寫到第4日喇, 仲有1日未寫,
應該唔會爛尾喇
而家寫親遊記BLOG 都有D 壓力, 驚自己拖拖下又冇左件事,
返左o黎咁耐, 相都未得閒曬呀
(其實連沖繩果d都未曬, 真懶~)
第4日一早起身再睇下石壁呢度o既環境先,
之前果日未影相
真係相當唔錯
雖然唔算好大, 但好彩接待o既人亦唔多,
有好充分o既活動空間
早餐時間到, 有百香果汁,
小齊唔怕酸~
弊! 離開時有d 雨~
諗住近近地o黎行下
大湖呢度草莓出名,
石壁城堡果邊都送左 4樽草莓 JAM 比我地,
嘩重到呢~
好彩真係近近地, 因為冇乜o野睇
賣手信o既地方幾整齊, 我買左一樣唔知草莓什麼產品,
自己都冇食到, 唔知咩味
由於苗栗果邊天氣唔太好, 我地決定早D 離開,
之後一路揸車o黎到南投縣埔里鎮
見證住佢越開越大
另外2次分別係2012同2013年, 一年o黎一次...
果時小齊係一粒豆仔~
今次o黎見到門口開埋呢個雪糕counter
一場o黎到買朱古力之餘都食下雪糕, 小齊自選口味o既口味
開心晒, 好在你阿媽我都鍾意食,
唔係成日都比你扭到食o野咩?!
食到成面係
表哥試食左好多朱古力!
之後去酒廠阿姨佢地去買咩鴨腎, 我地就行超市,
兩老表傾買咩食傾得好HAPPY
又o黎到酒廠喇, 小齊大個女左, 冇咁肥~
除左塊面, 都係咁肥~ 哈哈~
今次好似重溫舊夢咁, 同兩年前o既行程極相似~
兩年前我地為左住peter rabbit 房就揀左明琴
但今次唔係住peter rabbit 房,
book左3間房, 2人, 3人, 4人房各一
原因係阿婆鍾意, 上次o黎清境住過另一間,
婆婆話都係明琴好d~
o黎到時天氣係咁~
唉~
一路上山條路都好大霧, 真唔好彩,
其實除左第一次o黎清境天氣係好之外,
之後一次衰過一次,
第二次o黎果時都勁大霧, 但未至於落雨,
今日就又霧又雨
我地o係房hea下等雨停, 可惜雨冇停
唯有冒雨去d 有瓦遮頭o既景點
諗住o黎睇下小瑞士花園同紙箱王
OPEN CHAN 係台灣7仔o既代言人o黎
同7仔相連o既係清境紙箱王
有大量紙製玩意
小齊睇o黎都幾喜歡, 好彩佢冇叫我買
買左少少o野之後上樓上間紙箱王餐廳食晚飯
連櫈都係紙製
叫左o野食就周圍行下睇下風景
有音樂噴泉
望落樓下就係小瑞士花園,
因為一路都綿綿細雨咁, 落唔到去行,
唯有o係度影下就算
晚餐質素一般(偏差), 當係主題餐廳食綽頭o既成份較多
食完晚餐係時候掃零食, 我地去左傳說中最高o既seven 仔
掃今晚返民宿想開餐食o既零食
氣壓較低o既關係 d 薯片脹卜卜
台灣原來有呢款o既蜜瓜奶, 我o係香港剩係見過香蕉同士多啤梨味
水果味o既台灣啤酒, 我都買左罐試下
返到民宿又係小朋友o既兒童樂園時間喇~
第四天行程完
是日靚衫: Catimini, Ralph Lauren, Lelli Kelly
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================