前排去 PMQ，裏面有一家賣瓶中森林，索價都幾高，睇中一盆要 $680，心諗：好靚呀，好想買，但一棵植物啫，唔係好甘心比咁多錢買喎... 重點係小女子身為植物殺手，有殺冇賠，真係唔知可以 ‘維持原貎’ 幾耐。
相對於之前銅鑼灣買既一盆，其實銅鑼灣嗰間比較靚同平，於是幾日後又忍唔住去睇，巧遇人家做八折，開開心心又拎一盤走。隨盆附送既一粒卡通公仔今次揀了史力奇～
買左番屋企，發現佢好寂寞喎，於時又去到萬能既淘寶打算幫佢揾個伴。嘩， 今次不得了，淘寶多左好多微盆景同卡通公仔，好多都好靚，但要自己砌。好想買，但問心唔知搞唔搞得掂，於是買了一棵盆景同一大堆姆明同龍貓卡通公仔番黎試玩。好快寄到，番淘寶 LINK 揾製作示範，十五分鐘內完成，原來好易! 整完呃得吓人喎。
轉頭 post 左上 facebook 荼毒一眾好友， yeah！其實公仔拎番公司放於唔同盆栽內，自制盆景是也 ～
淘寶內既微盆景多數為龍貓，及一啲不知名卡通，真係要慢慢揀心頭好。温馨提示：响淘寶揾 '龍貓微盆景'有大量選擇，建議唔好買封頂原球款，因為盆景內都係真正既植物，會生長，封頂款會影响生長。
另外為節省運費，最好於同一間舖內選擇唔同物品。一套盆景內其實已包植物，已選款式之卡通圖案同所需工具。我家中之前買落既盤景同公司植物部份已死，變黄，今次順手買了幾份菁苔同其他小植物自行換了，植物都好似重生了～～
The making of :
============================================
感謝 dorstalk 提供以上資料
dorstalk的網誌: http://dorstalk.blogspot.hk/
============================================
